Valoma 2:29 - Ibibiliya mu Shimakonde Imbodi Yaambi na dimbande dya Imbodi Yakala

²⁹ kanji muyuda, muyuda muntima na kukumuligwa ni kwamuntima kwaindila ya Imumu i shaandikígwe. Litumbyangidyo lyake nae halinaalakela shinu kwavanu kanji kumwe Nnungu.

Valoma 2:29 ပူးပေါင်းရင်းမြစ်များ

Lukashi 11:39

Kanji Umu kushidoni, “Mwenu mmapalishayo muukanga diwene na midamu panda gweka kanji nkati mo mundyumbalanga kushonda na ukalau.

Lukashi 17:21

na ata hamwalota doni, ‘Au apa,’ kwali, ‘Aulá,’ mwaa wo utawala wa Nnungu wo, upali po pakati penu apa.”

Nshuwau 12:43

Vovo vo, lishindavanagwela lishangelo lyakwalakela kwavanu kuliko lishangelo lyakwalakela kwa Nnungu.

Nshuwau 4:23

Kanji napane unkuwika wakati na wakati wene wo uwikile wavalota vakulipudya vaiu kulipudya kumwe Tatamunu mwimumu na kwaumwiu. Ni vovo vavalambela Tatamunu valipudye kwake.

Nshuwau 5:44

Mwenu mulota kukulupila dashi ikava kenga munkuupana lishangelo shivenevene na lishangelo lyalakéla kwa Nnungu ávele jumo jojo, hamunalambela shinu?

Valoma 14:17

Mwaa utawala wa Nnungu haunava shinu shakulya kwali ugwalwa kanji ishaliya, amani na lipuwilo nkati mu Imumu Wanashwe.

Valoma 2:27

Aijá ákakumuligwe mumili kanji áigwilila lilamulo, andakuukumu wako úvenavo lilamulo lyandikígwe na shitendo shakukumuligwa kanji lilamulo lyo, upujungula.

Valoma 3:1

Napanelo muyuda ankuvanavo mana shani? Kwali kukumuligwa likumbi inkupagwa paida shani?

Valoma 7:6

Kanji napane vanditumya mulilamulo tùpadile kwa ashilá shíshitutenda kuva tuvatumwa pakulota tutumike kwainamuna yaambi ilangalalégwa na Imumu i kwainamuna yakala yalilamulo lyandikígwe.

I Vakolintu 4:5

Nadoni hamunaukumu wakati ukanava, do Umu akanava kwida. Nae andavika palangele vilipiídye mushii na kulyumilidya ngala makumbukililo ammitima. Bai apo kula munu andapata lutumbyango lwake kwa Nnungu.

I Vakolintu 7:19

Mwaa kukumuligwa likumbi hakuve mana na ungakumuligwa momo hauve mana kanji shivénavo mana ni kwigwilila malamulo ake Nnungu.

II Vakolintu 10:18

Mwaa hanakubalika munu álitumbudya jo mwene kanji akubalika aijá wantumbudya Umu.

II Vakolintu 3:6

Nae ni átupele lyululilo lyakuva wetu tuvatumika vaimbodi yaambi i imbodi yalutembo kanji ya Imumu mwaa lutembo lunkubyaa kanji Imumu ankwing'a shingumi.

Vapilipo 3:3

Mwaa wetu ni likumbi shii túlipudya kwa Imumu umwe Nnungu túlitumbyangidya nkati mumwe Klistu Yesu na túkakulupila vyamumili,

I Vateshalonika 2:4

kanji kenga mo mwatukubaligwidye na Nnungu kukulupiligwa ntenga wambone, ni momo mwatutangalela i pakulota tutadye ivanagwele vanu kanji innagwele Nnungu aijá álalyanga mitima vyetu.

I Patulu 3:4

leka apo, inimmaikila mulinemye mmitima vyenu kunema kúkatimbikanga nkati mwimumu yaupole na yakutulila ivénavo mana makumene namene kwaupande wake Nnungu.