Valoma 2:21 - Ibibiliya mu Shimakonde Imbodi Yaambi na dimbande dya Imbodi Yakala

²¹ Kushi napane wako úvapundisha vanji, me haulipundisha gwegwe umwene? Wako úvalanganga uleya kwiva, me unkwiva?

Valoma 2:21 ပူးပေါင်းရင်းမြစ်များ

Mateu 21:13

kutwala kuvaulila doni, “Vandyandika doni, ‘Ing'ande yangu indashamegwa ing'ande yakushwalidya,’ napane mwenu munditenda kuva shivava shavakwiva.”

Lukashi 11:46

Yesu kushidoni, “Mupambale namwenu mmamwalimu vadishaliya! Mwenu múvalamulila vanu valitike vyambumba víkaululika kulitika, mmene pamukadabunya ata padiki.

Lukashi 12:47

“Napanelo ntumika ámanyite malotelo anang'olo wake kanji aikala vila na pakatandedya vilotéka, vananshapa viboko vyoe namene.

Lukashi 19:22

Kanji nang'olo kushidoni, ‘Wako ni untumika wakubanga namene! Ndakuukumu kwodananavo avilá vyauvalangenge wako umwene. Namwiu, wako undímanya shana doni nangu ni nimunu wakudingadinga, walukwinnyango na ngunanang'ena pandikapandile.

Lukashi 4:23

Nae kushidoni, “Panikaambambidya mwenu mundatangola nkong'o uushidoni, ‘Nkúlaula alilaule mwene!’ Nadoni mundatangola, ‘Vinu uti vyatwigwenge, vyautandile ku Kapalanaumu napenu apa momo tandedya!’ ”

I Vakolintu 9:27

Kanji ninkuvyauvyanga mili wangu na kutenda wanavo kuva ntumwa wangu kwambangidya ling'oto lyakuvavalangangila vanu vanji ntenga, nene nimwene hangunaitigwe.

Vagalata 6:13

Ata vo vakumuligwa likumbi vo, havanaodedya shinu lilamulo ila vannota vankumule likumbi kwambangidya valishibangile kwa ashilá shivéle mumili mwenu.