Valoma 9:3 - Ibibiliya mu Shimakonde Imbodi Yaambi na dimbande dya Imbodi Yakala

³ Mwaa ndikandilota ata nene nimwene ngupate dilana na ngwapukanangenavo Klistu kwamwaa wavanung'unumunu vàvele vakwetu kwashimunu.

Valoma 9:3 ပူးပေါင်းရင်းမြစ်များ

Vitendo 13:26

“Mmanung'unumunu mmashipinga shaudukulu wake Abulaamu pamo na mwenu mmanji múnjopa Nnungu! Lilove lyakwambwalegwa aku, wavantumidididyé ni wetu.

Vitendo 22:5

Ata jo nkúlangalalela-shadaka nkumene ing'ano ai ankuulula kutaa ushuda pamo na nkodyanio wavanang'olo uti. Vovo ava vaningupa shitambulisho shakuka ndalodya kwavanung'unumunu va ku Damashiko pakulota ndivatwale vavé kwanavo ndivaidenavo na mang'unyang'unya pa Yelusalemu apa vavape shaushanga.

Vitendo 28:21

Vanavo kutwala kushidoni, “Wetu hatupatile ata lyamba limo lyakwaloka ku Yudeya na pakati pavanung'unumunu vaidíle akuno hapali hatuvalangangidile shitendo shoeshoe shakunyata shako wako.

Valoma 1:3

umwámba mwanagwe, jojo jo, kwakwodananavo shimunu ávalakwadidye muudukulu umwe Daudi

Valoma 11:1

Napane ninkudya, da Nnungu jo andivaita venentete vake? Ata padyoko vela! Mwenu, ata nene nimwene ni mwanaishilaeli, wamuudukulu umwe Abulaamu, wamulikola limwe Benjameni.

Valoma 11:14

pakulota dashi, kwadinamuna dyoedyoe nguvatadye liloko vakwetu kwambangidya ndivaambole vanji pakati pave.

Valoma 16:11

Mupe nandele nkwetu Elodiyau. Vape nandele valikola limwe Nalishishu vavéle nkati mumwe Umu.

Valoma 16:21

Timoti mmádengomwangu ankuntumidya nandele, namomo Lushiu, Yashoni namu Shoshipatulu valikola lyangu.

Valoma 16:7

Mupe nandele Andoloniku pamo namu Yuniya vakwetu na vavangu nkati mukungwa, vanu vamanyíke namene pakati pavamyombe na vanavo vatandi kupagwa nkati mumwe Klistu nangu nikanava.

Valoma 9:2

kenga ninkuvanavo shipalodi shikumene na mauvilo ákamalilika muntima mwangu.

I Vakolintu 12:3

Nadoni ninkumwaulila mwenu doni, hapali wakutangola alangalalegwa kwa Imumu wake Nnungu aashidoni, “Yesu alaanike,” na hapali wakuulula kushidoni, “Yesu ni Umu,” pakalangalalegwa kwa Imumu Wanashwe.

I Vakolintu 16:22

Ikava kenga munu hanannagwaledya shinu Umu Yesu Klistu, apate dilana! Umu wetu, ida!

II Vakolintu 12:15

Nangu kwantima wambone ndajaanga na ndalijaangila uti kwamwaa waungumi wenu. Ikava kenga nangu ninkunnagwaledya namene mwenu, ndanagwaleka padyoko?

Vagalata 1:8

Napane ata ikava kenga wetu kwali njelo wakwalakela kuwa ammalangangidile ntenga wambone uvilinganénge na watummalangangidile, munu ajo aavenavo dilana.

Vagalata 1:9

Nadoni tunkuujila kavili kutangola tuushidoni, ikava kenga munu woewoe anammalangila ntenga wambone uvilinganánga na aulá wamupatile, munu ajo aavenavo dilana!

Vagalata 3:10

Mwaa uti avalá vakulupíla lilamulo vandilanigwa kwoda indyandikigwa doni, “Alaanigwe aijá ákapagwa muvinu avi uti vyandikígwe mulibuku lyalilamulo na vinu avyo me kutandedya.”

Vagalata 3:13

Klistu anditwambola mudilana dyalilamulo palitandile jo mwene kuva ilana adiva lyutu lyetu mwaa indyandikigwa, “Alaanigwe aijá álota kupambililigwa munnandi.”

Vaepeshu 6:5

Mmatumwa, vaigwilile vanang'olo venu vamushilambo mujopa na mutatamela kwantima shii kenga pakavele Klistu,