Valoma 4:11 - Ibibiliya mu Shimakonde Imbodi Yaambi na dimbande dya Imbodi Yakala

¹¹ Shimanyikilo shakukumuligwa kwake nae shivele kenga namakong'o waishaliya yalikulupililo muungakumuligwa pakulota dashi, nae ave tatamunu wauti avalá vakulupíla muungakumuligwa kwambangidya navanavo momo vavalangiligwe ishaliya

Valoma 4:11 ပူးပေါင်းရင်းမြစ်များ

Mateu 16:16

Simoni Patulu patwete kujang'ula akaashidoni, “Wako Klistu mwanagwe Nnungu mumi.”

Mateu 8:11

Nangu ninkumwaulila, vandaaloka vanu voe nkono wakwalyalakela liduva na wakwalyenda liduva kwida ndaikala namu Abulaamu, Ishaki namu Yakobo pandamu muutawala wakuwa

Lukashi 19:9

Yesu kushidoni, “Nelo paing'ande apa kundimwikila kwambolegwa mwaa munu aju momo avelé mushipinga shaudukulu umwe Abulaamu.

Nshuwau 3:33

Aijá áitikila ushuda wake ankuntaa namakong'o kenga Nnungu ni ávenavo umwiu.

Nshuwau 3:36

Aijá ánkulupila Mwana ankuva na shingumi shíkamalilika kanji aijá áita kunkukulupila Mwana, shingumi sho alota kwigwa lyatu na shitundi shake Nnungu shinkupagwa pamili pake.”

Nshuwau 6:35

Yesu kushidoni, “Nangu ni Ligung'u Lyashingumi. Aijá áida kwangu, hainkola shinu kavili indala na aijá ángukulupila nangu, mwiko hainkola shinu kavili inyota.

Nshuwau 6:40

Mwaa malotelo amwe Atata ni ala, kula munu ámwona Mwana na kunkulupila apate shingumi shíkamalilika na nangu nandyuwa muliduva lyamwisho.”

Nshuwau 6:47

Nangu ninkumwaulila mwiu mwiu doni, aijá ákulupila ankuvanavo shingumi shíkamalilika.

Nshuwau 8:33

Vanavo vakanjang'ula kushidoni, “Wetu apa ni tuvanu tuvamuudukulu umwe Abulaamu. Mwiko hatunava kutandegwa tuvatumwa vamunu woewoe. Napanelo mwaa shani unkutangola doni, ‘Mundava mmamuunaiti’?”

Valoma 10:11

Kenga mwatangalela Maandiko, “Aijá ánkulupila nae, hatutala.”

Valoma 10:4

Doni, mwisho walilamulo ni Klistu kwambangidya ipagwe ishaliya kwa aijá uti ákulupila.

Valoma 10:6

Kanji ishaliya yalakéla mulikulupililo inkushidoni, “Haunatangole shintimatima, ‘Nyani álota kukwela kuwa?’ ” yani amwidenavo Klistu pai

Valoma 3:22

doni, ishaliya yake Nnungu kwaindila yakunkulupila Yesu Klistu kwa avalá uti vankulupíla nae. Hakupali kuvilingananga

Valoma 3:26

pakulota alodye ishaliya yake muwakati au na ave waishaliya namomo wakummalangilila ishaliya aijá ánkulupila Yesu.

Valoma 3:30

pakuva Nnungu avelé jumo bai na kwalikulupililo tu, nae andavavalangilila ishaliya vakumulígwe na vákakumuligwe.

Valoma 4:10

Napane vammalangilidilé dashi? Vammalangilidilé mukukumuligwa kwali muungakumuligwa? I mukukumuligwa kanji muungakumuligwa.

Valoma 9:30

Napane tuushidashi? Doni vamidi vákashivingilidya kuvalangiligwa ishaliya vandipata kuvalangiligwa ishaliya, ishaliya yoyo yalakéla kwaindila yalikulupililo

Valoma 9:33

Kenga mwatangalela Maandiko, “Mwenu, nangu ninkuvika pa Shiyau lijanga lyakulikuvala lijanga lyo lyakutaa shitundi; aijá álota kukulupila, mwiko hatutala.”

Valoma 9:6

Kanji napanelo i do lilove lyake Nnungu lindikoweka mwaa i uti udukulu umwe Ishilaeli ni vanaishilaeli,

II Vakolintu 1:22

ni jojo átutaile namakong'o na kutuvika Imumu wake mmitima vyetu kenga shinu shakwimididya.

Vagalata 3:22

Kanji Maandiko alo anditadya vinu uti vitawaligwe na lidambi pakulota kulivikila kwalakéla kwaindila yalikulupililo kumwe Klistu Yesu kukapatikanange na avalá vakulupíla.

Vagalata 3:29

Ikava kenga mwenu ni mmake Klistu, bai mmadukuluvake Abulaamu na kwaupande wakulivikila wo, mmakupata maleko ni mwenu.

Vagalata 3:7

manya doni, vo valikulupililo vo, vanavo ni udukulu umwe Abulaamu.

Vagalata 5:5

Mwaa kwa Imumu na kwaindila yalikulupililo wetu tunkulindila na mweshe lilindilililo lyakupata ishaliya.

Vagalata 6:16

Amani na shididi vipagwe na avalá vavéle munkondo walipata ali, vipagwe na yo Ishilaeli ya Nnungu.

Vaepeshu 1:13

Nkati mwake namwenu momo pamwigwite ntenga waumwiu, ntenga wambone wo umwambwéle; mwenu múnkulupidile nae, mundinamatiligwa kwa Imumu Wanashwe wakulivikila,

Vaepeshu 4:30

Hamunantae shipalodi Imumu Wanashwe wa Nnungu, jo wavannamatididye mwenu mpaka muliduva lyakwambola.

Vapilipo 3:9

na ngunanapele nkati mwake pandikavenavo ishaliya yangu nene nimwene yakwalakela mulilamulo kanji yakwalakela kwaindila yakunkulupila Klistu, ishaliya ailá yalakéla kwa Nnungu na inanapéla mulikulupililo.

Vabalaniya 11:7

Kwalikulupililo Noe pavammanyiidye kaladavo avilá vilóta kutandeka pakuva jojo jo ashinanjopa Nnungu, nae andíkandyanga ingalava yakulota kwambola likola lyake. Nadoni andyúkumu shilambo na kutandegwa kuva nkúpata-maleko aishaliya kwaindila yalikulupililo.

II Patulu 1:1

Simoni Patulu, ntumwa na myombe umwe Yesu Klistu, kwa avalá vapatíle likulupililo lyolyo livénavo mana alinganána na lyetu kwaindila yaishaliya imwe Nnungu wetu, Mwamboli Yesu Klistu.

Maono 9:4

Lolo lo, andílamuliligwa pakulota havaananangange udani wamushilambo, mamba na ata milandi ila vanu vákavikigwe namakong'o wake Nnungu pavyenye.