Vapilipo 1:20 - Ibibiliya mu Shimakonde Imbodi Yaambi na dimbande dya Imbodi Yakala

²⁰ Shilakolilakoli shangu na lilindilililo lyangu ni ali, hashipali ata nkati mushimo shilóta kungutaa dyoni kanji kwantima washinannume kenga ngwengwe na ata ambi apa, Klistu andatumbyangilika mumili mwangu, ata mushingumi na ata mukupela.

Vapilipo 1:20 ပူးပေါင်းရင်းမြစ်များ

Nshuwau 21:19

Yesu andítangola davo amba inamuna yashipalelo shake Patulu mwalota kumpela Nnungu lishangelo. Patangwele doni, animwaulila, “Ngwoda.”

Vitendo 20:24

Kanji navalangilila shinu shingumi shangu kuva shinu shamana kwangu nene nimwene pakulota ngudududile shitamba shangu na utumika wangukamudidye Umu Yesu yakutaa ushuda ntenga wambone waumonyo wake Nnungu.

Vitendo 21:13

Kanji Paulu kutwala kushidoni, “Mwaa shani mwenu munkulila na munkungutaa shipalodi shoe muntima mwangu? Mwaa nangu apa i ngukubalidyé gweka kungwa kanji ata yakupela kwamwaa walina limwe Umu Yesu, ndikubali momo.”

Vitendo 4:31

Bai pavamalidile kushwali, palyutu lyavakadyaniénge pandíndangenda, vanavo uti kuvaumbala Imumu Wanashwe na vashindavalanganga lilove lya Nnungu pavakajugulanga shinu.

Valoma 12:1

Napavedoni mmanung'unumunu, ninkunnaililila kwashididi shake Nnungu lyumye mili vyenu kumwe Nnungu kenga shadaka shingumi, shakwilimyanga na shinnagwéla Nnungu; aku ni kulipudya kwenu kwaimumu.

Valoma 5:5

Mwenu, lilindilililo halinatutaa dyoni pakuva linagwaledyo lyake Nnungu lindimiminiligwa mmitima vyetu kwaindila ya Imumu Wanashwe wavatupele.

Valoma 6:13

Hamunajaule dimbande dyenu dyamili kwalidambi kenga vikalelo vyaungave-shaliya kanji lijaule kwa Nnungu kenga mmanu wavantwete mukupela kuka mushingumi na jaula dimbande dyenu kwa Nnungu kenga vikalelo vyaishaliya.

Valoma 6:19

Ngutangola kenga nimunu kwamwaa wakudabadabanga kwenu kwashimunu. Kulingana kenga mo mwamujaulidile dimbande dyenu muushapu na muungave-lilamulo vyuka kupunda ungave-lilamulo napane ambi jaula dimbande dyenu kenga vatumwa vaishaliya vauka kukwilimyanga.

Valoma 8:19

Doni, shuumbígwe uti shinkulindila na mweshe kulilodya kwavanavake Nnungu.

Valoma 9:33

Kenga mwatangalela Maandiko, “Mwenu, nangu ninkuvika pa Shiyau lijanga lyakulikuvala lijanga lyo lyakutaa shitundi; aijá álota kukulupila, mwiko hatutala.”

I Vakolintu 15:31

Kula liduva ninkupela! Mmanung'unumunu, ninkutangola avi kwakulyona kwangu kwenu mwenu kwanguvenavo nkati mumwe Klistu Yesu Umu wetu.

I Vakolintu 6:20

mwaa mundishumigwa kwaibei. Napavedoni mupe lishangelo Nnungu mumili vyenu.

I Vakolintu 7:34

nae jo andijavanikananga. Nimumo momo nkongwe ákalombwidye kwali mwali ntete aangaikangila vimwe Umu mwashi mwakuvalela wakwilimyanga mumili kwali mwimumu. Kanji álombwidye nae jo aangaikangila vyamushilambo mwashi mwakulota kunnagwalela ntwamunu.

II Vakolintu 10:8

Mwaa ata ikava kenga nangu ninkumamodya kulyumya shumbi kwamwaa wamadalaka etu alalá aumidye Umu pakulota kundenga i kumbamola, hangutaigwa dyoni.

II Vakolintu 3:12

Napavedoni pakuva tunkuvanavo lilindilililo ali, tunkuvanavo ntima shii.

II Vakolintu 4:10

ngwengwe tunyukata kupela kumwe Umu wetu Yesu Klistu mumili pakulota shingumi shake Yesu shililodye momo mumili vyetu.

II Vakolintu 5:15

Nae andipela kwamwaa wavanu uti pakulota avalá vanáma, havananame kavili kwamwaa wave vo vene kanji vaname kwamwaa umwe aijá ápadile na kudyuka kwamwaa wavanavo.

II Vakolintu 7:14

Doni, ikava kenga shipali shangulyumididye shumbi yenu mwenu kwake nae ko, havangutaile dyoni kanji kwoda uti vyanimmalangangidile mwenu vìu, namomo kulyona kwetu pamevo pake Titu, kwìu.

II Vakolintu 7:4

Ninkuvanavo ntima shii kwenu mwenu; kwenu mwenu ko, ninkulyumya shumbi poe. Ninkuumbaligwa kupambadyangigwa; nkati mumauvilo etu uti, ninkuumbaligwa lipuwilo mpaka kupakatika.

Vapilipo 1:14

Namomo vanung'unumunu voe pavapatile dimongo nkati mumwe Umu kwamwaa wakungwa kwangu vandyuka ndalyalaveka kuvalanganga lilove kwabila kujopa shinu.

Vapilipo 2:17

Ata ikava kenga vankungumimina pashanya shadaka na mukutumika muukulangalalela-shadaka kwalikulupililo lyenu, ninkupuwanga na ninkupuwanga pamo namu mwenu.

Vakoloshu 1:24

Napanelo ninkupuwangila mumauvilo angu kwamwaa wenu mwenu mwaa nkati mumili mwangu, ninkuumbadya mauvilo aovíte amwe Klistu kwamili wake lìvele lyo liganisha.

I Vateshalonika 5:23

Napanelo jo mwene Nnungu waamani anjaluwangidye uti mukwilimyanga na imumu yenu, ungumi wenu na mili vyenu uti vikondyegwe pavikavanavo makosha mukwida kumwe Umu wetu Yesu Klistu.

I Patulu 4:16

Kanji ikava kenga munu ankuvauvanga kwamwaa wakuva unklistu, hanone dyoni ila amupe lishangelo Nnungu kwamwaa walina ali.

I Nshuwau 2:28

Mmanavangu napanelo pagwa nkati mwake nae kwambangidya dashi, palota kulilodya tuvenavo ntima shii patukalinyemya pamevo pake kwamwaa wadyoni.