Valoma 7:25 - Ibibiliya mu Shimakonde Imbodi Yaambi na dimbande dya Imbodi Yakala

²⁵ Napane lilambwalalelo lipagwe kumwe Nnungu kwaindila imwe Umu wetu Yesu Klistu. Nadoni nene nimwene kwading'anong'ano dyangu ninkutumika lilamulo lyake Nnungu kanji kwashimunumunu, ninkutumika lilamulo lyalidambi.

Valoma 7:25 ပူးပေါင်းရင်းမြစ်များ

Mateu 1:21

Nae anammaleka mwana nnume na wako undamupa lina lya Yesu mwaa alota kuvaposha venentete vake kwamadambi ave.”

Valoma 6:14

Mwenu, lidambi halintawala pakuva mwenu hamunatawaligwa shinu na lilamulo kanji munkutawaligwa na umonyo.

Valoma 6:17

Kanji napane lilambwalalelo live kwa Nnungu, mwemwe mwe muvéle mmatumwa validambi mundyuka ndaigwilila na mitima vyenu mpano wamapundisho alalá avankamudidye.

Valoma 8:2

mwaa nkati mumwe Klistu Yesu, lilamulo lya Imumu washingumi liningwambola mulilamulo lyalidambi na lyakupela.

I Vakolintu 15:57

Kanji lilambwalalelo lipagwe kwa Nnungu átwing'a kutema kwaindila imwe Umu wetu Yesu Klistu.

II Vakolintu 9:15

Lilambwalalelo lipagwe kumwe Nnungu kwamwaa wainudyo yake íkaulukika kutadolya.

Vaepeshu 5:20

munnambwalela ngwengwe vinu uti Nnungu Atata palina limwe Umu wetu Yesu Klistu,

Vapilipo 3:3

Mwaa wetu ni likumbi shii túlipudya kwa Imumu umwe Nnungu túlitumbyangidya nkati mumwe Klistu Yesu na túkakulupila vyamumili,

Vapilipo 4:6

Hamunangaikange kwamwaa washinu shoeshoe kanji kwakula shinu, kwaindila yakushwali na yakujugwa pamo na kulambwalela, palakedya majugwilo enu kwake Nnungu

Vakoloshu 3:17

Uti vyamulota kutenda, ata ikava kwalilove kwali kwavitendo, tenda palina limwe Umu Yesu munnambwalela Nnungu Atata kwaindila yake.

I Patulu 2:5

namwenu momo kenga majanga mangumi, munkudangegwa ing'ande yaimumu pakulota muve unashilangola wakwilimyanga wakupalakedya shadaka kwambangidya mumye shadaka shaimumu shikubalíka namu Nnungu kwaindila imwe Yesu Klistu.

I Patulu 2:9

Kanji napane mwenu ni likola litandalagwídye, unashilangola washiumu wakupalakedya shadaka, venentete vakwilimyanga, venentete vake jo mwene kwambangidya muvalangange ukumene wake aijá ánshamile mushii muke kulilangadyo lyake lyamakango.