Valoma 3:22 - Ibibiliya mu Shimakonde Imbodi Yaambi na dimbande dya Imbodi Yakala

²² doni, ishaliya yake Nnungu kwaindila yakunkulupila Yesu Klistu kwa avalá uti vankulupíla nae. Hakupali kuvilingananga

Valoma 3:22 ပူးပေါင်းရင်းမြစ်များ

Lukashi 15:22

Kanji tatamunu kuvaulila vatumika vake kushidoni, ‘Idanavo shipajelo dinguvo dyamana, ipete na vilatu mungwadye.

Vitendo 11:12

Kutwala Imumu kungwaulila nguke namu vanavo pandikaambambidya; vanung'unumunu ava sita kuka pamo namu nangu ku Shashaleya mpaka paing'ande imwe Koluneli.

Vitendo 15:9

Wetu namu vanavo Nnungu hatupambulanienge; nae andyushanianga ushapu mitima vyave kwaindila yalikulupililo.

Vitendo 3:16

Napanelo dimongo dyalina limwe Yesu dinintadya munu aju wamumwona na wamummanyite, aliimiliyange. Andiliimiliyanga mwaa wakukulupila lina limwe Yesu; likulupililo lyolyo linditadya aju aponele uti kenga mwenu uti munkwona.

Valoma 1:17

Mwaa mo muntenga mo inkulilodya ishaliya yake Nnungu kutunduvangila mulikulupililo kuka mulikulupililo kenga mwavaandikidile, “Waishaliya andanama kwalikulupililo.”

Valoma 10:12

Mwaa hakupali kuvilingananga pakati pavayuda na vamidi pakuva Umu jojo ni Umu wavanu uti avaalaliya uti avalá vantambulánga nae

Valoma 10:4

Doni, mwisho walilamulo ni Klistu kwambangidya ipagwe ishaliya kwa aijá uti ákulupila.

Valoma 2:1

Napavedoni wako umunu úvaukumu vanji, hamupali mwakukanila mwaa paumuukumu junji po, unkulyukumu gwegwe umwene pakuva wako umwene úukumu po, vyovyo vyo unkutenda.

Valoma 3:30

pakuva Nnungu avelé jumo bai na kwalikulupililo tu, nae andavavalangilila ishaliya vakumulígwe na vákakumuligwe.

Valoma 4:16

Ni ashi shitádya kulivikila kunanapele mulikulupililo pakulota kwodanenavo umonyo kwambangidya dashi kuke bila kwambambidya muudukulu uti i gweka wamulilamulo kanji namomo aijá walikulupililo limwe Abulaamu, jo tatamunu wetu uti

Valoma 8:1

Napavedoni ambi apa hakupali kuukumigwa kwa avalá vavéle nkati mumwe Klistu Yesu

Valoma 9:30

Napane tuushidashi? Doni vamidi vákashivingilidya kuvalangiligwa ishaliya vandipata kuvalangiligwa ishaliya, ishaliya yoyo yalakéla kwaindila yalikulupililo

I Vakolintu 12:13

Mwaa mu Imumu jumo tundibatishwa nkati mumili umo, vayuda kwali vamidi, vatumwa kwali vamuunaiti, na uti wetu tundyuka nankumbila Imumu jumo.

I Vakolintu 4:7

Wako akupambwilé nyani? Da shakwashi shauvénavo shavakakupele? Napanelo ikava kenga vandikupa mwaa shani unkulyona kenga havakupele?

Vagalata 2:16

ata tumanya avi do, munu hanapata shinu ishaliya kwamwaa wakwodedya lilamulo ila kwaindila yakunkulupila Yesu Klistu, nawetu momo tuninkulupila Yesu Klistu pakulota tupate ishaliya kwaindila yakunkulupila Klistu i kwamwaa wakwodedya lilamulo. Ni doni, kwakwodedya lilamulo, hapali álota kupata ishaliya.

Vagalata 2:20

Ninkunama kanji i nangu ila Klistu ni anama nkati mwangu. Shingumi shanguvenavo mumili ambi apa, ninkunama kwakunkulupila Mwana wa Nnungu ángunagwaladidye na álijawile kwamwaa wangu nangu.

Vagalata 3:22

Kanji Maandiko alo anditadya vinu uti vitawaligwe na lidambi pakulota kulivikila kwalakéla kwaindila yalikulupililo kumwe Klistu Yesu kukapatikanange na avalá vakulupíla.

Vagalata 3:28

Hapali muyuda na ata ngalegu, ntumwa na ata wamuunaiti, nnume kwali nkongwe mwaa uti mwenu ni munu jumo mumwe Klistu Yesu.

Vaepeshu 3:12

Nkati mwake nae, wetu tunkuvanavo ntima shii na litala lyakumuukila Nnungu tulyamini kwalikulupililo lyatuvenavo kwake nae.

Vapilipo 3:9

na ngunanapele nkati mwake pandikavenavo ishaliya yangu nene nimwene yakwalakela mulilamulo kanji yakwalakela kwaindila yakunkulupila Klistu, ishaliya ailá yalakéla kwa Nnungu na inanapéla mulikulupililo.

Vakoloshu 3:11

Apa hapali ngalegu kwali muyuda, wakukumuligwa likumbi kwali ákakumuligwe, mmidi kwali mushikita, ntumwa kwali wamuunaiti kanji Klistu ni uti na nkati muuti.

Tiyagu 2:23

Nadoni andiwikila popo Maandiko atédoni, “Abulaamu aninkulupila Nnungu, likulupililo lyolyo, Umu jo animmalangilila Abulaamu kuva ishaliya;” nadoni nae andíshamegwa kuva mbwadigwe Nnungu.