Valoma 3:20 - Ibibiliya mu Shimakonde Imbodi Yaambi na dimbande dya Imbodi Yakala

²⁰ mwaa kwaindila yashimadengo shalilamulo hapali álota kuvalangiligwa kuva ishaliya pamevo pake pakuva kwaindila yalilamulo inkutadya lidambi limanyike.

Valoma 3:20 ပူးပေါင်းရင်းမြစ်များ

Vitendo 13:39

kwaindila yake nae kula munu ákulupila, ankuvalangiligwa ishaliya.

Valoma 2:13

Mwaa vaishaliya pamevo pake Nnungu havanava shinu avalá vaígwa lilamulo kanji avalá vatandédya lilamulo ni valóta kuvalangiligwa kuva ishaliya.

Valoma 3:28

Mwaa wetu tunkwakikisha kenga munu ankuvalangiligwa ishaliya kwalikulupililo lyapukanánga na shimadengo shalilamulo.

Valoma 4:13

Mwaa hainava shinu kwaindila yalilamulo intadídye Abulaamu pamo na udukulu wake kupata kulivikila yakuva nae nkúpata-maleko ashilambo kanji kwaindila yaishaliya yalikulupililo.

Valoma 4:15

Mwaa lyo lilamulo lyo, linkwidanavo shitundi kanji napane palikapagwite lilamulo, hakupali kupujungula.

Valoma 5:13

Doni, lilamulo likanava kupagwa, mwiu lidambi lindípagwa mushilambo shapai kanji halishivalangiligwa lidambi pálikapagwite lilamulo.

Valoma 5:20

Mwenu, lilamulo lindida pakulota dashi, kupujungula kwanjadyeke. Napane po palyanjadyeke lidambi, umonyo undipakatika

Valoma 7:11

Mwaa lidambi likatakela litala kwaindila yalilamulo, lininguduwanga na kwaindila yalilamulo, liningubyaa.

Valoma 9:32

Mwaa wanyamani? Mwaa havashoodedya kwalikulupililo kanji vashoodedya kenga paikavéle kwashimadengo. Vanavo vandilikuvala mulijanga lyakulikuvala.

I Vakolintu 15:56

Mwenu, ishumu imwe kupela, lidambi na dimongo dimwe lidambi, lilamulo.

Vagalata 2:16

ata tumanya avi do, munu hanapata shinu ishaliya kwamwaa wakwodedya lilamulo ila kwaindila yakunkulupila Yesu Klistu, nawetu momo tuninkulupila Yesu Klistu pakulota tupate ishaliya kwaindila yakunkulupila Klistu i kwamwaa wakwodedya lilamulo. Ni doni, kwakwodedya lilamulo, hapali álota kupata ishaliya.

Vagalata 2:19

Mwaa nangu kwaindila yalilamulo ndipela mulilamulo kwambangidya nguname mu Nnungu. Nangu ndipela panshalaba namu Klistu.

Vagalata 5:4

Mwenu múlambela mupate ishaliya kwalilamulo, mundilyapula kumwe Klistu, mundipalanyoka muumonyo wa Nnungu.

Vabalaniya 7:19

mwaa lilamulo litandi halyulwile kutandedya shinu shoeshoe kuwikila popo kanji kwaupande unji, vandiingula lilindilililo lyamana na kwaindila yalyanavo tunkuulula kummandika Nnungu.