Valoma 7:6 - Ibibiliya mu Shimakonde Imbodi Yaambi na dimbande dya Imbodi Yakala

⁶ Kanji napane vanditumya mulilamulo tùpadile kwa ashilá shíshitutenda kuva tuvatumwa pakulota tutumike kwainamuna yaambi ilangalalégwa na Imumu i kwainamuna yakala yalilamulo lyandikígwe.

Valoma 7:6 ပူးပေါင်းရင်းမြစ်များ

Valoma 1:9

Nnungu wanintumika na ntima wangu uti muntenga wambone wa Mwanagwe ni nshuda wangu mwashi mwanintambulangila mwenu ngwengwe

Valoma 12:2

Hamunalilinganiange na shinamidyo shawakati au kanji mubadilike kwaindila yakunonowangigwa muding'anong'ano dyenu kwambangidya mutende nningo mwanalela akwashi malotelo ake Nnungu, ambone, akunagwaleka na ashalowa-uti.

Valoma 6:11

Nadoni namwenu momo livalangile kuva mmakupela kwalidambi kanji mmakunama kwa Nnungu nkati mumwe Klistu Yesu.

Valoma 6:19

Ngutangola kenga nimunu kwamwaa wakudabadabanga kwenu kwashimunu. Kulingana kenga mo mwamujaulidile dimbande dyenu muushapu na muungave-lilamulo vyuka kupunda ungave-lilamulo napane ambi jaula dimbande dyenu kenga vatumwa vaishaliya vauka kukwilimyanga.

Valoma 6:2

Ata padyoko vela! Wetu túpadile kwalidambi tulota kuka dashi mushu tunama nkati mulidambi?

Valoma 6:22

Kanji napane mwenu múukile ndaombolegwa mulidambi na kutandegwa mmatumwa vake Nnungu, vyepo vyamupata vyo vinkumuukanavo kukwilimyanga na kumwisho kwake ko, shingumi shíkamalilika.

Valoma 6:4

Napavedoni wetu tundishikigwa pamo namu nae kwaindila yaubatisho utuukanavo kukupela kwambangidya kenga mo mwavandyuwididye Klistu pakati pavakupela kwaindila yalishangelo lya Tatamunu, nawetu momo tuname mushingumi shaambi.

Valoma 7:1

Kwali mmanung'unumunu hamumanyite do, ngutangola namu mwenu mmanu múmanyite shana lilamulo, da hamumanyite kenga lilamulo linkuntawala munu po panama mushingumi?

Valoma 7:2

Mwenu, nkongwe álambwidye andyuungwa nkati mulilamulo ntwagwe àvele mushingumi kanji ntwagwe akapela, nkongwe ajo avelé muunaiti kwalilamulo lyashitamo.

Valoma 7:4

Nimumo momo mmanung'unumunu mwenu momo mundipela kwalilamulo kwaindila yamili umwe Klistu pakulota dashi, muve mmanu mmamunu junji aijá ádyukile pakati pavakupela kwambangidya tupe vyepo kumwe Nnungu.

II Vakolintu 3:6

Nae ni átupele lyululilo lyakuva wetu tuvatumika vaimbodi yaambi i imbodi yalutembo kanji ya Imumu mwaa lutembo lunkubyaa kanji Imumu ankwing'a shingumi.

II Vakolintu 5:17

Napavedoni, ikava kenga munu ankupagwa nkati mumwe Klistu, ajo ni shiumbi shaambi. Vyakala vindipita. Mwenu, viidilé vyaambi.

Vagalata 3:13

Klistu anditwambola mudilana dyalilamulo palitandile jo mwene kuva ilana adiva lyutu lyetu mwaa indyandikigwa, “Alaanigwe aijá álota kupambililigwa munnandi.”

Vagalata 6:15

Kukumuligwa likumbi kwali mene hakunapagwa mana. Shamana ni kuva shiumbi shaambi.

Vaepeshu 4:24

kutwala kungwala munu waambi ákandyangigwe kwakulinganana namu Nnungu nkati mwishaliya iu na nkati mukwilimyanga kwiu.

Vapilipo 3:3

Mwaa wetu ni likumbi shii túlipudya kwa Imumu umwe Nnungu túlitumbyangidya nkati mumwe Klistu Yesu na túkakulupila vyamumili,

Vakoloshu 3:10

kutwala kungwala munu waambi ádyuwangidya kavili nkati mulimanyilo kwodananavo ing'ope yake aijá ámuumbile.