Valoma 7:4 - Ibibiliya mu Shimakonde Imbodi Yaambi na dimbande dya Imbodi Yakala

⁴ Nimumo momo mmanung'unumunu mwenu momo mundipela kwalilamulo kwaindila yamili umwe Klistu pakulota dashi, muve mmanu mmamunu junji aijá ádyukile pakati pavakupela kwambangidya tupe vyepo kumwe Nnungu.

Valoma 7:4 ပူးပေါင်းရင်းမြစ်များ

Mateu 26:26

Muwakati wavashilya, Yesu akatwala ligung'u kwalaliya kutwala kumajanianga kuvapa vakwoda vake aashidoni, “Twala mulye! Au ni mili wangu.”

Malukushi 4:20

Napanelo imbeju kugwilila paulongo walutuba, vankuva vanu vaigwilíla lilove kupwashalela kutwala kupa vyepo salasini, sitini na miya.”

Nshuwau 15:8

Ni amu mwapatila Atata lishangelo; mwenu mukapa vyepo vyoe mukalilodya kuva mmakwoda vangu.

Nshuwau 3:29

Mwene nkúlombwa ni nkúlomba. Napane mbwadigwe wapantima wankúlomba ni aijá ánannindila nkúlomba. Panamwigwa, nae andápuwanga namene mwaa wakwigwa lidi lyake. Nadoni lipuwilo lyangu ali lindiwikila popo.

Nshuwau 6:51

Nangu ni ligung'u lingumi lyalakadíle kuwa. Munu woewoe akalya ligung'u ali andanama ngwengwe. Ligung'u lyene lyo ni wo mili wangu au wangulota kujaula pakulota shilambo shipate shingumi.”

Valoma 6:11

Nadoni namwenu momo livalangile kuva mmakupela kwalidambi kanji mmakunama kwa Nnungu nkati mumwe Klistu Yesu.

Valoma 6:14

Mwenu, lidambi halintawala pakuva mwenu hamunatawaligwa shinu na lilamulo kanji munkutawaligwa na umonyo.

Valoma 6:2

Ata padyoko vela! Wetu túpadile kwalidambi tulota kuka dashi mushu tunama nkati mulidambi?

Valoma 6:22

Kanji napane mwenu múukile ndaombolegwa mulidambi na kutandegwa mmatumwa vake Nnungu, vyepo vyamupata vyo vinkumuukanavo kukwilimyanga na kumwisho kwake ko, shingumi shíkamalilika.

Valoma 7:3

Nadoni ikava kenga nae andalombwa na nnume junji ntwagwe àvele mushingumi, andavalangiligwa kuva nkúlavalava. Kanji napane ntwagwe akapela, nae avelé muunaiti kwa alilá lilamulo. Nae akalombwa na nnume junji, havalangiligwa shinu kuva nkúlavalava.

Valoma 7:6

Kanji napane vanditumya mulilamulo tùpadile kwa ashilá shíshitutenda kuva tuvatumwa pakulota tutumike kwainamuna yaambi ilangalalégwa na Imumu i kwainamuna yakala yalilamulo lyandikígwe.

Valoma 8:2

mwaa nkati mumwe Klistu Yesu, lilamulo lya Imumu washingumi liningwambola mulilamulo lyalidambi na lyakupela.

I Vakolintu 10:16

Da i mwiu luwene lwakwalaligwa alulá lwatulambwalela, hakunava shinu kuliinjidyanga mumyadi vimwe Klistu? Ligung'u lyatumajana hakunava shinu kuliinjidyanga mumili umwe Klistu?

II Vakolintu 11:2

Mwenu, dukuduku yanguvenavo kwenu mwenu ni dukuduku yakwalakela kumwe Nnungu mwaa nangu ndilivikila kunnombya mwenu kwannume jumo; ndikankamudye kumwe Klistu kenga mwali ntete ákave ushapu.

Vagalata 3:13

Klistu anditwambola mudilana dyalilamulo palitandile jo mwene kuva ilana adiva lyutu lyetu mwaa indyandikigwa, “Alaanigwe aijá álota kupambililigwa munnandi.”

Vagalata 5:18

Kanji mukalangalalegwa na Imumu, mwenu hamupali kavili mukutawaligwa na lilamulo.

Vaepeshu 2:15

aputanga ishaliya yalóka mulilamulo inanapela muvyakulamulila. Nae atandilé davo pakulota vavili ava nkati mwake avatende kuva munu jumo waambi atandedya amani

Vapilipo 1:11

mùumbaligwidye shepo shaishaliya shaalóka kwaindila imwe Yesu Klistu kwalishangelo na kwakutumbyangilika kumwe Nnungu.

Vapilipo 4:17

I do, ninkulambela shadaka shenu kanji shangulambela ni vyepo vyakwanjedya paida yenu.

Vakoloshu 1:10

kwambangidya muname shinamidyo shimmaikíla Umu, vinnagwela muuti, mupa vyepo mushimadengo uti shambone, mukulumuka mukummanya Nnungu,

Vakoloshu 1:22

ambi apa nae andimuunganianga kavili mumili wake washimunumunu kwaindila yakupela kwake kwambangidya nae akannodye mwenu mùvele mmakwilimyanga, múkave makosha na kwabila kupagwa shakunkanidyanga pamevo pake Nnungu

Vakoloshu 1:6

umwikidíle mwenu wo. Ntenga au, undauka mushu upa vyepo shilambo uti na unkukulumuka kenga mo mwaivalalele kwenu mwenu kutunduvangila muliduva lyamwigwite na kumanya umonyo wake Nnungu muumwiu

Vakoloshu 2:14

na àputenge mashauma uti amadeni etu e apagwíte kwetu wetu. Mashauma ala, nae andimalidya akamalela panshalaba,

Vakoloshu 2:20

Ikava kenga mwenu mundipela namu Klistu kwadimumu ditawála shilambo ashi, mwaa shani napane kenga mo mwamushinamila mushilambo ashi munkulivika mwina lilamulo?

Vabalaniya 10:10

Kwamwaa wamalotelo ala, tundyuka ndatandegwa vakwilimyanga kwaindila yashadaka shamili umwe Yesu Klistu ukíle ndaumigwa kwamwanda umo tu bai.

I Patulu 2:24

Nae jo mwene andilitika mumili mwake madambi etu panshalaba kwambangidya tupele kwamadambi na tuname kwaishaliya; kwaindila yavilonda vyake, mwenu mundipona.

Maono 19:7

Tuke tupuwange! Tulitamange, tumupe lishangelo! Mwaa undiwika wakati washitamo shimwe Ngandolo, nkúlombwa andilipanganianga tayali.

Maono 21:9

Njelo jumo pakati pavanjelo saba vavénavo midamu vyakuumbala avilá vyaushanga saba vyamwisho, anínguvandika kutwa kushidoni, “Ida, nangu ndakulodya nkúlombwa ndya Ngandolo.”