Valoma 8:14 - Ibibiliya mu Shimakonde Imbodi Yaambi na dimbande dya Imbodi Yakala

¹⁴ Mwenu, uti avalá valangalalégwa kwa Imumu wake Nnungu ni vanavake Nnungu.

Valoma 8:14 ပူးပေါင်းရင်းမြစ်များ

Mateu 5:9

Vandyalaligwa avalá vatandédya amani, mwaa vanavo vandashamegwa vana vake Nnungu.

Nshuwau 1:12

Napane uti avalá vampwashaladíle, vo vakulupidíle lina lyake, nae andivapa aki yakutandegwa kuva vana va Nnungu.

Valoma 8:19

Doni, shuumbígwe uti shinkulindila na mweshe kulilodya kwavanavake Nnungu.

Valoma 8:5

Mwenu, avalá vanáma kwodananavo shimunumunu, vananapela ding'anong'ano dyave muvinu vyashimunumunu kanji avalá vanáma kwodananavo Imumu, ding'anong'ano dyave vananapela muvinu vya Imumu

Valoma 8:9

Mwenu napane hamupali mushimunumunu kanji muvelé mu Imumu ikava kenga mwiu Imumu wake Nnungu ankunama nkati mwenu. Mwenu, munu ákavenavo Imumu umwe Klistu, jojo jo hanava shinu umwe Klistu.

Valoma 9:26

na “Apalá pavavaulidile doni, ‘Hamunava shinu mmenentete vangu,’ popo po, vandavashema ‘vanavake Nnungu mumi.’ ”

Valoma 9:8

Kwashitangodi shinji, i vana vashimunu ni vanavake Nnungu kanji ni vana vakulivikila vavalangilígwa muudukulu

II Vakolintu 6:18

Nangu ndava tatamunu kwenu na mwenu mundava mmana valume na vakongwe kwangu nangu, atangola Umu Wadimongo-uti.”

Vagalata 3:26

Mwaa mwenu uti mmanavake Nnungu kwaindila yalikulupililo nkati mumwe Klistu Yesu

Vagalata 4:5

pakulota avaambole avalá ve vavéle mulilamulo kwambangidya tupate kuva tuvana va Nnungu.

Vagalata 4:6

Pakuva mwenu po mmana, Nnungu anintumidya Imumu wamwanagwe mmitima mmyenu; ni jojo áshema, “Aba! Atata!”

Vagalata 5:16

Napane ninkumwaulila doni, nama kwa Imumu, apo mwiko hamuulula kutandedya malotelo ashimunumunu.

Vagalata 5:18

Kanji mukalangalalegwa na Imumu, mwenu hamupali kavili mukutawaligwa na lilamulo.

Vaepeshu 1:5

àtupangidile kala mwakulota kututenda tuvanamunu vake jo mwene kwaindila imwe Yesu Klistu kwodana na mo mwainagwaladile jo mwene mumalotelo ake

Vaepeshu 5:9

shepo shalilangadyo shivéle nkati muwambone, mwishaliya na muumwiu,

I Nshuwau 3:1

Mwenu, da linagwaledyo shani lyaladidye Atata kwetu wetu ata mpaka wetu kuka ndashamegwa vana va Nnungu, namwiu nimomo mwatuvalalele. Nadoni shilambo hashitumanyite mwaa nae havammanyite momo.

I Nshuwau 3:24

Aijá áigwilila malamulo ake ankupagwa nkati mwake Nnungu na nae nkati mwake. Tundimanya kenga nae ankupagwa nkati mwetu kwaindila ya Imumu watupele.

Maono 21:7

Nkútema andapata maleko avinu avi, nangu ndava Nnungu wake na nae kuva mwanangu.