Valoma 3:31 - Ibibiliya mu Shimakonde Imbodi Yaambi na dimbande dya Imbodi Yakala

³¹ Da doni po tunkuputanga lilamulo kwaindila yalikulupililo? Ata padyoko vela! Kanji lyanavo lyo, tunkunonowanga.

Valoma 3:31 ပူးပေါင်းရင်းမြစ်များ

Mateu 15:6

bai munu ajo hainammaikila shinu kavili kumwishimu tatake kwali anyoke.’ Nadoni pamwodedya yadi yenu ai inkuntadya mwiludyange lilove lyake Nnungu.

Mateu 3:15

Yesu kutwala kunjang'ula kushidoni, “Kwaambi apa leka ive yadavo mwaa indituvaikila tuwishe popo ishaliya uti.” Nshuwau kwitikila.

Mateu 5:17

“Hamunakumbukile kenga ngwidilé ndamalidya Lilamulo na Vakulava. Hangwidile ndamalidya, ngwidilé ndatadya viwikile popo vinu avyo.

Mateu 5:20

Napavedoni ninkumwaulila mwiu, ishaliya yenu ikanapunda yavamwalimu vadishaliya na mapalishayo, mwiko muutawala wakuwa hamwinjila.

Lukashi 20:16

Nae andavaukila vanu avo ndavatanalanga kutwala lishamba lyo, kuvapa vanu vanji.” Bai venentete pavaigwite malove alo kutwala kushidoni, “Shonde hainave davo.”

Valoma 10:4

Doni, mwisho walilamulo ni Klistu kwambangidya ipagwe ishaliya kwa aijá uti ákulupila.

Valoma 2:20

wako nkúpundisha wavajinga, mwalimu wavadyoko pakuva wako undivanavo mulilamulo mo wakikisho walimanyilo na umwiu.

Valoma 3:4

Ata padyoko vela! Nneke Nnungu ave waumwiu ata ikava kenga kula munu ni wakushang'apa kenga indyandikigwa, “pakulota uvenavo ishaliya mumalove ako, na paukumu po, uteme.”

Valoma 3:6

Ata padyoko vela! Leka ìvele davo, Nnungu akaulwile dashi kuukumu shilambo?

Valoma 4:14

Mwenu, ikava kenga vamulilamulo ni vakupata-maleko, bai likulupililo lyene lyo, halive mana na kulivikila kwene ko, kunditimbikanga.

Valoma 7:22

Mwenu, nkati muntima mwangu ninkupuwangila lilamulo lyake Nnungu

Valoma 7:25

Napane lilambwalalelo lipagwe kumwe Nnungu kwaindila imwe Umu wetu Yesu Klistu. Nadoni nene nimwene kwading'anong'ano dyangu ninkutumika lilamulo lyake Nnungu kanji kwashimunumunu, ninkutumika lilamulo lyalidambi.

Valoma 8:4

kwambangidya ishaliya ilotéka mulilamulo iwikile popo kwetu wetu túnama i kwashimunumunu kanji kwa Imumu.

I Vakolintu 9:21

Kwavakapagwite mulilamulo nguukilé ndava ndíkapagwite mulilamulo, i kenga hanguvele mulilamulo lyake Nnungu kanji ngúvele mulilamulo limwe Klistu pakulota ndivapate vákapagwite mulilamulo.

Vagalata 2:19

Mwaa nangu kwaindila yalilamulo ndipela mulilamulo kwambangidya nguname mu Nnungu. Nangu ndipela panshalaba namu Klistu.

Vagalata 2:21

Hangunavika shinu kunyenje umonyo wa Nnungu mwaa ikava kenga kwaindila yalilamulo munu ankupata ishaliya, bai Klistu apadilé monyo.