Valoma 8:36 - Ibibiliya mu Shimakonde Imbodi Yaambi na dimbande dya Imbodi Yakala

³⁶ Kenga indyandikigwa, “Kwamwaa wako tunkubyaigwa shilo na mui; tunkuvalangiligwa kenga vangandolo vakuka ndavashinda.”

Valoma 8:36 ပူးပေါင်းရင်းမြစ်များ

Nshuwau 16:2

Mwenu mundavingigwa muvitala vyakulipudidya; leka apo, wakati unkuwika umwe aijá álota kummyaa mwenu andona kenga alipudya kwa Nnungu.

Vitendo 20:24

Kanji navalangilila shinu shingumi shangu kuva shinu shamana kwangu nene nimwene pakulota ngudududile shitamba shangu na utumika wangukamudidye Umu Yesu yakutaa ushuda ntenga wambone waumonyo wake Nnungu.

Vitendo 8:32

Napanelo lipungu lyamaandiko lyashishomya lishishidoni, “Vanintwala kenga mwavanantwalila ngandolo wavamuukanavo kukunshinda, mo mwanamalalila ngandolo pavankaja magwimbu, nanae momo hajamwile ikanywa.

I Vakolintu 15:30

Namomo mwaa shani wetu tunkupagwa mushijoidyo kula wakati?

I Vakolintu 15:31

Kula liduva ninkupela! Mmanung'unumunu, ninkutangola avi kwakulyona kwangu kwenu mwenu kwanguvenavo nkati mumwe Klistu Yesu Umu wetu.

I Vakolintu 4:9

Mwaa mwangwonela nangu, Nnungu anditulodya wetu tuvamyombe mulyutu lyamwisho, wetu kenga túukumigwa kupela, pakuva tuukilé ndava vyadimbenje kwashilambo ata ikava kwavanjelo kwali kwavanu.

II Vakolintu 1:9

Namwiu, wetu tundílyona kuukumigwa kupela kanji ni pakulota hatunalikulupile wewe tuvene kanji Nnungu ávadyuwa vakupela.

II Vakolintu 11:23

Da vanavo vo, vatumika vamwe Klistu? Nangu po ndimamodya, ngutangola kenga nimunu wakudulumbuka, mushimadengo shoe, mukungwa myanda vyoe, mukushapigwa viboko myanda vyoe, muvijoidyo vyakulota kupela myanda vyoe.

II Vakolintu 6:9

kenga túkamanyika kumbe tunkumanyika namene, kenga túpela kumbe mwe, tuvangumi, kenga túpata shaushanga kumbe patukabyaigwa,

Vapilipo 3:10

Ngulota nimmanye Klistu, ngumanye dimongo dyakudyuka kwake na ngupagwe muupamo wamauvilo ake ngulinganana namu nae mukupela kwake