Vapilipo 3:9 - Ibibiliya mu Shimakonde Imbodi Yaambi na dimbande dya Imbodi Yakala

⁹ na ngunanapele nkati mwake pandikavenavo ishaliya yangu nene nimwene yakwalakela mulilamulo kanji yakwalakela kwaindila yakunkulupila Klistu, ishaliya ailá yalakéla kwa Nnungu na inanapéla mulikulupililo.

Vapilipo 3:9 ပူးပေါင်းရင်းမြစ်များ

Mateu 9:13

Wena mukalipundishe mana amalove ala, ‘Shangulota ni shididi i shadaka.’ Nangu hangwidile ndavashema vaishaliya ila vakutega.”

Valoma 1:17

Mwaa mo muntenga mo inkulilodya ishaliya yake Nnungu kutunduvangila mulikulupililo kuka mulikulupililo kenga mwavaandikidile, “Waishaliya andanama kwalikulupililo.”

Valoma 10:10

Doni, kwa wo ntima, munu anakulupila kutwala kupata ishaliya na kwa yo ikanywa, munu andaang'ula kutwala kwambolegwa.

Valoma 16:7

Mupe nandele Andoloniku pamo namu Yuniya vakwetu na vavangu nkati mukungwa, vanu vamanyíke namene pakati pavamyombe na vanavo vatandi kupagwa nkati mumwe Klistu nangu nikanava.

Valoma 5:21

kwambangidya kenga mo mwalitawalidile lidambi nkati mukupela, namomo umonyo utawale nkati mwishaliya iidanavo shingumi shíkamalilika kwaindila imwe Yesu Klistu Umu wetu.

Valoma 8:1

Napavedoni ambi apa hakupali kuukumigwa kwa avalá vavéle nkati mumwe Klistu Yesu

Valoma 8:3

Doni, ashilá shíkaulwile lilamulo kutandedya kwamwaa wakudabadabanga kwashimunumunu, Nnungu anditandedya pantumididye Mwanagwe kwaing'ope yashimunumunu yalidambi na kwaupande walidambi, nae andyukumu lidambi mushimunumunu

I Vakolintu 1:30

Ni kwamwaa wake nae shitádya mwenu mupagwe nkati mumwe Klistu aijá áukile ndava kwetu wetu limanyilo lyalakéla kumwe Nnungu, ishaliya, kwilimyanga na kwambolegwa

II Vakolintu 5:17

Napavedoni, ikava kenga munu ankupagwa nkati mumwe Klistu, ajo ni shiumbi shaambi. Vyakala vindipita. Mwenu, viidilé vyaambi.

II Vakolintu 5:21

Aijá ákamanyite lidambi anintadya kuva lidambi kwamwaa wetu wetu kwambangidya tuvalangiligwe kuva ishaliya yake Nnungu nkati mwake.

Vagalata 2:16

ata tumanya avi do, munu hanapata shinu ishaliya kwamwaa wakwodedya lilamulo ila kwaindila yakunkulupila Yesu Klistu, nawetu momo tuninkulupila Yesu Klistu pakulota tupate ishaliya kwaindila yakunkulupila Klistu i kwamwaa wakwodedya lilamulo. Ni doni, kwakwodedya lilamulo, hapali álota kupata ishaliya.

Vapilipo 3:6

kwaidukuduku, nkúpapata liganisha; kwaishaliya ipagwíte mulilamulo, ákave makosha.

II Timoti 1:9

aijá átwambwele na átushamile kwalishamelo lyakwilimyanga i kwamwaa washimadengo shetu kanji kwamwaa waishabaa yake jo mwene na umonyo watupatile nkati mumwe Klistu Yesu tangu wakati úkamalilika ukanava kupagwa

Titu 3:5

i kwamwaa wavitendo vyetu vyaishaliya vyatutandile kanji kwamwaa washididi shake, nae anditwambola kwaindila yakuukangigwa kwakuvalekwa kwaambi na kudyuwangigwa kwa Imumu Wanashwe

Vabalaniya 6:18

kwambangidya dashi kwaindila yavinu vivili vikabadilika, vyo víkaululika Nnungu kushang'apa, wetu tunkuulula kuvanavo kupambadyangigwa pakulota kukamulila shana lilindilililo lyavavikile mushu mwetu wetu tútukutidile kwa Nnungu.

Tiyagu 3:2

Kwakutangola mwiu wetu uti tunkulikuvala mudinamuna dyoe. Ikava kenga munu hanalikuvala shinu kwashitangodi, munu ajo ankuva washalowa-uti, namomo ankuulula kutawala mili wake uti.

II Patulu 1:1

Simoni Patulu, ntumwa na myombe umwe Yesu Klistu, kwa avalá vapatíle likulupililo lyolyo livénavo mana alinganána na lyetu kwaindila yaishaliya imwe Nnungu wetu, Mwamboli Yesu Klistu.

I Nshuwau 3:4

Kula ánatenda shimadambi namomo ankutenda ungave-lilamulo mwaa lidambi ni ungave-lilamulo.