Valoma 5:17 - Ibibiliya mu Shimakonde Imbodi Yaambi na dimbande dya Imbodi Yakala

¹⁷ Napanelo ikava kenga kwamwaa wakupujungula kwamunu jumo kupela kunditawala kwaindila yamunu ajo, kupunda namene avalá vapáta kuumbaligwa kwaumonyo na inudyo yaishaliya, vanavo vandatawala mushingumi kwaindila yamunu jumo, Yesu Klistu.

Valoma 5:17 ပူးပေါင်းရင်းမြစ်များ

Mateu 25:34

Napane jo Umu jo andavaulila avalá vakunkanakono kwake kushidoni, ‘Idananga mwenu mwalaligwe namu atata! Pwashalela utawala wavankandyangididye tangu kukandyangigwa kwashilambo.

Nshuwau 10:10

Nkwíva aidila bai kwiva, kubyaa na kubamola; nangu jo ngwidilé pakulota vanavo vapate shingumi na shingumi shene vavenavo shoe namene.

Valoma 5:12

Napavedoni, kulingana kenga mo mwaliinjilidile lidambi mushilambo shapai kwaindila yamunu jumo na kupela kwaindila yalidambi, napane momo kupela kwandavala kwavanu uti mwaa uti vanditega.

Valoma 5:15

Kanji napanelo hakunapagwa shinu kulinganianga inudyo na kupujungula mwaa ikava kenga vanu voe vandipela kwaindila yakupujungula kwamunu jumo, kupunda namene umonyo wake Nnungu na inudyo yo kwaindila yaumonyo wamunu jumo Yesu Klistu, indikumukanga kwavanu voe.

Valoma 5:20

Mwenu, lilamulo lindida pakulota dashi, kupujungula kwanjadyeke. Napane po palyanjadyeke lidambi, umonyo undipakatika

Valoma 6:14

Mwenu, lidambi halintawala pakuva mwenu hamunatawaligwa shinu na lilamulo kanji munkutawaligwa na umonyo.

Valoma 6:23

Mwaa nshala walidambi ni kupela kanji inudyo ya Nnungu ni shingumi shíkamalilika nkati mumwe Klistu Yesu Umu wetu.

Valoma 8:39

i kushanya, i pai na ata kwali shiumbi shoeshoe shilóta kuulula kutwapukanianga na linagwaledyo lyake Nnungu lipagwíte nkati mumwe Klistu Yesu, Umu wetu.

I Vakolintu 15:49

Kenga mo mwatulitikila ing'ope yawaulongo, namomo tundalitika ing'ope yawakuwa.

I Vakolintu 4:8

Mwenu mulyona kuvanavo tayali vinu uti vyamulota! Tayali munditajilika! Kwabila wetu mwenu mundiva mmaumu! Nangu ngushindalota mwiu yakuva mwenu mmaumu kwambangidya dashi nawetu momo tuve tuvaumu namu mwenu.

Vapilipo 3:9

na ngunanapele nkati mwake pandikavenavo ishaliya yangu nene nimwene yakwalakela mulilamulo kanji yakwalakela kwaindila yakunkulupila Klistu, ishaliya ailá yalakéla kwa Nnungu na inanapéla mulikulupililo.

I Timoti 1:14

Napane umonyo umwe Umu undipakatika namene kwangu nangu kwalikulupililo na linagwaledyo lipagwíte nkati mumwe Klistu Yesu.

II Timoti 2:12

ikava kenga tunkulipililila, namu nae namomo tundatawala, ikava kenga tundamwita, nanae momo andatwita,

Tiyagu 2:5

Igwa mmanung'unumunu mmakunagwaleka, da Nnungu havatandwele vamashikini pamevo pavanu vamushilambo pakulota vave matajili nkati mulikulupililo na vapate maleko autawala walivikidile nae kwa avalá vannagwalédya?

I Patulu 2:9

Kanji napane mwenu ni likola litandalagwídye, unashilangola washiumu wakupalakedya shadaka, venentete vakwilimyanga, venentete vake jo mwene kwambangidya muvalangange ukumene wake aijá ánshamile mushii muke kulilangadyo lyake lyamakango.

Maono 1:6

jojo jo kutwala kututenda kuva utawala, vakulangalalela-shadaka kwa Nnungu wake, jo Tatamunu. Kwake nae lipagwe lishangelo na lyululilo ngwengwe ngwengwe! Ame.

Maono 20:4

Napanelo níndyona viteng'u vàikalenge avalá ve vavapéle madalaka akuukumu. Namomo kwona ungumi wa avalá vashindígwe kwamwaa waushuda umwe Yesu na walilove lya Nnungu. Vanavo havalipudídye kwalidimu na ata kulishinamu lyake, havakubalídye kuvikigwa numalu pashenye kwali munkono. Vovo vo, vandyújila kunama kutwala kutawala namu Klistu vyaka alupu imo.

Maono 20:6

Wakwalaligwa na wakwilimyanga ni aijá álota kupagwa mukudyuka kutandi! Kupela kwambili hakuve madalaka kwavanavo; vovo vo vandava vakulangalalela-shadaka vamwe Nnungu na vamwe Klistu, vandatawala namu nae vyaka alupu imo.

Maono 22:5

Shilo hashipagwa kavili: vanavo lilangadyo lyadikalaboi kwali lyaliduva nkati mo, havapali mwaa Umu Nnungu andavalangadya; vovo vo, vandatawala ngwengwe ngwengwe.

Maono 3:21

“Nkútema ndamupa aki yakwikala namu nangu pashiteng'u pangu kenga nangu momo nditema na ndiikala namu Atata pashiteng'u pake.