Valoma 7:18 - Ibibiliya mu Shimakonde Imbodi Yaambi na dimbande dya Imbodi Yakala

¹⁸ mwaa ndimanya kenga hashipali shambone shipagwíte nkati mwangu yani mushimunu shangu. Doni, ashilá shililódya kuva shambone ninkulota ngutende kanji hangunaulula shinu kutenda

Valoma 7:18 ပူးပေါင်းရင်းမြစ်များ

Mateu 15:19

Muntima mwamunu munkuma makumbukililo akunyata, kubyaa, kunama nankongwe waukannambile, kulavalava, kwiva, ushuda waushwang'a na kukupulu.

Lukashi 11:13

Bai ikava kenga mwenu mmanu mmakalau munkumanya kujaula vinu vyambone kuvapa vanavenu, Atata nimpomo nae kuwa ko, ananjaula Imumu Wanashwe kuvapa avalá vanjúgwa.”

Nshuwau 3:6

Doni, shivalékwa kwamili, mili na shivalékwa kwa Imumu, imumu.

Valoma 13:14

Leka apo, ngwale Umu Yesu Klistu na hamunaing'e litala lyashimunumunu lyakulota kutandedya malotelo ake.

Valoma 7:15

Hangunamanya shinu shangutenda mwaa ashilá shangulota, hangunatenda shinu kanji ashilá shanguvangedya, shosho ni shangutenda.

Valoma 7:19

mwaa aulá wambone wangulota ngutende hangunatenda shinu kanji ukalau wandikalota ngutende ni au wanguukanavo mushu ngutenda.

Valoma 7:25

Napane lilambwalalelo lipagwe kumwe Nnungu kwaindila imwe Umu wetu Yesu Klistu. Nadoni nene nimwene kwading'anong'ano dyangu ninkutumika lilamulo lyake Nnungu kanji kwashimunumunu, ninkutumika lilamulo lyalidambi.

Valoma 7:5

Mwaa patushinama mumavalelo etu ashimunumunu, ditamaa dyalidambi dikang'alegwa na lilamulo dishindakola madengo mudimbande dyetu dyamumili kwambangidya tupe vyepo vituúkanavo kukupela.

Vagalata 5:17

Mwaa shimunumunu shinkuvanavo malotelo anyatilíka na Imumu na Imumu ankuvanavo malotelo anyatilíka na shimunumunu; vinu avi havinaigwana shinu, bai ni shamwona avilá vyamulota mwenu kutenda hamunaulule kutenda.

Vagalata 5:24

Vamwe Klistu Yesu, shimunumunu shave vandikamela panshalaba pamo na ditamaa na malotelo ake.

Vapilipo 2:13

mwaa Nnungu ni ákola madengo nkati mwenu pakulota mwenu mulote na mutandedye kwodananavo amulá munnagwéla nae.

Vapilipo 3:12

I do nangu ndivanavo tayali asho na ata kwali ndiva tayali washalowa-uti kanji ninkuka mushu ngulikanyalidya pakulota nguulule kukamula ashilá, sho shangukamulidile nangu Klistu Yesu.

Titu 3:3

Mwaa ata nawetu kala po, tuvele tuvanu túkave ding'ano na túkaigwilila vatwashadyenge tuva tuvatumwa kwavinu vyakula inamuna na ditamaa, shingumi shetu tunama mushishimwashimwa na mwing'ou, tuvangadika na tuvangadyania.

I Patulu 4:2

Nadoni wakati ubakidíle kwenu mwenu kunama mushilambo amu, hamunaname kavili kwakutandedya malotelo ashimunumunu ila tandedya malotelo ake Nnungu