Valoma 9:19 - Ibibiliya mu Shimakonde Imbodi Yaambi na dimbande dya Imbodi Yakala

¹⁹ Napane unangudya doni, “Mwaa shani Nnungu mpaka ambi ankutupa makosha? Da nyani álota kutaukanga malotelo ake?”

Valoma 9:19 ပူးပေါင်းရင်းမြစ်များ

Malukushi 14:21

Ninkumwaulila mwiu doni, Mwana Wamunu andaukila kenga mo mwavaandikidile vamwamba nae, napane aijá munu álota kunnimya Mwana Wamunu, munu ajo apambale! Kudyanga jojo jo, hanavalekwe.”

Vitendo 2:23

munu aju vaninkamudya kwaishabaa na imanyika kaladavo na Nnungu, mwenu jojo jo, kwalipwashalelo lyavaungave-lilamulo muninkamela panshalaba kutwala kumpedya.

Valoma 11:19

Napane wako undaashidoni, “Dinavi vandipanyulanga kwambangidya nangu vangunamatidye.”

I Vakolintu 15:12

Mwenu, ikava kenga Klistu ankuvalangangigwa kudyuka mukupela, napane mwaa shani vanji pakati penu vankushidoni, hakupali kudyuka kwavakupela?

I Vakolintu 15:35

Kanji junji andaudya, “Da vakupela vadyuka dashi? Valota kuvanavo mili shani?”

Tiyagu 1:13

Hanapagwe wakutubigwa kutwa kushidoni, “Nnungu ankungutubya.” Mwaa Nnungu hanatubigwa na vinu vyakunyata na ata jo mwene Nnungu hapali wantubya.

Tiyagu 2:18

Inkulukika munu kushidoni, “Wako unkuvanavo likulupililo, nangu ninkuvanavo vitendo.” Ngulodya likulupililo lyako líkavele vitendo nangu ndakulodya likulupililo lyangu kwaindila yavitendo.