Valoma 7:15 - Ibibiliya mu Shimakonde Imbodi Yaambi na dimbande dya Imbodi Yakala

¹⁵ Hangunamanya shinu shangutenda mwaa ashilá shangulota, hangunatenda shinu kanji ashilá shanguvangedya, shosho ni shangutenda.

Valoma 7:15 ပူးပေါင်းရင်းမြစ်များ

Lukashi 11:48

Mwenu ni mmashuda múungidile nkono vitendo vyavanakuluvenu; vanavo vandibyaa mwenu kuumbila vyonga.

Nshuwau 15:15

Haninshema kavili kuva mmatumika mwaa ntumika hanamanya shatenda nang'olo wake; mwenu napane ninkunshema kuva mmavangu mwaa uti vyangwigwite kumwe Atata, nintadya mumanye.

Valoma 12:9

Linagwaledyo live líkave shinankulaba. Vangedya ashilá shakunyata na kamulila ashilá shambone.

Valoma 14:22

Likulupililo lyauvenavo lyo avanavo gwegwe umwene pamevo pake Nnungu. Andyalaligwa aijá ákalyukumu kwa ashilá shaungila nkono.

Valoma 7:16

Napane ikava kenga ashilá shandikalota ninkutenda, bai ninkuungila nkono kenga lilamulo, lyambone.

Vagalata 5:17

Mwaa shimunumunu shinkuvanavo malotelo anyatilíka na Imumu na Imumu ankuvanavo malotelo anyatilíka na shimunumunu; vinu avi havinaigwana shinu, bai ni shamwona avilá vyamulota mwenu kutenda hamunaulule kutenda.

II Timoti 2:19

Napane shitunduvangilo shakunanopa sha Nnungu shinkuka mushu shipagwa shivanavo namakong'o aju, “Umu ankuvamanya avalá vake,” na, “Woewoe átambulanga lina limwe Umu aapukanangenavo ungave-shaliya uti.”

Vabalaniya 1:9

Unkunagwaledya ishaliya kunyatila ungave-lilamulo; napavedoni Nnungu, jo Nnungu wako, andikutandola pakati pavavavo, kukupaka mauta alipuwilo.”

Tiyagu 3:2

Kwakutangola mwiu wetu uti tunkulikuvala mudinamuna dyoe. Ikava kenga munu hanalikuvala shinu kwashitangodi, munu ajo ankuva washalowa-uti, namomo ankuulula kutawala mili wake uti.

Yudashi 1:23

kwavanji vaambole muvajakola pamoto; kwaupande unji avanavo shididi mujopa kwambukishigwa muvangedya ata mpaka dinguvo dyave dyaushapu.