Vapilipo 3:8 - Ibibiliya mu Shimakonde Imbodi Yaambi na dimbande dya Imbodi Yakala

⁸ Ata kwakupunda apo, ninkwona vinu uti kuva vyakujaika kwamwaa waukumene wakumamodya walimanyilo limwe Klistu Yesu Umu wangu, aijá waninjaikangila vinu uti. Avyo uti ninkwona kuva dinywashwa kwambangidya nimpate Klistu

Vapilipo 3:8 ပူးပေါင်းရင်းမြစ်များ

Lukashi 1:43

Da yaleké dashi anyoke Umu wangu kwida nangulola nangu?

Lukashi 11:20

Kanji ikava kenga nangu ninkukumulanga majini kwadimongo dyake Nnungu, bai utawala wa Nnungu unimpata bai.

Nshuwau 14:20

Muliduva alyo mwenu mundamanya kenga nkati mumwe Atata ngupali nangu, nkati mwangu mwenu mupali na nkati mwenu, ngupali nangu.

Nshuwau 14:7

Ikava kenga muningumanya, Atata momo munammanya. Kutunduvangila ambi apa munimmanya na munimwona.”

Nshuwau 16:3

Vinu avi vandatenda mwaa havammanyite Atata na ata nangu momo havangumanyite.

Nshuwau 17:3

Shingumi shíkamalilika sho ni ashi, vakumanye wako kuva Nnungu wiu úvele jumo jojo na vammanye aijá wauntumididye, Yesu Klistu.

Nshuwau 17:8

mwaa lilove lyaungupele, nangu ndivapa na vanavo vandipwashalela; vandimanya mwiu kenga nangu ngwalakadilé kwako na vandikulupila kenga wako uningutumidya.

Nshuwau 20:13

Vanavo kutwala kumudya, “Ajala, mwaa shani unkulila?” Nae kushidoni, “Ninkulila mwaa Umu wangu vanintwala na hangunamanya shinu kwavaukile nammika.”

Nshuwau 20:28

Tome kushidoni, “Umu wangu na Nnungu wangu!”

Vitendo 20:24

Kanji navalangilila shinu shingumi shangu kuva shinu shamana kwangu nene nimwene pakulota ngudududile shitamba shangu na utumika wangukamudidye Umu Yesu yakutaa ushuda ntenga wambone waumonyo wake Nnungu.

Valoma 8:18

Mwenu, nangu ninkuvalangila kenga mauvilo átupata muwakati au watuvele, havaikidile kulinganianga na lishangelo lilóta kulilodya nkati mwetu.

Valoma 8:39

i kushanya, i pai na ata kwali shiumbi shoeshoe shilóta kuulula kutwapukanianga na linagwaledyo lyake Nnungu lipagwíte nkati mumwe Klistu Yesu, Umu wetu.

I Vakolintu 2:2

Mwaa ndyámuwa namanye shoeshoe pakati penu ila Yesu Klistu na yakukamalalegwa panshalaba.

I Vakolintu 9:10

Da hainava shinu ing'ano yetu wetu tu yatangalela davo? Indyandikigwa kwamwaa wetu wetu. Mulilindilililo inimmaikila aijá álima alime na aijá ámmula ngano, ammule mulilindilililo lyakuliinjidyanga mmapuno.

II Vakolintu 4:4

Kwavanavo, nnungu wawakati au andivaputadya ding'anong'ano dyavakakulupila kwambangidya havanone lilangadyo lyantenga wambone walishangelo lyake Klistu ávele ing'ope yake Nnungu.

II Vakolintu 4:6

Doni, Nnungu átangwele, “Kushii lipagwe lilangadyo,” ni jojo álangadidye mmitima vyetu pakulota kutwing'a lilangadyo lyalimanyilo lyalishangelo lyake Nnungu mwing'ope imwe Klistu.

Vagalata 1:16

Jojo jo, painnagwadile kunnodya mwanagwe nkati mwangu nangu pakulota nimmalangange kwavamidi, hangulambadile maoni kwamunu

Vaepeshu 4:13

mpaka uti tuwikile muupamo walikulupililo na walimanyilo lya Mwana wa Nnungu; doni, mpaka tukave tuvanu tuvakukamala túwikidile shipimo shashilinga shaumbala umwe Klistu

Vapilipo 1:1

Paulu namu Timoti vatumwa vamwe Klistu Yesu kwavakwilimyanga uti nkati mumwe Klistu Yesu múpagwa ako ku Pilipo pamo na vakulaledya na vatumika.

Vapilipo 3:10

Ngulota nimmanye Klistu, ngumanye dimongo dyakudyuka kwake na ngupagwe muupamo wamauvilo ake ngulinganana namu nae mukupela kwake

Vapilipo 3:12

I do nangu ndivanavo tayali asho na ata kwali ndiva tayali washalowa-uti kanji ninkuka mushu ngulikanyalidya pakulota nguulule kukamula ashilá, sho shangukamulidile nangu Klistu Yesu.

Vapilipo 3:7

Kanji napane ashilá shíshiva paida kwangu, ninkwona kuva shakujaika kwamwaa umwe Klistu.

II Timoti 4:6

Kwaupande wangu nangu ninkumiminiligwa vangumya shadaka na wakati wakuma kwangu, undiwika.

Vabalaniya 3:14

mwaa wetu tuukilé ndaliinjidyanga nkati mumwe Klistu ikava kenga mwiu tundakamulila mpaka kumwisho likulupililo lyetu lyatupatile kunantandi.

I Patulu 2:7

Napavedoni kwenu mwenu múkulupila po, linkuvanavo mana; kanji kwa avalá vákakulupila, “Vakudenga, lijanga lyavaitile lyo, lindyuka ndava lijanga lyapalitununa.”

II Patulu 1:2

Umonyo na amani vyanjadyeke kwenu mwenu kwaindila yakummanya Nnungu namu Yesu Umu wetu.

II Patulu 1:3

Kwadimongo dyaunnungu wake anditupa uti avilá vyatulota mushingumi na mukunjopa nae kwaindila yakummanya aijá átushamile kwalishangelo lyake jo mwene na kwaushalowa wake uti

II Patulu 1:8

Ikava kenga vinu avi vipali pakati penu na vinkukulumuka, vyanavo vindatadya hamunave mmawondo na múkapa vyepo mukummanya Umu wetu Yesu Klistu.

II Patulu 3:18

kanji kulumuka nkati muumonyo na mukummanya Umu wetu, Mwamboli Yesu Klistu. Kwake nae lipagwe lishangelo ambi apa na mpaka mumaduva ákamalilika! Ame.

I Nshuwau 1:3

Aijá watungwene na watumwigwite, tunkummalangangila mwenu momo kwambangidya namwenu muvenavo upamo namu wetu, namwiu upamo wetu unkupagwa namu Atata pamo na Mwanagwe, Yesu Klistu.

I Nshuwau 2:19

Vanavo vandilyumadyanga pakati petu kanji havavéle vetu wetu mwaa leka vàvele vetu wetu vakandipagwa namu wetu kanji vanavo vandilyumadyanga pakulota imanyike ngala kenga pakati pave wetu wetu hapagwíte ata jumo.

I Nshuwau 5:20

Namomo tundimanya kenga Mwana wa Nnungu andida na anditwing'a limanyilo kwambangidya tummanye aijá Waumwiu. Na wetu tunkupagwa nkati mumwe aijá Waumwiu kwaindila ya Mwanamunu, Yesu Klistu. Aju ni Nnungu Waumwiu na shingumi shíkamalilika.