Vapilipo 2:15 - Ibibiliya mu Shimakonde Imbodi Yaambi na dimbande dya Imbodi Yakala

¹⁵ pakulota dashi, muve mmanu múkave makosha na múkave ushapu, mmanavake Nnungu múkave malemba pakati paimbula yavanu vakukangadakanga na vakwashalanga, po pamulangala mwenu pakati pave kenga vyakulangala mushilambo

Vapilipo 2:15 ပူးပေါင်းရင်းမြစ်များ

Mateu 10:16

“Mwenu, nangu ninkuntumidya kenga mmangandolo shing'ati mavinji. Napavedoni ava mmajanja kenga dinyoka na múkavele makukulu kenga ding'unda.

Mateu 17:17

Yesu kutwala kushidoni, “Mmanu mmaimbula íkakulupila na yakudumbadumba! Da nangu ndapagwa namu mwenu mpaka duvani? Nannaga mwenu mpaka duvani? Mwidenavo apa ndyoko jo!”

Mateu 5:45

pakulota muve mmana mmatatagwenu ávele kuwa. Mwaa nae vanu vakalau na vambone, liduva lyake ankuvavalila na vo vanu vaishaliya na vaungave-ishaliya vo, imbula ankuvatanyela.

Mateu 5:48

Napavedoni mwenu inimmaikila muve mmanu mmashalowa-uti kenga Tatagwenu wakuwa, nae washalowa-uti.

Lukashi 1:6

Bai vanu vavili ava uti vavele vaishaliya pamevo pake Nnungu. Vanavo vashindanama bila makosha mumalailililo uti na malamulo ake Umu.

Lukashi 6:35

Bai vanagwaledye vamongo venu, tandedya wambone, kapesha pamukalindila kupata shinu shoeshoe. Mukatenda doni, inudyo yenu indava ikumene na mwiu mundava mmanavake Wapashanya-uti. Mwaa nae andávatanana vakanalambwalela na vakalau.

Nshuwau 5:35

Nae jo avele ikalaboi íshikalela na íshilangadya; mwenu muwakati padyoko, mundyámuwa kupuwanga mulilangadyo alyo.

Vitendo 2:40

Napane kwamalove anji oe ashindaumya ushuda na auka mushu avajugwangila kushidoni, “Liposhe mushaushanga shiidíla udukulu au wantau.”

Vitendo 20:30

Namomo pakati penu vandabuka vanu vatangola vinu vyakudinguwanga pakulota vavaute vakwoda vavode vanavo.

Valoma 16:19

Doni, ing'ano yakwigwilila kwenu indiwika kwavanu uti, nadoni nangu ninkupuwanga kwamwaa wenu kanji napane shangulota nangu mwenu muve mmalimanyilo kwa ashilá shambone na muve múkave makosha kwa ashilá shakunyata.

I Vakolintu 1:8

Nae anannonowanga mwenu mpaka kumwisho pamukaaneka makosha muliduva alilá limwe Umu wetu Yesu Klistu.

II Vakolintu 6:17

Napavedoni, “Lyumadyange pakati pave, vaambukange, atangola Umu, hamunakamule shinu shishapu na nangu nampwashalela.

Vaepeshu 5:27

kwambangidya alikamudye jo mwene liganisha lyalishangelo, líkave lilemba na ata unyadi kwali vinu vyoevyoe kenga avyo kanji lyakwilimyanga na líkave makosha.

Vapilipo 1:10

kwambangidya dashi, mupambule shakwashi shivénavo mana makumene pakulota muve mmanu mmaiu na múkave makosha muliduva limwe Klistu

Vapilipo 3:6

kwaidukuduku, nkúpapata liganisha; kwaishaliya ipagwíte mulilamulo, ákave makosha.

I Vateshalonika 5:23

Napanelo jo mwene Nnungu waamani anjaluwangidye uti mukwilimyanga na imumu yenu, ungumi wenu na mili vyenu uti vikondyegwe pavikavanavo makosha mukwida kumwe Umu wetu Yesu Klistu.

I Timoti 3:10

Vovo vo shitandi momo vavatende nningo, ling'oto vatumike vakanaaneka likosha.

I Timoti 3:2

Napavedoni inimmaikila nkúlaledya ave munu ákave makosha, nnume wankongwe jumo, munu mpole, wakulishunga, wakwishimika, wakukalibisha na wakuulula kupundisha

I Timoti 5:14

Nadoni nangu ninkulota doni, vanamwili vali valombwe, vavenavo vanavave, vapange shana ding'ande dyave pakulota havanamupe litala mmongo lyakututangola kunyata.

I Timoti 5:20

Avalá vatéga vashulange paumbala kwambangidya vanji vo, vajope.

I Timoti 5:7

Lamulila vinu avi kwambangidya havanavenavo makosha.

Titu 1:6

Inimmaikila nang'olo ave munu ákave likosha, nnume wankongwe jumo avénavo vana vakukulupila kwabila kwanakananga likosha lyakulauka na ata lyakuvangedya.

Titu 2:10

pavakaiva kanji valodya kukulupilika kwambone uti kwambangidya vanemye muvinu uti, mapundisho ake Nnungu Mwamboli wetu.

Titu 2:15

Vinu avi valanganga, laililila, shashulanga kwamadalaka uti; haunanneke munu akwiludyanga.

Vabalaniya 7:26

Indituvaikila kuvanavo nkúlangalalela-shadaka nkumene kenga aju: wakwilimyanga, ákave makosha, waungave-udagwa, ávilinganenge na vakutega, wavankwadidye kuwa-uti.

I Patulu 2:12

Shinamidyo shenu shive shashalowa pakati pavamidi; nadoni ata vakantambudyanga kutenda vyakunyata, pavalota kwona vitendo vyenu vyashalowa, vanavo vandamupa lishangelo Nnungu muliduva lyalota kulilodya.

I Patulu 2:9

Kanji napane mwenu ni likola litandalagwídye, unashilangola washiumu wakupalakedya shadaka, venentete vakwilimyanga, venentete vake jo mwene kwambangidya muvalangange ukumene wake aijá ánshamile mushii muke kulilangadyo lyake lyamakango.

II Patulu 3:14

Napavedoni mmakunagwaleka, akuno mulindila vinu avi likanyalidye pakulota nae ankodye nkati mu amani, múkave lilemba na múkave likosha.

Maono 2:5

Kumbukila pashi paugwile. Lijugulange na tandedya vitendo vyako vitandi. Ukanalijugulanga, ninkukwidila ndausha itaa yako palyutu lyake.

Maono 3:9

Laledya shangulota kuvatenda avalá vamushitala shakulipudidya shimwe Shatwani, vo valivíka kuva vayuda kumbe vakavele vayuda vàvele vakushang'apa. Mwiu ndavatadya valipudye mmadodo mwako na vamanye do, nangu ndikunagwaledya.