Valoma 8:24 - Ibibiliya mu Shimakonde Imbodi Yaambi na dimbande dya Imbodi Yakala

²⁴ Mwaa mulilindilililo ali wetu tundyambolegwa. Kanji napane lilindilililo lyanéka, halinava shinu lilindilililo. Da nyani ávenavo lilindilililo kwashinu shaona?

Valoma 8:24 ပူးပေါင်းရင်းမြစ်များ

Valoma 12:12

Mulilindilililo, puwanga. Mumauvilo, lipililile. Mukushwali, nanopa.

Valoma 15:13

Napane Nnungu walilindilililo amuumbadye lipuwilo uti pamo na amani nkati mukukulupila pakulota kwaindila yadimongo dya Imumu Wanashwe, muumbaligwe na lilindilililo.

Valoma 15:4

Mwenu, uti avilá vyandikígwe kunantandi, vindyandikigwa pakulota vitupundishe kwambangidya dashi kwaindila yakulipililila na yakupambadyangigwa kwamaandiko tuvenavo lilindilililo.

Valoma 4:18

Ata ikava kenga lilindilililo halipagwíte, mulilindilililo Abulaamu andíkulupila kenga andava tatamunu waimbumba yavenentete kwodananavo mwavamwaulidíle, “Amu ni mwaulatela kuvalela udukulu wako.”

Valoma 5:2

Kwaindila yake nae namomo wetu tundipata litala lyakwinjila kwalikulupililo muumonyo au watupagwa na tunkulitamangila mulilindilililo lyalishangelo lyake Nnungu.

Valoma 8:20

Mwaa shuumbígwe shindivikigwa mwina mambinya i kwamalotelo ake sho shene kanji kwamalotelo amwe aijá ávikile mwina, mukulindila

I Vakolintu 13:13

Napanelo linkupagwa likulupililo, lilindilililo na linagwaledyo, vinu vitatu kanji avi uti shikumene ni linagwaledyo.

II Vakolintu 4:18

akuno tulola vinu i vyanéka kanji víkaaneka. Mwaa vyanéka, vyakupita kanji víkaaneka ni víkamalilika.

II Vakolintu 5:7

Mwaa tunkunama kwalikulupililo i kwakwona.

Vagalata 5:5

Mwaa kwa Imumu na kwaindila yalikulupililo wetu tunkulindila na mweshe lilindilililo lyakupata ishaliya.

Vakoloshu 1:23

ikava kenga mundauka mushu mulikulupililo munanopa na mulinatela bila kwambukanga lilindilililo lyantenga wambone wamwigwite uvalangangilíke muviumbi uti vivéle pai. Au ni ntenga wowo uukíle nangutadya nangu Paulu ngùve ntumika.

Vakoloshu 1:27

Kwavanavo, Nnungu andyamuwa avatadye vamanye ukumene shani wamali alishangelo lyashipii ashi pakati pavamidi; shipii asho ni Klistu nkati mwenu, lilindilililo lyalishangelo.

Vakoloshu 1:5

kwamwaa walilindilililo lyavankandyadidye kuwa, lilindilililo lyolyo lyamwigwite kunantandi kwaindila yalilove lyaumwiu, wo ntenga wambone

I Vateshalonika 5:8

Wetu kanji túvele vamui tulipange tùgwete shikopa shalikulupililo na linagwaledyo na kenga shijulu shashitali, lilindilililo lyakwambolegwa.

II Vateshalonika 2:16

Doni, jo mwene Umu Yesu Klistu namu Nnungu Tatagwetu átunagwaladidye na átupele kupambadyangigwa kúkamalilika na lilindilililo lyambone kwaumonyo,

Titu 3:7

kwambangidya dashi, wetu tùvalangiligwe ishaliya kwaumonyo wake, tuve tuvakupata-maleko kwodananavo lilindilililo lyashingumi shíkamalilika.

Vabalaniya 11:1

Mwenu, likulupililo ni kuvanavo wakikisho wavinu vilindililígwa, kukubali avilá víkaaneka.

I Patulu 1:21

kwaindila yake nae mwenu munkunkulupila Nnungu ándyuwidye pakati pavakupela kutwala kumupa lishangelo; nadoni likulupililo alyo na lilindilililo lyenu linkupagwa nkati mu Nnungu.

I Patulu 1:3

Atumbyangilike Nnungu na Tatamunu umwe Umu wetu Yesu Klistu! Kwaindila yakudyuka kumwe Yesu Klistu pakati pavakupela na kulingananavo shididi shake shikumene, nae andituvaleka kavili waambi pakulota tupate lilindilililo lingumi

I Nshuwau 3:3

Kula munu ánanapela lilindilililo lyake nkati mwake nae, ankulyushanianga jo mwene ushapu kulingana kenga mo mwavalele nae ákave ushapu.