Vapilipo 3:19 - Ibibiliya mu Shimakonde Imbodi Yaambi na dimbande dya Imbodi Yakala

¹⁹ Vanavo mwisho wave ni kubamalegwa, nnungu wave ni shitumbo na lishangelo lyave linkupagwa mudyoni dyave vakumbukila vinu vyamushilambo tu bai.

Vapilipo 3:19 ပူးပေါင်းရင်းမြစ်များ

Mateu 16:23

Yesu kushiliuka kushidoni, “Tumuka mushu mwangu Shatwani! Wako ni lijanga lyakungutadya ngulikuvale. Wako haunakumbukila shinu mwakumbukilila Nnungu, ukumbukila mwavakumbukilila vanu.”

Mateu 25:41

“Bai napanelo andavaulila avalá vavé kunshanda kwake kushidoni, ‘Tumukanga apa mwenu mmanu mmadilana! Kuka kushena, kumoto úkamalilika wavankandyangididye Ndamoni pamo na vanjelo vake.

Lukashi 12:19

Ling'oto ndaulila ungumi wangu doni, “Wako Ungumi! Napanelo undivanavo vyambone vyakutosha kutumila vyaka vyoe. Napavedoni pumula, lyaa, kumbila na puwanga.” ’

Lukashi 16:19

“Andípagwa munu jumo ntajli áshigwalanga dinguvo dyamana; munu aju kula liduva ashindalya na ashindaikuta go-go-go.

Lukashi 18:4

Nkúukumu andítwala wakati aita kumwangangola kanji mushu mwake andíkumbukila doni, ‘Ata ikava kenga nanjopa Nnungu na ata namwishimu munu

Valoma 16:18

Mwaa vanu kenga ava havanantumika shinu Klistu Umu wetu kanji vatumika vitumbo vyave. Kwamalove ave akuutila na lutumbyango, vankuduwanga mitima vyavanu vákajavanianga.

Valoma 6:21

Da mushipata vyepo shani wakati awo kwavinu vyamwanangila dyoni ambi apa? Mwaa kumwisho kwavinu avyo, kupela.

I Vakolintu 3:3

Doni, mpaka ambi mwenu ni mmanu mmashimunumunu mwaa paipagwa ing'ou na ing'ondo pakati penu, da hamunava shinu mmashimunumunu na hamunaodedya shinu malotelo ashimunumunu?

I Vakolintu 5:2

Napane mwenu kutwala kulitenda kuva mmakulyona! Leka apo hamunavenavo shipalodi kutwala kumminganga átandile shitendo asho pakati penu?

I Vakolintu 5:6

Kulyona kwenu hakunava shinu kwambone. Da mwenu hamunamanya shinu kenga nkukumuku padyoko unátadya likamu uti kukukumuka?

II Vakolintu 11:12

Napanelo shangutenda sho, ndauka mushu ngutenda kwambangidya ngudivilile litala lya avalá valóta vapate litala lyakulota vaaneke kulinganana namu wetu muvinu vyavalyumidya vanavo shumbi.

II Vakolintu 11:15

Napavedoni, hashinava shinu shakujowa vatumika vake kulijaluwanga kuva vatumika vaishaliya. Mwisho wave undava kulingananavo vitendo vyave.

Vagalata 6:13

Ata vo vakumuligwa likumbi vo, havanaodedya shinu lilamulo ila vannota vankumule likumbi kwambangidya valishibangile kwa ashilá shivéle mumili mwenu.

Vapilipo 2:21

Vanji uti vaangaikangila vyave i vimwe Klistu Yesu.

Vakoloshu 3:2

Kumbukila vinu vivéle kuwa i vivéle mushilambo shapai

II Vateshalonika 1:9

Vanavo vandauvauvanga ukumu yakubamalegwa kúkamalilika, kuvaapukanianga pamevo pamwe Umu na mulishangelo lyadimongo dyake

II Vateshalonika 2:12

kwambangidya vaukumigwe uti avalá vákakulupila umwiu kanji vapuwangila ungave-shaliya.

II Vateshalonika 2:8

Bai apo andaaneka waungave-lilamulo aijá walota kuntimbanga Umu Yesu kwaimepo yankanywa mwake na kummalidya kwakuumilila kwakwida kwake.

I Timoti 6:5

na mitau víkave mwisho vyavanu vading'ano dyakutimbikanga vákave umwiu vona kenga kupata malupulupu ni kunjopa Nnungu.

II Timoti 3:4

vanánnimya, vakulitauka, vaimbeve, vakunagwaledya vyakudangadanga kuliko kunnagwaledya Nnungu,

Tiyagu 4:16

Kanji napane mwenu munkulitamanga nkati mukulyona kwenu; kulitamanga aku, kundinyata.

II Patulu 2:1

Doni, kala po vandyúmilila vakulava vakushang'apa pakati pavenentete, nadoni pakati penu mwenu momo vandaumilila vamwalimu vakushang'apa. Vovo vo vandainjidyanga mapundisho akushang'apa abamóla vamwita ata mpaka Mwene ávashumile; shinu shilóta kwidanavo kubamolegwa shingangala vo vene.

II Patulu 2:13

vapata wakunyata kenga nshala wavyakunyata vyavatandile. Vanavo inkuvanagwela kutenda vikukulu vyaupuju mui liduva livala. Vovo vo, vandilamala na vankuvanavo malemba vapuwangila mukushang'apa kwave muwakati wavalyunganianga namu mwenu pandamu.

II Patulu 2:3

Kwalung'unuku lwave, vanavo vankuvashonda vanu vatumila maimyo akubuni vo vene. Kwavanavo, ukumu ikandyangígwe tangu kala, haididimanga; kubamalegwa kwave ko, hakudidimanga.

Yudashi 1:10

Vovo vo, vankukupulu vinu vyavakamanyite, namomo kwavinu vyavamanya kwamavalelo, nkati muvyanavo vinkuvabamola kenga vakoko vákave ding'ano.

Yudashi 1:16

Vanu avo vankunama vatangadikanga ngwengwe, vakashalya, vaodedya malotelo ave vo vene, vankulitapila na kutangola malove anagwaléka kwambangidya vapate paida yavo vo vene.

Yudashi 1:4

Mwaa vanu vanji vandiliinjidyanga shipiipii, vanavo ukumu yave indipangigwa tangu nakala, vanu vákave Nnungu vatindinganiánga umonyo wa Nnungu wetu pakulota shive shinu shakulaukila na vankumwita Nang'olo wetu jumo, jo Umu wetu, Yesu Klistu.

Maono 18:7

Kwashipimo shosho shakuling'a lishangelo na kunama mushinamidyo shaditamaa, kwashipimo shosho mupe mauvilo na shipalodi. Muntima mwake nae aashidoni, ‘Ndiikala kenga umu nkongwe, hangunava shinu ninamwili, mwiko hangupata shinu shipalodi!’

Maono 19:20

Kanji lidimu aijá, vanínkamula pamo namu nkúlava wakushang'apa áshitenda vimanyikilo palina lyake avaduwanga vanu vapwashaladíle numalu umwe aijá lidimu na kulipudya kulishinamu lyake. Uti ava vavili vandíjalegwa mulitanda lyamoto likaléla na ipataki vàvele vangumi.

Maono 21:8

Kanji vakujopa, vákakulupila, vakalau, vakubyaa, vakulavalava, vavi, valipúdya kwavannungu na vakushang'apa uti, vanavo maleko ave, lilota kuva alilá litanda lyamoto likaléla na ipataki; aku ni kupela kwambili.”

Maono 22:15

Vandaikala panda vang'avanga, vavi, vakulavalava, vakubyaa, valipúdya kwavannungu pamo namu avalá vanagwalédya na vatandédya vyakushang'apa.