Vapilipo 2:13 - Ibibiliya mu Shimakonde Imbodi Yaambi na dimbande dya Imbodi Yakala

¹³ mwaa Nnungu ni ákola madengo nkati mwenu pakulota mwenu mulote na mutandedye kwodananavo amulá munnagwéla nae.

Vapilipo 2:13 ပူးပေါင်းရင်းမြစ်များ

Lukashi 12:32

“Hamunajope mwenu mmakwoda vangu mwaa Tatagwetu ininnagwela kumupa utawala wake.

Lukashi 2:14

“Lishangelo livelé namu Nnungu kushanya-uti; amani namu vanu mushilambo, vanu vovo vavatanene mwene Nnungu.”

Nshuwau 3:27

Nshuwau akajang'ula kushidoni, “Munu haulula kupata shinu, shinu asho pakapatile kuwa.

Nshuwau 6:45

Mumabuku avakulava vandyandika doni, ‘Vanavo uti vandava vakupundishigwa na Nnungu.’ Nadoni kula munu ámwigwite Atata na álipundishidye kwake nae ankwida kwangu nangu.

Nshuwau 6:65

kutwala kushidoni, “Ni ashi shitadídye nangu nimwaulile mwenu doni, hapali wakuulula kwida kwangu Atata akampele litala.”

Vitendo 11:21

Umu ashindapagwa na vanavo na voe vakulupidíle, vanínshinjiulila Umu mitima vyave.

Valoma 12:3

Mwenu, kwaumonyo wangupatile ninkumwaulila kula munu pakati penu hanalikumbukile jo mwene kupunda amulá muvaikidíle alikumbukilile kanji nae alikumbukile kwabila kupundanianga kulinganananavo shipimo shalikulupililo shanjavidile Nnungu kula munu.

Valoma 9:11

vana vo vakanava kuvalekwa na ata vakanava kutenda wambone kwali wakunyata, mwenu pakulota shabaa yake Nnungu yakutandola yuke mushu i kwamwaa washimadengo kanji kwamwaa umwe aijá áshema,

Valoma 9:16

Napavedoni, ashi shinkunanapela i kwa aijá álota kwali kwa aijá álikanyalidya kanji kwa aijá áanangila shididi, Nnungu.

I Vakolintu 12:6

Kunkupagwa kuvilingananga kwamakaledi kanji Nnungu jojo átandedya uti muuti.

I Vakolintu 15:10

Kanji kwaumonyo wake nae nguvelé kenga mo mwanguvalalele na umonyo wake kwangu nangu haunava shinu wabule. Leka apo, nangu nditenda madengo kuvapunda vanavo uti ila hangunava shinu nangu kanji umonyo wake Nnungu uvéle nkati mwangu.

II Vakolintu 3:5

I do, tunkuvanavo lyululilo wewe tuvene lyakukumbukila shinu shoeshoe kenga shinkwalakela kwetu kanji lyululilo lyetu linkwalakela kwa Nnungu.

Vaepeshu 1:11

Nkati mwake momo wetu tunditandegwa kuva maleko, wewe tùpangiligwe kala kwodananavo ishabaa yake aijá átenda vinu uti kwauwamushi wamalotelo ake

Vaepeshu 1:5

àtupangidile kala mwakulota kututenda tuvanamunu vake jo mwene kwaindila imwe Yesu Klistu kwodana na mo mwainagwaladile jo mwene mumalotelo ake

Vaepeshu 1:9

atadya tumanye shipii shamalotelo ake kwodananavo mwainagwaladile, mo mwalatalele mwene atende nkati mumwe Klistu

Vaepeshu 2:8

Mwaa mundyambwalegwa kwaumonyo kwaindila yalikulupililo; asho hashinaalakela shinu kwenu mwenu, ni inudyo ya Nnungu.

II Vateshalonika 1:11

Kwaing'ano ai tunkunshwalidya mwenu ngwengwe kwambangidya Nnungu wetu antadye mwenu muve mmakuvaikila mukushema kwake na muwishe popo kwadimongo dyake malotelo uti auwambone na kula shimadengo shalikulupililo

II Timoti 1:9

aijá átwambwele na átushamile kwalishamelo lyakwilimyanga i kwamwaa washimadengo shetu kanji kwamwaa waishabaa yake jo mwene na umonyo watupatile nkati mumwe Klistu Yesu tangu wakati úkamalilika ukanava kupagwa

Vabalaniya 13:21

nae ampanganiange kwakula shinu shambone pakulota mutandedye malotelo ake na atandedya nkati mwenu ashilá shinnagwéla pamevo pake kwaindila imwe Yesu Klistu, kwake nae lipagwe lishangelo ngwengwe ngwengwe! Ame.

I Patulu 1:3

Atumbyangilike Nnungu na Tatamunu umwe Umu wetu Yesu Klistu! Kwaindila yakudyuka kumwe Yesu Klistu pakati pavakupela na kulingananavo shididi shake shikumene, nae andituvaleka kavili waambi pakulota tupate lilindilililo lingumi