Vapilipo 2:14 - Ibibiliya mu Shimakonde Imbodi Yaambi na dimbande dya Imbodi Yakala

¹⁴ Tandedya kula shinu kwabila kutangadikanga kwali kwamitau

Vapilipo 2:14 ပူးပေါင်းရင်းမြစ်များ

Mateu 20:11

Pavapatile vanavo vandítunduvanga kuntangadikanga tatamunu mwene lishamba aijá

Malukushi 14:5

Akandyululika kushulushika kupunda dinali dimiya nnatu kuvajavila vákavele pashinu.” Nadoni vanavo vashinantangadikanga.

Malukushi 9:14

Napanelo vanavo pavawikile pavavéle avalá vakwoda vanji vandyóna imbumba ing'umene yavanu ivatang'anadidye na vamwalimu vadishaliya vataukananganavo.

Lukashi 5:30

Napanelo mapalishayo pamo na vamwalimu vave vadishaliya vashindavatangadikanga vakwoda vake Yesu vaashidoni, “Mwaa shani munkulyanavo vakukatisha-ukodi na vakutega?”

Vitendo 15:2

Bai ing'ano ai iníntadya Paulu namu Balinaba vapwatane yakudimba kumevo na vanu avo. Nadoni indyámuligwa pakulota Paulu namu Balinaba pamo na vanung'unumunu vanji vapaliganisha lya pa Antiyokiya vauke ku Yelusalemu vakakadyanie na vamyombe pamo na vanang'olo pakulota valalyange ing'ano ayo.

Vitendo 15:39

kutwala kuumilila ntau wakujowa mpaka kuvatadya kwambukananga. Balinaba akantwala Malukushi kwinjila mwingalava kuka ku Kupulu.

Vitendo 15:7

Napanelo ukaumilile ntau utwéte wakati woe, Patulu andítakatuka kutwala kushidoni, “Mmanung'unumunu, mwenu mundimanya shana doni tangu kala Nnungu aningutandola pakati penu pakulota dashi, kwaindila yaikanywa yangu vamidi vaigwe lilove lyantenga wambone na vakulupile.

Vitendo 6:1

Napanelo muwakati washishaanjadyeka shipinga shavakwoda, avalá váshitangola shigalegu vashindavatangadikanga vabalaniya mwaa vanamwili vave vashindalivalivigwa mulipwashalelo lyakula liduva.

Valoma 12:18

Ikaululika na kwaupande wenu mwenu, nama kwaamani na vanu uti.

Valoma 14:1

Mwenu, aijá wakudabadabanga mulikulupililo mpwashalele kanji i kwakulota kutaukananganavo kwamwaa wamaoni.

Valoma 16:17

Ninkunnaililila mmanung'unumunu pakulota mulishunge kwa avalá váidanavo kujavanikana na kuvika ligogo mapundisho amulipundishidye mwenu. Vaambukange vanu avo!

I Vakolintu 10:10

Na ata hamunatangadikange kenga vanji pakati pave vanditangadikanga kutwala kubamalegwa na Nkúbamola.

II Vakolintu 12:20

Mwaa ninkujopa doni pangwida ako, nankodya mwenu i mwangulatela nangu, namomo nangu munangukodya i mwamulatela mwenu. Ninkujopa kupagwa pakati penu ding'ondo, ing'ou, shishimwashimwa, umongo, kunyambiyanga, kung'wenya, kulyona na upuju.

Vagalata 5:15

Kanji ikava kenga mwenu munkulumana na kumamanana shivenevene, lilaledye kwambangidya hamunabamalanange.

Vagalata 5:26

Hatunalyone, hatunaangangane na ata hatunavikanile ing'ou.

Vapilipo 2:3

Hamunatende shinu shoeshoe kwamashindano na ata kwakulyona kwamambinya kanji kwakulishapeya, kula munu amwone muje kupagwa muwa mwake nae.

I Vateshalonika 5:13

Vape ishima ing'umene nkati mulinagwaledyo kwamwaa washimadengo shave. Avanavo amani pakati penu.

I Vateshalonika 5:15

Lilaledye shana kwenu mwenu hanapagwe woewoe wakunnipa muje wakunyata kanji ngwengwe vingilidya ashilá shambone kwaupande wenu mwemwe mmene kwali kwavanu uti.

Vabalaniya 12:14

Likanyalidye pakulota muname nkati mu amani kwavanu uti na mukwilimyanga. Kwabila kupagwa mukwilimyanga, hapali álota kumwona Umu.

Tiyagu 1:20

mwaa shitundi shamunu hashinaidanavo shinu ishaliya yake Nnungu.

Tiyagu 3:14

Kanji ikava kenga mmitima myenu munkuvanavo ing'ou yakujowa na malotelo augweka, hanapagwe wakulitamanga na ata hamunalishang'apile umwiu.

Tiyagu 5:9

Mmanung'unumunu, hamunakashalyane kwambangidya hamunaukumigwe. Mwenu, Nkúukumu jo avelé pannango.

I Patulu 3:11

aambukange wakunyata na atandedye wambone; alambele amani na avingilidye.

I Patulu 4:9

Ava mmakukalibishania kwabila kutangadikanga.

Yudashi 1:16

Vanu avo vankunama vatangadikanga ngwengwe, vakashalya, vaodedya malotelo ave vo vene, vankulitapila na kutangola malove anagwaléka kwambangidya vapate paida yavo vo vene.