Valoma 3:5 - Ibibiliya mu Shimakonde Imbodi Yaambi na dimbande dya Imbodi Yakala

⁵ Kanji napane ikava kenga ungave-shaliya wetu unkulodya ishaliya yake Nnungu, tulota kwamba nyamani? Kwali tutangole do, Nnungu havenavo ishaliya patandedya shitundi shake? Ngutangola kenga nimunu.

Valoma 3:5 ပူးပေါင်းရင်းမြစ်များ

Valoma 12:19

Mmakunagwaleka, mwiko hamunalipilile kanji kulipilila lakela shitundi shake Nnungu mwaa indyandikigwa, “Kulipilila ni kwangu nangu; nangu ndalipilila, atangola Umu.”

Valoma 2:5

Kanji kwoda mwaa waimbeve yako na kunanopa kwantima wako, bai unkulikungailila shitundi gwegwe umwene muliduva alilá lyashitundi pailota kulilodya ukumu yaishaliya yake Nnungu.

Valoma 3:19

Napane wetu tundimanya kenga uti vitangóla mulilamulo vinkutangola kwa avalá vatawalígwa na lilamulo kwambangidya dashi, dikanywa uti dimalale na shilambo uti shikapagwe muukumu yake Nnungu

Valoma 3:7

Kanji ikava kenga kwaindila yakushang'apa kwangu umwiu wake Nnungu unkuumbaligwa kwalishangelo lyake mwaa shani nguukumigwe kenga ninkútega?

Valoma 4:1

Napavedoni, tulota kutangola nyamani vyúkile ndaanalela Abulaamu nakulugwetu kwodananavo unalikola?

Valoma 5:8

kanji Nnungu kwetu wetu andilodya linagwaledyo lyake jo mwene, doni, wetu tùvele avi tuvakutega, Klistu andipela kwamwaa wetu wetu.

Valoma 6:1

Napanelo tuushidashi? Da tuke mushu tupagwa mulidambi kwambangidya umonyo wake Nnungu wanjadyeke?

Valoma 6:19

Ngutangola kenga nimunu kwamwaa wakudabadabanga kwenu kwashimunu. Kulingana kenga mo mwamujaulidile dimbande dyenu muushapu na muungave-lilamulo vyuka kupunda ungave-lilamulo napane ambi jaula dimbande dyenu kenga vatumwa vaishaliya vauka kukwilimyanga.

Valoma 7:7

Napane tuushidashi? Da lilamulo lyo, lidambi? Ata padyoko vela! Ila leka likapagwite lilamulo, hangunamanye lidambi ni nyamani. Mwenu, nangu hangunamanye nyamani kung'unuka leka lilamulo likatangwele doni, “Haunang'unuke!”

Valoma 8:31

Napane tuushidashi kwamwaa wavinu avi? Ikava kenga Nnungu ankupagwa upande wetu, nyani álota kutupinga?

Valoma 9:30

Napane tuushidashi? Doni vamidi vákashivingilidya kuvalangiligwa ishaliya vandipata kuvalangiligwa ishaliya, ishaliya yoyo yalakéla kwaindila yalikulupililo

I Vakolintu 15:32

Ding'ondo adilá dyangutandene na vakoko vakujowa ku Epeshu, leka dìvele kwashabaa yashimunumunu, ndikapatile nyamani? Ikava kenga vakupela havanadyuka, “Leka tulye na tukumbile mwaa lunduno tundapela.”

I Vakolintu 9:8

Avi hangunatangola shinu kwodananavo shimunu; kwali da lilamulo halinatangola shinu vyovyo?

II Vakolintu 6:4

Leka apo, nkati muvinu uti tunkulilodya kenga tuvatumika vake Nnungu, nkati mukulipililila kwoe, mumauvilo, muwou, muvyakujowa,

II Vakolintu 7:11

Talola shana shipalodi shosho ashi shaalakéla kwa Nnungu shíng'a vyepo nkati mwenu: kutumbama shani, kushililidya shani, kushanga shani, kujopa shani, mweshe shani, dukuduku shani, ukumu shani! Nkati muuti mwenu mundililodya kuva mmanu múkave ushapu kwamwaa au.

Vagalata 2:18

Mwaa ikava kenga avilá vyangubamalenge ninkunonowangidya kavili, bai ninkulilodya ngala kuva nimunu wakupujungula.

Vagalata 3:15

Mmanung'unumunu, ndavalanganga shinamidyo shetu wetu tuvanu. Ata pakave munu ápanga imbodi hapali ánatauka na wakwanjedya shinu shinji kavili.

Maono 15:3

akuno vaimba lwimu lumwe Musha ntumika wake Nnungu na lwa Ngandolo: “Makango, vitendo vyako, vìkumene, Umu Nnungu Wadimongo-uti. Dindila dyaishaliya dyaumwiu, dyàko, Umu wavenentete.

Maono 18:20

Kuwa ko puwanga kwamwaa wake! Mmakwilimyanga, mmamyombe pamo na mmakulava puwanga! Nnungu andímuukumu nae kwamwaa wenu mwenu!”