Valoma 3:9 - Ibibiliya mu Shimakonde Imbodi Yaambi na dimbande dya Imbodi Yakala

⁹ Napane tuushidashi? Da wetu tuvayuda ni túvapunda vanu vanji? Mene, ata padyoko! Mwaa ndivalanganga tayali doni vayuda pamo namu vamidi uti vankupagwa mukutawaligwa na lidambi

Valoma 3:9 ပူးပေါင်းရင်းမြစ်များ

Lukashi 7:39

Napanelo mpalishayo aijá annalike Yesu akone davo, andítangola shintimatima aashidoni, “She! Aju leka àvele nkúlava mwiu, shi akanimmanya nkongwe ánkamulanga aju; nkongwe aju, nkùtega!”

Valoma 1:18

Mwaa doni apa, shitundi shake Nnungu shinkulilodya kutunduvangila kuwa shiidila ungave-Nnungu na ungave-shaliya wavanu vatitikidyánga umwiu kwaindila yakuvova ishaliya.

Valoma 11:32

Mwaa Nnungu andipangila uti kwaungaigwilila pakulota uti avaanangile shididi.

Valoma 11:7

Napane nyamani? Vanaishilaeli, ashilá shavashilambela havapatile. Shindipatikana namu vakutandalegwa kanji vanji vo vandivananopya mitima

Valoma 2:1

Napavedoni wako umunu úvaukumu vanji, hamupali mwakukanila mwaa paumuukumu junji po, unkulyukumu gwegwe umwene pakuva wako umwene úukumu po, vyovyo vyo unkutenda.

Valoma 3:1

Napanelo muyuda ankuvanavo mana shani? Kwali kukumuligwa likumbi inkupagwa paida shani?

Valoma 3:19

Napane wetu tundimanya kenga uti vitangóla mulilamulo vinkutangola kwa avalá vatawalígwa na lilamulo kwambangidya dashi, dikanywa uti dimalale na shilambo uti shikapagwe muukumu yake Nnungu

Valoma 3:5

Kanji napane ikava kenga ungave-shaliya wetu unkulodya ishaliya yake Nnungu, tulota kwamba nyamani? Kwali tutangole do, Nnungu havenavo ishaliya patandedya shitundi shake? Ngutangola kenga nimunu.

Valoma 6:15

Napanelo shakwashi? Da tutege pakuva hatunatawaligwa shinu na lilamulo kanji tunkutawaligwa na umonyo? Ata padyoko vela!

Valoma 7:14

Doni tundimanya kenga lilamulo lyàimumu ila nangu washimunumunu ngúshulushigwe mukutawaligwa na lidambi.

I Vakolintu 10:19

Da ngulota kutangola nyamani? Da shadaka shavavaumididye vakushang'apa shinkuvanavo mana? Kwali nnungu wakushang'apa ankuvanavo mana?

I Vakolintu 14:15

Napane ngutende dashi? Ndashwali kwaimumu kanji namomo ndashwali kwading'ano; ndaimba kwaimumu kanji namomo ndaimba kwading'ano.

I Vakolintu 4:7

Wako akupambwilé nyani? Da shakwashi shauvénavo shavakakupele? Napanelo ikava kenga vandikupa mwaa shani unkulyona kenga havakupele?

Vagalata 3:10

Mwaa uti avalá vakulupíla lilamulo vandilanigwa kwoda indyandikigwa doni, “Alaanigwe aijá ákapagwa muvinu avi uti vyandikígwe mulibuku lyalilamulo na vinu avyo me kutandedya.”

Vagalata 3:22

Kanji Maandiko alo anditadya vinu uti vitawaligwe na lidambi pakulota kulivikila kwalakéla kwaindila yalikulupililo kumwe Klistu Yesu kukapatikanange na avalá vakulupíla.

Vapilipo 1:18

Hapanapagwa shinu! Shikumene ni ashi, kwaindila yoeyoe ata ikava mukulikulukuwa kwali muumwiu, Klistu ankuvalangangigwa; ni ashi shingutádya ngupuwange. Namwiu ndauka mushu ngupuwanga