Valoma 6:11 - Ibibiliya mu Shimakonde Imbodi Yaambi na dimbande dya Imbodi Yakala

¹¹ Nadoni namwenu momo livalangile kuva mmakupela kwalidambi kanji mmakunama kwa Nnungu nkati mumwe Klistu Yesu.

Valoma 6:11 ပူးပေါင်းရင်းမြစ်များ

Nshuwau 20:31

Avi vindyandikigwa pakulota mwenu mukulupile doni, Yesu ni Klistu Mwanagwe Nnungu na kwakunkulupila, mupate shingumi palina lyake.

Valoma 16:27

kwake Nnungu jumo walimanyilo apate lishangelo ngwengwe kwaindila imwe Yesu Klistu. Ame.

Valoma 5:1

Napavedoni pakuva tundivalangiligwa ishaliya kwalikulupililo, tunkuvanavo amani namu Nnungu kwaindila imwe Umu wetu Yesu Klistu.

Valoma 6:10

Mwaa kupela kwake nae, apadilé kwalidambi mwanda umo tu bai kanji shingumi shanama nae, anama kwa Nnungu.

Valoma 6:13

Hamunajaule dimbande dyenu dyamili kwalidambi kenga vikalelo vyaungave-shaliya kanji lijaule kwa Nnungu kenga mmanu wavantwete mukupela kuka mushingumi na jaula dimbande dyenu kwa Nnungu kenga vikalelo vyaishaliya.

Valoma 6:2

Ata padyoko vela! Wetu túpadile kwalidambi tulota kuka dashi mushu tunama nkati mulidambi?

Valoma 6:23

Mwaa nshala walidambi ni kupela kanji inudyo ya Nnungu ni shingumi shíkamalilika nkati mumwe Klistu Yesu Umu wetu.

Valoma 7:4

Nimumo momo mmanung'unumunu mwenu momo mundipela kwalilamulo kwaindila yamili umwe Klistu pakulota dashi, muve mmanu mmamunu junji aijá ádyukile pakati pavakupela kwambangidya tupe vyepo kumwe Nnungu.

Valoma 7:6

Kanji napane vanditumya mulilamulo tùpadile kwa ashilá shíshitutenda kuva tuvatumwa pakulota tutumike kwainamuna yaambi ilangalalégwa na Imumu i kwainamuna yakala yalilamulo lyandikígwe.

Valoma 8:18

Mwenu, nangu ninkuvalangila kenga mauvilo átupata muwakati au watuvele, havaikidile kulinganianga na lishangelo lilóta kulilodya nkati mwetu.

I Vakolintu 6:20

mwaa mundishumigwa kwaibei. Napavedoni mupe lishangelo Nnungu mumili vyenu.

Vaepeshu 2:7

kwambangidya muwakati wída, nae alodye umbala wamali aumonyo wake mulitananilo lyake kwetu wetu nkati mumwe Klistu Yesu.

Vapilipo 1:11

mùumbaligwidye shepo shaishaliya shaalóka kwaindila imwe Yesu Klistu kwalishangelo na kwakutumbyangilika kumwe Nnungu.

Vapilipo 4:7

na amani ya Nnungu ipúnda ding'anong'ano uti indashunga mitima na ding'ano dyenu nkati mumwe Klistu Yesu.

Vakoloshu 2:20

Ikava kenga mwenu mundipela namu Klistu kwadimumu ditawála shilambo ashi, mwaa shani napane kenga mo mwamushinamila mushilambo ashi munkulivika mwina lilamulo?

Vakoloshu 3:17

Uti vyamulota kutenda, ata ikava kwalilove kwali kwavitendo, tenda palina limwe Umu Yesu munnambwalela Nnungu Atata kwaindila yake.

I Patulu 2:24

Nae jo mwene andilitika mumili mwake madambi etu panshalaba kwambangidya tupele kwamadambi na tuname kwaishaliya; kwaindila yavilonda vyake, mwenu mundipona.

I Patulu 2:5

namwenu momo kenga majanga mangumi, munkudangegwa ing'ande yaimumu pakulota muve unashilangola wakwilimyanga wakupalakedya shadaka kwambangidya mumye shadaka shaimumu shikubalíka namu Nnungu kwaindila imwe Yesu Klistu.

I Patulu 4:11

Napane átangola jo, atangole malove a Nnungu na átumika jo, atumike kwadimongo dyaloka kumwe Nnungu kwambangidya nkati muvinu uti, Nnungu apate lishangelo kwaindila imwe Yesu Klistu ávaikidile apate lishangelo na lyululilo ngwengwe ngwengwe. Ame.