Vapilipo 2:6 - Ibibiliya mu Shimakonde Imbodi Yaambi na dimbande dya Imbodi Yakala

⁶ Nae, ata ikava kenga mumavalelo ave Nnungu, hagwene yakulinganana na Nnungu kuva shinu shakung'ang'anikila

Vapilipo 2:6 ပူးပေါင်းရင်းမြစ်များ

Mateu 1:23

“Mwenu, mwali ntete anammaleka mwana nnume. Mwana ajo vananshema lina lya Emanuweli,” kwakuvalangangila mana ake, Nnungu ankupagwa namu wetu.

Nshuwau 1:18

Nnungu, hapali munu ata jumo ángwene ila jumo wagweka, àvele Nnungu, jo áijeme pashuva sha Tatamunu ni átutadidye tummanye.

Nshuwau 10:30

Nangu namu Atata tunkuva shinu shimo.”

Nshuwau 10:33

Vayuda kushidoni, “Wetu hatunalota shinu kukwamanga majanga kwamwaa washinu shoeshoe shambone shautandile, ni kwamwaa wakukupulu. Wako umunu, napane unkulivika kuva Nnungu.”

Nshuwau 10:38

kanji ikava ninkutandedya, ata mukanangukulupila nangu, bai kulupila kwavinu vyangutenda vyo pakulota mumanye na muke mushu mumanya kenga Atata ankupagwa nkati mwangu na nangu nkati mumwe Atata.”

Nshuwau 14:28

Mundigwa vyanimwaulidile kenga ninkuka na namwidila kavili. Leka mùngunagwaladidye, mukandipuwangila ing'ano yakuka nangu kumwe Atata mwaa nae ni nang'olo kungupunda nangu.

Nshuwau 14:9

Yesu kutwala kushidoni, “Nangu ndiikala namu mwenu muwakati woe, mpaka ambi haunava kungumanya Pilipo? Munu ángugwene nangu, animwona Atata. Napanelo wako utangola dashi doni, ‘Ngulodya Tatamunu’?

Nshuwau 17:5

Nadoni napanelo Atata ngupa lishangelo pamevo pako, lishangelo lyolyo lyanguvénavo pamo namu wako shilambo shikanava kukandyangigwa.

Nshuwau 20:28

Tome kushidoni, “Umu wangu na Nnungu wangu!”

Nshuwau 5:18

Bai kwamwaa wamalove ala vayuda vashindamamodya kulambela mwakummalididya Yesu, i kwamwaa wakutimbanga liduva lyakupumula gweka kanji namomo yakunshema Nnungu tatake alilinganianga jo mwene na Nnungu.

Nshuwau 5:23

kwambangidya vanu uti vamwishimu Mwana kenga mwavamwishimila Tatamunu. Ákamwishimu Mwana hanamwishimu shinu Tatamunu, aijá ántumididye.

Valoma 9:5

Kwavanavo vanyakalamunu vàve na kwashimunu ni kwálakadile aijá Klistu, aijá ávele pashanya pavinu uti, Nnungu átumbyangilika ngwengwe! Ame.

II Vakolintu 4:4

Kwavanavo, nnungu wawakati au andivaputadya ding'anong'ano dyavakakulupila kwambangidya havanone lilangadyo lyantenga wambone walishangelo lyake Klistu ávele ing'ope yake Nnungu.

II Vakolintu 8:9

Mwaa mwenu mundimanya umonyo umwe Umu wetu Yesu Klistu doni, àvele avi ntajili kwakunnagwaledya mwenu nae andilitenda kuva ákave pashinu kwambangidya kwaindila yaungave-pashinu wake, antadye mwenu muke mukave mmatajili.

I Timoti 1:17

Ambi napane kumwe Umu wangwengwe, ákapela, ákaaneka, jo Nnungu jumo, kwake nae kupagwe ishima na lishangelo ngwengwe ngwengwe. Ame.

I Timoti 3:16

Mwiu shikumene tunkuvalanganga ni shipii shakuvanavo Nnungu: Aijá átandegwe kumanyika mushimunu, áakikishigwe kwa Imumu, áanakene na vanjelo, wavammalangenge pakati pavenentete, wavankulupidile mushilambo, átanduligwidye mulishangelo.

Titu 2:13

akuno tulindila lilindilililo lyakutumbyangilika, kuumilila kwalishangelo lyake Nnungu nkumene Mwamboli wetu Yesu Klistu

Vabalaniya 1:3

Nae ni kung'ala kwalishangelo lyake Nnungu na ni ing'ope iu yamavalelo ake akamulila vinu uti kwaindila yalilove lyake lyadimongo; ling'oto lyakukandyanga shakuushaniangidya ushapu kwamadambi, nae andiikala kushanya kunkanakono kumwe aijá Wakujowa walishangelo

Vabalaniya 1:6

Namomo kavili Nnungu pantumididye mushilambo amu Ntandi kuvalekwa atédoni, “Vanjelo uti vake Nnungu valipudye kwake nae.”

Vabalaniya 1:8

Kanji kwaupande wa Mwana nae atédoni, “Shiteng'u shako Nnungu shindapagwa ngwengwe ngwengwe, ipimbo yautawala wako, yaishaliya.

Vabalaniya 13:8

Yesu Klistu ni jojo, lido, nelo na ngwengwe.

Maono 21:6

Aníngwaulila kavili doni, “Vindiwikila popo. Nangu ni Alupa na Omega, Nantandi na Wamwisho. Ávenavo inyota ndamupa akumbile monyo papandukenge medi ashingumi.