Vapilipo 1:26 - Ibibiliya mu Shimakonde Imbodi Yaambi na dimbande dya Imbodi Yakala

²⁶ kwambangidya dashi, nkati mwangu nangu kulitamanga kwenu nkati mumwe Klistu Yesu kwanjadyeke kwamwaa wakupagwa nangu kavili namu mwenu.

Vapilipo 1:26 ပူးပေါင်းရင်းမြစ်များ

Nshuwau 16:22

Doni, mwenu ambi apa munkuvanavo shipalodi kanji nangu ndamwona kavili na mitima vyenu vindapuwanga, lipuwilo alyo hapali wakumpoka.

Nshuwau 16:24

Mpaka ambi apa hashipali shamunjugwile palina lyangu nangu. Jugwa mundapata kwambangidya lipuwilo lyenu liwikile popo.

II Vakolintu 1:14

kenga mwamutumanyila padyoko do, muliduva limwe Umu Yesu, wetu tundava kulitamanga kwenu kenga mwenu momo munkuva kulitamangila kwetu.

II Vakolintu 5:12

I do, tunkulitumbyanga kavili kwenu mwenu kanji tunkumupa mwenu litala lyakulota mulyone kwamwaa wetu wetu kwambangidya muvenavo shakuvajang'ula avalá valyóna kwapanda i kwa ashilá shivéle muntima.

II Vakolintu 7:14

Doni, ikava kenga shipali shangulyumididye shumbi yenu mwenu kwake nae ko, havangutaile dyoni kanji kwoda uti vyanimmalangangidile mwenu vìu, namomo kulyona kwetu pamevo pake Titu, kwìu.

II Vakolintu 7:4

Ninkuvanavo ntima shii kwenu mwenu; kwenu mwenu ko, ninkulyumya shumbi poe. Ninkuumbaligwa kupambadyangigwa; nkati mumauvilo etu uti, ninkuumbaligwa lipuwilo mpaka kupakatika.

II Vakolintu 7:6

Kanji napane Nnungu ávapambadyanga vakwanalegwa, anditupambadyanga wetu kwaindila yakuwika Titu,

Vagalata 6:4

Kula munu alalyange vyo vitendo vyake mwene; apo ni palota kulitamanga jo mwene i kwamunu junji

Vapilipo 3:1

Napanelo kumwisho akuno mmanung'unumunu puwanga nkati mumwe Umu! Kumwandikila kavili mwenu malove lolo hashinangukamadyangidya shinu kwangu nangu ila shosho sho ni lishililidyo kwenu mwenu.

Vapilipo 3:3

Mwaa wetu ni likumbi shii túlipudya kwa Imumu umwe Nnungu túlitumbyangidya nkati mumwe Klistu Yesu na túkakulupila vyamumili,

Vapilipo 4:10

Napanelo ninkupuwanga namene nkati mumwe Umu kwamwaa wenu mwenu wamuliladidye kavili kungutanana nangu. Kwaumwiu, mwenu mushinangukumbukila ila hamushivanavo litala lyakulilodya.

Vapilipo 4:4

Puwanga ngwengwe nkati mumwe Umu. Ninkuujila kavili nguushidoni, puwanga!