Valoma 2:9 - Ibibiliya mu Shimakonde Imbodi Yaambi na dimbande dya Imbodi Yakala

⁹ Tabu na shaushanga vindapagwa kwakula munu átandedya ukalau; shitandi kwamuyuda ling'oto kwangalegu

Valoma 2:9 ပူးပေါင်းရင်းမြစ်များ

Mateu 16:26

Da munu alota kupata wambone shani akapata shilambo ashi uti kutwala kukatoka shingumi shake sho? Kwali shinu shani shalota kuulula kumya munu abadilishe na shingumi shake?

Lukashi 24:47

na palina lyake, uvalangangigwe ntenga wakulijugulanga na wakulivalivigwa kwamadambi muvenentete uti kutunduvangila ku Yelusalemu.

Vitendo 11:18

Bai pavaigwite malove alo, vanavo vandídimikila na kumupa lishangelo Nnungu vaashidoni, “Kumbe mwiu! Ata vamidi Nnungu andivapa kulijugulanga madambi kuka mushingumi.”

Vitendo 13:26

“Mmanung'unumunu mmashipinga shaudukulu wake Abulaamu pamo na mwenu mmanji múnjopa Nnungu! Lilove lyakwambwalegwa aku, wavantumidididyé ni wetu.

Vitendo 20:21

ngumya ushuda kwavayuda na kwavamidi wakulijugulanga madambi kwa Nnungu na walikulupililo nkati mumwe Umu wetu Yesu.

Vitendo 26:20

Ndivavalangangila shitandi va ku Damashiko, kwatika ku Yelusalemu, disemu uti dya ku Yudeya namomo kwavamidi pakulota valijugulange madambi ave na vanshinjiulile Nnungu valodya vitendo kwodananavo kulijugulanga kwave.

Vitendo 28:17

Napanelo akapite maduva matatu, Paulu andívashamanga vanang'olo vavayuda kutwala vanavo pavaidanenge nae kuvaulila doni, “Mmanung'unumunu, nangu panikatenda shinu shakukowa kwavenentete vetu na kwashinamilo shavatulakadile vanakuluvetu, vayuda pa Yelusalemu vaningunga kutwala kungukamudya kumakono avaloma.

Vitendo 28:28

Paulu kavili kushidoni, “Ikala mumanya doni ntenga au wakwambola wake Nnungu undipalakalegwa kwavamidi na vanavo vandaigwilila.”

Vitendo 3:26

Nnungu pantakatuwidye ntumika wake, ampalakadidyé shitandi kwenu mwenu pakulota amwalaliye anshinjiula kula munu mushinamilo shake shakunyata.”

Valoma 1:16

Mwaa hangunona dyoni kwantenga wambone pakuva ni dimongo dyake Nnungu dyakwambola kwaupande wavanu uti vakulupíla; shitandi kwamuyuda ling'oto kwangalegu.

Valoma 10:12

Mwaa hakupali kuvilingananga pakati pavayuda na vamidi pakuva Umu jojo ni Umu wavanu uti avaalaliya uti avalá vantambulánga nae

Valoma 2:10

kanji lishangelo, ishima na amani kwakula munu átandedya wambone; shitandi kwamuyuda ling'oto kwangalegu.

Valoma 8:35

Nyani álota kutwapukanianga na linagwaledyo limwe Klistu? Da ilota kuva tabu, kwali mauvilo, kwali kupapatigwa, kwali indala, kwali wou, kwali shijoidyo, kwali lyambila?

Valoma 9:24

ata mpaka wetu momo túshamagwidye i gweka pakati pavayuda kanji namomo pakati pavamidi.

Vagalata 3:28

Hapali muyuda na ata ngalegu, ntumwa na ata wamuunaiti, nnume kwali nkongwe mwaa uti mwenu ni munu jumo mumwe Klistu Yesu.

Vakoloshu 3:11

Apa hapali ngalegu kwali muyuda, wakukumuligwa likumbi kwali ákakumuligwe, mmidi kwali mushikita, ntumwa kwali wamuunaiti kanji Klistu ni uti na nkati muuti.

II Vateshalonika 1:6

pakuva namwiu Nnungu ankuvalangilila ishaliya kuvalipa tabu avalá vamwikalíla

I Patulu 4:17

Mwaa wakati waukumu utunduvangíla mwing'ande yake Nnungu undiwika tayali; napane ikava kenga shitandi namu wetu, ulota kuva dashi mwisho wa avalá vákaigwilidile ntenga wambone wa Nnungu?