Valoma 4:2 - Ibibiliya mu Shimakonde Imbodi Yaambi na dimbande dya Imbodi Yakala

² Mwaa ikava kenga Abulaamu aukilé ndavalangiligwa ishaliya kwamwaa washimadengo, bai nae ankuvanavo shakulitamangila kanji i pamevo pake Nnungu.

Valoma 4:2 ပူးပေါင်းရင်းမြစ်များ

Valoma 15:17

Napavedoni nkati mumwe Klistu Yesu, nangu ninkulitamangila kwa avilá vivéle kwa Nnungu.

I Vakolintu 1:29

kwambangidya hanapagwe wakulitumbudya pamevo pake Nnungu.

I Vakolintu 1:31

kenga indyandikigwa, “Álota kulitumbudya, alitumbudye nkati mumwe Umu.”

I Vakolintu 4:7

Wako akupambwilé nyani? Da shakwashi shauvénavo shavakakupele? Napanelo ikava kenga vandikupa mwaa shani unkulyona kenga havakupele?

I Vakolintu 9:16

Doni, ikava kenga ninkuvalanganga ntenga wambone hainava shinu yakulota kulyona mwaa ni shitakígwa pamuti pangu. Ngupambale nangu nikanavalanganga ntenga wambone!

II Vakolintu 11:12

Napanelo shangutenda sho, ndauka mushu ngutenda kwambangidya ngudivilile litala lya avalá valóta vapate litala lyakulota vaaneke kulinganana namu wetu muvinu vyavalyumidya vanavo shumbi.

II Vakolintu 11:30

Ikava kenga indivaikila ngulyumye shumbi, ndalyumidya muvinu vilódya kudabadabanga kwangu.

II Vakolintu 5:12

I do, tunkulitumbyanga kavili kwenu mwenu kanji tunkumupa mwenu litala lyakulota mulyone kwamwaa wetu wetu kwambangidya muvenavo shakuvajang'ula avalá valyóna kwapanda i kwa ashilá shivéle muntima.

Vagalata 3:22

Kanji Maandiko alo anditadya vinu uti vitawaligwe na lidambi pakulota kulivikila kwalakéla kwaindila yalikulupililo kumwe Klistu Yesu kukapatikanange na avalá vakulupíla.

Vaepeshu 2:9

Hashinava shinu shaudukilidile munu pakulota hanalitumbyangidye munu woewoe.

Vapilipo 3:9

na ngunanapele nkati mwake pandikavenavo ishaliya yangu nene nimwene yakwalakela mulilamulo kanji yakwalakela kwaindila yakunkulupila Klistu, ishaliya ailá yalakéla kwa Nnungu na inanapéla mulikulupililo.