Vapilipo 2:29 - Ibibiliya mu Shimakonde Imbodi Yaambi na dimbande dya Imbodi Yakala

²⁹ Napavedoni, mpwashalele nkati mumwe Umu kwalipuwilo uti na vaishimu vanu vakuva kenga ajo

Vapilipo 2:29 ပူးပေါင်းရင်းမြစ်များ

Lukashi 9:5

Palikaja lyoelyoe vakamwita kumpwashalela, pamuma po pumunanga litutunga mmadodo mwenu pakulota uve ushuda kumili kwave.”

Nshuwau 13:20

Ninkumwaulila mwiu mwiu doni, álota kumpwashalela aijá wanintumidya nangu, angupwashalela nangu na aijá ángupwashalela nangu, ampwashalela aijá ángutumididye.”

Vitendo 2:46

Liduva kwaliduva vakadyania mwing'ande ya Nnungu, vamajananga ligung'u muding'ande, vashindamajananga kula munu na muje kwamitima vyalipuwilo na vyakujaulanga,

Vitendo 28:10

Vanu avo vandítupa dinudyo dyoe namene na patuukile ndapanganikanga pakulota twinjile mwingalava vandítupa vinu vyoe vyakutupwashela mushimwanda shetu.

Vitendo 8:8

Nadoni panjini awo lishindapagwa lipuwilo lyoe namene.

Valoma 10:15

Na valota kuvalanganga dashi vakatumigwidye? Kenga indyandikigwa, “Kwalala dashi madodo a avalá vavalangánga ntenga wavinu vyambone!”

Valoma 16:2

pakulota mumpwashalele nkati mumwe Umu kenga muvaikidíle kwavakwilimyanga, namomo mpwashele muvyoevyoe vyalota kulota kwenu mwaa nae ankuvapwashalela vanu voe na ata nangu momo.

I Vakolintu 16:10

Paida Timoti po, mwenu ntadye nae aligwe shana pakati penu mwaa jojo jo, ankukola madengo ake Umu kenga nene.

I Vakolintu 16:18

Vanavo vandipambadyanga ntima wangu namomo mitima vyenu. Nadoni vaishimu vanu kenga ava.

II Vakolintu 10:18

Mwaa hanakubalika munu álitumbudya jo mwene kanji akubalika aijá wantumbudya Umu.

II Vakolintu 7:2

Panganianga litala lyetu mmitima vyenu. Hapali watumwanadile, hapali watumwashadyenge na hapali watunshandile.

Vapilipo 2:28

Nadoni ninkuvanavo dukuduku yakupunda apo yakuntumidya kwenu pakulota pamulota kumwona kavili, mwenu muvenavo lipuwilo na nangu shipalodi shangu shipunguke.

Vakoloshu 4:10

Alishitaliku nkúngwamwangu nae ankuntumidya mwenu nandele; namomo Malukushi binamu wake Balinaba. Ing'ano imwe Malukushi, mwenu mundipata malailililo; paida po, mpwashalele.

I Vateshalonika 5:12

Napanelo mmanung'unumunu ninkunjugwa muvaishimu avalá vakóla madengo pakati penu, vo vannangalaléla nkati mumwe Umu na vandúma.

I Timoti 5:17

Avalá vanang'olo valangalaléla shana, vandivaikila vapate ishima ing'umene kupunda namene avalá vakóla madengo akuvalanganga lilove na kupundisha

Vabalaniya 13:17

Vaigwilile vananangalaledi venu, namomo livike mwina mwave mwaa vanavo ni vashúnga ungumi wenu kenga vanu valóta kujang'ulanga pamevo pake Nnungu. Vaigwilile kwambangidya shimadengo shave shive shalipuwilo i kwakung'ung'ulanga mwaa ikava davo, haipagwa paida kwenu.

III Nshuwau 1:10

Napavedoni pangulota kwida ako ndaundukulanga uti vyatenda, malove aukalau na akunyambikanga kwetu wetu. Nae avi havinantosha shinu, leka apo ankwita kuvapwashalela vanung'unumunu, kuvadivilila avalá valóta vavapwashalele na kuvavinganga muliganisha.