Vapilipo 2:17 - Ibibiliya mu Shimakonde Imbodi Yaambi na dimbande dya Imbodi Yakala

¹⁷ Ata ikava kenga vankungumimina pashanya shadaka na mukutumika muukulangalalela-shadaka kwalikulupililo lyenu, ninkupuwanga na ninkupuwanga pamo namu mwenu.

Vapilipo 2:17 ပူးပေါင်းရင်းမြစ်များ

Vitendo 20:24

Kanji navalangilila shinu shingumi shangu kuva shinu shamana kwangu nene nimwene pakulota ngudududile shitamba shangu na utumika wangukamudidye Umu Yesu yakutaa ushuda ntenga wambone waumonyo wake Nnungu.

Vitendo 21:13

Kanji Paulu kutwala kushidoni, “Mwaa shani mwenu munkulila na munkungutaa shipalodi shoe muntima mwangu? Mwaa nangu apa i ngukubalidyé gweka kungwa kanji ata yakupela kwamwaa walina limwe Umu Yesu, ndikubali momo.”

Valoma 12:1

Napavedoni mmanung'unumunu, ninkunnaililila kwashididi shake Nnungu lyumye mili vyenu kumwe Nnungu kenga shadaka shingumi, shakwilimyanga na shinnagwéla Nnungu; aku ni kulipudya kwenu kwaimumu.

Valoma 15:16

wakuva nintumika umwe Yesu Klistu kwavamidi mukutumika ntenga wambone wa Nnungu muunashilangola wakupalakedya shadaka kwambangidya vamidi vatandegwe kuva shadaka shinnagwéla Nnungu, shadaka shitandégwe kuva shakwilimyanga kwa Imumu Wanashwe.

II Vakolintu 12:15

Nangu kwantima wambone ndajaanga na ndalijaangila uti kwamwaa waungumi wenu. Ikava kenga nangu ninkunnagwaledya namene mwenu, ndanagwaleka padyoko?

II Vakolintu 4:12

Nadoni kupela ankukola madengo nkati mwetu kanji shingumi shinkukola madengo nkati mwenu.

II Vakolintu 6:10

kenga túvenavo shipalodi kumbe ngwengwe tunkupuwanga, kenga tuvamashikini kumbe ni túvatadya voe vatajilike, kenga túkave pashinu kumbe tunkuvanavo uti.

II Vakolintu 7:4

Ninkuvanavo ntima shii kwenu mwenu; kwenu mwenu ko, ninkulyumya shumbi poe. Ninkuumbaligwa kupambadyangigwa; nkati mumauvilo etu uti, ninkuumbaligwa lipuwilo mpaka kupakatika.

Vapilipo 1:20

Shilakolilakoli shangu na lilindilililo lyangu ni ali, hashipali ata nkati mushimo shilóta kungutaa dyoni kanji kwantima washinannume kenga ngwengwe na ata ambi apa, Klistu andatumbyangilika mumili mwangu, ata mushingumi na ata mukupela.

Vapilipo 2:18

Nimumo momo, namwenu puwanga na puwanga namu nangu.

Vapilipo 2:30

mwaa nae andípela kwashimadengo shimwe Klistu alimyanga shingumi shake pakulota awishe popo ashilá she shibakidíle mukutumika kwenu kwangu nangu.

Vapilipo 4:18

Nangu ndivanavo uti na ndyumbala. Ndilinganana pangupatile kumwe Epapoloditu avilá vyaléke kwenu; avyo ni kunung'angila kwambone, shadaka shakukubalika shinnagwéla Nnungu.

Vakoloshu 1:24

Napanelo ninkupuwangila mumauvilo angu kwamwaa wenu mwenu mwaa nkati mumili mwangu, ninkuumbadya mauvilo aovíte amwe Klistu kwamili wake lìvele lyo liganisha.

I Vateshalonika 2:8

amu ni mwatunnagwaladyedya mwenu wetu mpaka kututadya tuve tayali kumajananga i gweka ntenga wambone wa Nnungu kanji ungumi wetu momo pakuva mwenu mwiu mundyuka ndava mmakunagwaleka vetu.

II Timoti 4:6

Kwaupande wangu nangu ninkumiminiligwa vangumya shadaka na wakati wakuma kwangu, undiwika.

I Patulu 2:5

namwenu momo kenga majanga mangumi, munkudangegwa ing'ande yaimumu pakulota muve unashilangola wakwilimyanga wakupalakedya shadaka kwambangidya mumye shadaka shaimumu shikubalíka namu Nnungu kwaindila imwe Yesu Klistu.

I Nshuwau 3:16

Mwatumanyidile linagwaledyo ni amu: Yesu Klistu andijaula shingumi shake kwamwaa wetu wetu na wetu leka tujaule shingumi shetu kwamwaa wavanung'unumunu.