Vapilipo 1:7 - Ibibiliya mu Shimakonde Imbodi Yaambi na dimbande dya Imbodi Yakala

⁷ Ni shinu shivaikidíle shakunkumbukila nangu mwenu uti mwaa nangu nimmika muntima mwangu; ata mukungwa kwangu na ata mukushililidya kwali mukwakikisha ntenga wambone, uti mwenu ni mmakumajananga nanangu muumonyo.

Vapilipo 1:7 ပူးပေါင်းရင်းမြစ်များ

Vitendo 20:23

Shangumanyite apa nidoni, Imumu Wanashwe ankumya ushuda mumakaja uti mwangupita kenga kungwa na kuvauvanga kunkungulindila.

Vitendo 21:33

Bai nang'olo nkumene wavaing'ondo aijá anímmandika Paulu kutwala kumwaulila kenga avele mmakono mwashilikali na andílamulila vamunge mang'unyang'unya mavili kutwala kudya, “Da munu aju nyani na atandilé nyamani?”

I Vakolintu 13:7

Lindáshikulila uti, lindákulupila uti, lindálindililila uti, lindálipililila uti.

I Vakolintu 9:23

Ninkutenda uti kwamwaa wantenga wambone kwambangidya nanangu nguke ndikamajanange mo nkati mo.

II Vakolintu 3:2

Mwemwe mmene ni ibalugwa yamalailililo etu yandikígwe mmitima vyetu imanyíka na ishomégwa na vanu uti

II Vakolintu 7:3

Hangunatangola shinu vinu avi pakulota kumuukumu mwaa kenga mo mwanimwaulidile, mwenu munkupagwa mmitima vyetu kwambangidya tupele namu mwenu kwali tuname namu mwenu.

Vagalata 5:6

Mwaa nkati mumwe Klistu Yesu, kukumuligwa likumbi kwali mene, hakuve mana ila livé na mana ni likulupililo lililódya mulinagwaledyo.

Vaepeshu 3:1

Kwamwaa au nangu Paulu, nkúngwa umwe Klistu Yesu kwauwambone wenu mwenu mmamidi;

Vaepeshu 4:1

Napavedoni nangu nkúngwa umwe Umu, ninkunnaililila muname shinamidyo shivaikidíle nkati mukushamegwa akulá kwamushamagwidye;

Vaepeshu 6:20

wo wanguvele nangu baloshi vànguungile mang'unyang'unya, nguvalangangile na ntima washinannume amulá muvaikidíle ngutangole.

Vapilipo 1:12

Ngulota mmanung'unumunu mumanye doni avilá vingutandéke, kwakutangola mwiu vyanavo vindipwashela kwandadya ntenga wambone

Vapilipo 1:13

mpaka kuka ndamanyika muvipinga uti vyavakushunga vapaing'ande imwe Shashali pamo na vanu uti kenga ninkungwa kwamwaa umwe Klistu.

Vapilipo 1:14

Namomo vanung'unumunu voe pavapatile dimongo nkati mumwe Umu kwamwaa wakungwa kwangu vandyuka ndalyalaveka kuvalanganga lilove kwabila kujopa shinu.

Vapilipo 1:5

kwamwaa waupamo wenu nkati muntenga wambone kutunduvangila liduva litandi mpaka nelo.

Vapilipo 2:22

Kanji napane mwenu mundimanya mana aanakanénge kwake nae mwaa kenga mwana na tatamunu, nae anditumika namu nangu muntenga wambone.

Vapilipo 4:14

Ata ive davo, mwenu munditandedya wambone kwakuliinjidyanga mumauvilo angu.

Vapilipo 4:15

Mwenu mmapilipo mundimanya shana kenga kukutunduvanga ntenga wambone panguukile ku Makedoniya halipali liganisha liliinjidyénge mwing'ano yakujaula na yakupwashalela ila ni gweka mwenu.

Vapilipo 4:3

Mwiu, namomo ninkukujugwa wako unyangu wakukulupilika nguushidoni, vapwashele vamama ava. Vanavo vandilyuvyauvyanga namu nangu muntenga wambone pamo namu Kalamende na vamadengomwangu vabakadíle vo. Mena ave ankupagwa mulibuku lyashingumi.

Vakoloshu 4:18

Nangu Paulu ninkumwandikila nandele aju na nkono wangu nimwene. Kumbukila mang'unyang'unya angu. Umonyo upagwe kwenu mwenu.

Vakoloshu 4:3

mutushwalidya wetu momo pakulota Nnungu atuungulile nnango kwalilove tuvalangange shipii shimwe Klistu ashilá shitadídye nangu nguungwe.

I Vateshalonika 5:5

mwaa uti mwenu ni mmana mmalilangadyo na mmamui. Hatunava shinu vashilo na ata vamushii.

II Timoti 1:8

Napavedoni haunaanangile dyoni kumya ushuda umwe Umu wetu na ata kwamwaa wangu nangu nkúngwa wake kanji uvauvanga namu nangu kwamwaa wantenga wambone kwodananavo dimongo dya Nnungu

II Timoti 2:9

aulá wanguvauvangila ata mpaka kungwa kenga nkalau kanji lilove lyake Nnungu, halinaungwa shinu.

Pilemoni 1:13

Ishinangunagwela apagwe namu nangu pakulota angutumike adiva lyutu lyako pangungwa apa kwamwaa wantenga wambone.

Vabalaniya 3:1

Napavedoni mmanung'unumunu mmakwilimyanga múliinjidyanga pamo mukushamegwa kwakuwa, vikila namene kuntima makumbukililo enu kumwe Yesu, myombe na nkúlangalalela-shadaka nkumene wakulyaula kwetu.

I Patulu 4:13

Kanji puwangila shipimo shamauvilo shamuliinjidyanga pamo namu Klistu kwambangidya palilota kuunukuligwa lishangelo lyake, namwenu momo mulitamange na mupuwange.

I Patulu 5:1

Doni, nangu ninang'olomwenu na ninshuda wamauvilo amwe Klistu namomo wakuliinjidyanga mulishangelo lilóta kuunukuligwa, ninkuvalaililila vanang'olo vapagwíte pakati penu,

II Patulu 1:13

Ninkwona kuva shinu shivaikidíle panguvele mwiyema yamili au nimwimulange nkati mumakumbukililo ala

I Nshuwau 3:14

Wetu tundimanya kenga tundyuma mukupela kuka mushingumi mwaa tunkuvanagwaledya vanung'unumunu. Aijá ákave linagwaledyo ankupagwa nkati mukupela.