Valoma 2:17 - Ibibiliya mu Shimakonde Imbodi Yaambi na dimbande dya Imbodi Yakala

¹⁷ Kushi wako úlishema kuva muyuda, únanapela mulilamulo na úlitamangila nkati mu Nnungu,

Valoma 2:17 ပူးပေါင်းရင်းမြစ်များ

Mateu 3:9

Hamunakumbukile kutangola vila muntima, ‘Tatagwetu wetu Abulaamu.’ Ninkumwaulila doni, lo majanga ala Nnungu ankuulula kundyuwidya Abulaamu vana.

Lukashi 10:28

Yesu kutwala kushidoni, “Undijang'ula shana. Tandedya vyovyo vyo, uname.”

Nshuwau 5:39

Mwenu munkulambela mumaandiko mwaa nkati mwake mo mwona doni mundivanavo shingumi shíkamalilika; lolo lo ankunguumidya nangu ushuda,

Nshuwau 5:45

“Hamunakumbukile kenga nangu nanshitaki kumwe Atata. Apali jumo ánshitaki mwenu, ni jo Musha kwamuvikile mwenu lilindilililo.

Nshuwau 7:19

Da mwenu Musha hampele Lilamulo? Pakati penu Lilamulo alyo, hapali ata jumo átandedya. Mwaa shani munkulota mungumalidye?”

Nshuwau 8:33

Vanavo vakanjang'ula kushidoni, “Wetu apa ni tuvanu tuvamuudukulu umwe Abulaamu. Mwiko hatunava kutandegwa tuvatumwa vamunu woewoe. Napanelo mwaa shani unkutangola doni, ‘Mundava mmamuunaiti’?”

Nshuwau 8:41

Mwenu mutenda vyatandile tatagwenu.” Kutwala vanavo kushidoni, “Hatunava shinu wetu tuvana vakuvaiva. Wetu tunkuvanavo Tatagwetu jumo, Nnungu.”

Valoma 2:23

Wako úlitamangila mulilamulo, paupujungula lilamulo po, unkunnyambiyanga Nnungu.

Valoma 3:27

Napane shakwashi shakulota kulitamangila? Hashipali! Kwalilamulo shani? Lilamulo lyashimadengo? Mene kanji kwalilamulo lyakukulupila.

Valoma 9:32

Mwaa wanyamani? Mwaa havashoodedya kwalikulupililo kanji vashoodedya kenga paikavéle kwashimadengo. Vanavo vandilikuvala mulijanga lyakulikuvala.

II Vakolintu 11:22

Da vanavo vo, vabalaniya? Nanangu momo. Vanavo vo, vanaishilaeli? Nanangu momo. Vanavo vo, udukulu umwe Abulaamu? Nanangu momo.

Vagalata 2:15

Wetu túvele tuvayuda kwashivalakwelo i vakutega vavamidi,

Vaepeshu 2:11

Napavedoni mwenu kumbukila doni, mwemwe mwe muvéle mmamidi kwamili, múshishamegwa mmashungu kwa avalá vashamégwa vakukumuligwa, shinu shavatenda mumili na makono,

Maono 2:9

“ ‘Nangu ndimanya mauvilo ako na ungave-pashinu wako kanji wako po, untajili. Namomo mwavamwabalangila mwenu avalá valivíka kuva vayuda vakavele, kumbe ni shitala shakulipudidya shimwe Shatwani.

Maono 3:1

“Njelo waliganisha lya ku Shalideshi mwandikile, ‘Ala ni malove amwe aijá ávenavo dimumu saba dya Nnungu na dinondo saba: “ ‘Ndimanya vitendo vyako, wako unkuvanavo shimbili shakuva umumi, kumbe undipela.

Maono 3:9

Laledya shangulota kuvatenda avalá vamushitala shakulipudidya shimwe Shatwani, vo valivíka kuva vayuda kumbe vakavele vayuda vàvele vakushang'apa. Mwiu ndavatadya valipudye mmadodo mwako na vamanye do, nangu ndikunagwaledya.