Valoma 8:34 - Ibibiliya mu Shimakonde Imbodi Yaambi na dimbande dya Imbodi Yakala

³⁴ Nyani álota kuvaukumu? Klistu Yesu ni ápadile, leka apo ni ádyukile, ni áikele kunkanakono wake Nnungu namomo nae ni átujugwangila.

Valoma 8:34 ပူးပေါင်းရင်းမြစ်များ

Mateu 20:28

Nimumo momo Mwana Wamunu haidile pakulota vantumike; nae aidilé ndatumika na kujaula shingumi shake shive lyambolelo lyavanu voe.”

Malukushi 16:19

Napanelo Umu Yesu akamalile kutangola namu vanavo, nae po kutanduligwa kuka kuwa ndaikala kunkanakono kwake Nnungu.

Nshuwau 14:19

Undiijalila wakati padyoko shilambo hashingwona ila mwenu munangwona. Kwoda nangu ninkunama, namwenu momo mundanama.

Nshuwau 16:23

Muliduva alyo hashipali shamulota kungudya. Nangu ninkumwaulila mwiu doni, shoeshoe shamunjugwa Atata palina lyangu, nae andamupa.

Vitendo 2:24

Kanji napane jojo jo, Nnungu anindyuwa pakati pavakupela amposha mumauvilo akupela mwaa haishuulukika kupela kundingile.

Valoma 14:13

Napavedoni tuleke kuvaukumu vanu vanji kanji leka apo, mwenu amuwa mene kummikila nung'unumunu shakulikuvala kwali kunteya ntego.

Valoma 14:9

Kwaing'ano ai, Klistu andipela na andidyuka kwambangidya dashi, nae ave Umu ata ikava kwavakupela kwali kwavangumi.

Valoma 4:25

Nae vaninkamudya kwamwaa wakupujungula kwetu na kundyuwa kwakutuvalangilila ishaliya.

Valoma 8:1

Napavedoni ambi apa hakupali kuukumigwa kwa avalá vavéle nkati mumwe Klistu Yesu

Valoma 8:27

Napane aijá álalyanga mitima, nae ankumanya ding'anong'ano dya Imumu pakuva Imumu ankuvajugwangila vakwilimyanga kwodananavo malotelo ake Nnungu.

Vakoloshu 3:1

Napavedoni ikava kenga mundidyuka namu Klistu, bai lambela vinu vivéle kuwa kwaikele Klistu kunkanakono kwake Nnungu.

Vabalaniya 1:3

Nae ni kung'ala kwalishangelo lyake Nnungu na ni ing'ope iu yamavalelo ake akamulila vinu uti kwaindila yalilove lyake lyadimongo; ling'oto lyakukandyanga shakuushaniangidya ushapu kwamadambi, nae andiikala kushanya kunkanakono kumwe aijá Wakujowa walishangelo

Vabalaniya 7:25

Napavedoni nae ankuulula kuvaambole-uti avalá vammandíka Nnungu kwaindila yake pakuva jojo jo, ankunama ngwengwe pakulota kuvajungwangila vanavo.

Vabalaniya 9:24

Mwaa Klistu hainjidile Lyutu Lyakwilimyanga-uti lyavakandyenge vanu lìvele lilodyo vila lya alilá liu; nae andiinjila akulá kuwa kwene-kwene, nadoni ambi apa ankupagwa pamevo pake Nnungu yetu wetu.

I Patulu 3:18

Mwaa mwiu Klistu andyuvauvanga mwanda umo tu bai kwamwaa walidambi, munu waishaliya kwamwaa wavanu vaungave-ishaliya pakulota kutuukanavo kumwe Nnungu. Nae kwashimunu vanimpedya kanji vanindyuwa kwa Imumu

I Patulu 3:22

ákwadile kuwa kwikala kunkanakono kwake Nnungu kutwala kuvavika vanjelo mwina mwake, madalaka pamo na dimongo uti.

Maono 1:18

Nangu Ninene Ngúnama; ndípela kanji napane lola, ninkunama ngwengwe ngwengwe! Nangu ni Nimwene myungulilo vyungulíla Kupela na Kumoka.