Valoma 16:7 - Ibibiliya mu Shimakonde Imbodi Yaambi na dimbande dya Imbodi Yakala

⁷ Mupe nandele Andoloniku pamo namu Yuniya vakwetu na vavangu nkati mukungwa, vanu vamanyíke namene pakati pavamyombe na vanavo vatandi kupagwa nkati mumwe Klistu nangu nikanava.

Valoma 16:7 ပူးပေါင်းရင်းမြစ်များ

Nshuwau 14:20

Muliduva alyo mwenu mundamanya kenga nkati mumwe Atata ngupali nangu, nkati mwangu mwenu mupali na nkati mwenu, ngupali nangu.

Nshuwau 15:2

Kula lutavi lúkapa vyepo nkati mwangu nae andausha na kula lutavi lúpa vyepo, andapangulangila pakulota lupe namene.

Nshuwau 6:56

Aijá ámamena mili wangu na kukumbila myadi vyangu, ajo ankunama nkati mwangu na nangu kunama nkati mwake.

Valoma 16:10

Mupe nandele Apeleshi munu ákubaligwidye nkati mumwe Klistu. Vape nandele valikola limwe Alishitobulu.

Valoma 16:11

Mupe nandele nkwetu Elodiyau. Vape nandele valikola limwe Nalishishu vavéle nkati mumwe Umu.

Valoma 16:21

Timoti mmádengomwangu ankuntumidya nandele, namomo Lushiu, Yashoni namu Shoshipatulu valikola lyangu.

Valoma 16:3

Mupe nandele Pilishila pamo namu Akila vamadengomwangu nkati mumwe Klistu Yesu.

Valoma 16:6

Mupe nandele Maliya ákadile namene madengo kwamwaa wenu.

Valoma 16:8

Mupe nandele Ampiliyatu wakunagwaleka wangu nkati mumwe Umu.

Valoma 16:9

Mupe nandele Ulubanu mmádengomwetu nkati mumwe Klistu, namomo wakunagwaleka wangu Eshitakiyashi.

Valoma 8:1

Napavedoni ambi apa hakupali kuukumigwa kwa avalá vavéle nkati mumwe Klistu Yesu

Valoma 8:11

Na ikava kenga Imumu umwe aijá ándyuwidye Yesu pakati pavakupela ankupagwa nkati mwenu, jo ándyuwidye Klistu pakati pavakupela andaing'a momo shingumi mili vyenu vyakupela kwaindila ya Imumu wake ápagwa nkati mwenu.

Valoma 9:3

Mwaa ndikandilota ata nene nimwene ngupate dilana na ngwapukanangenavo Klistu kwamwaa wavanung'unumunu vàvele vakwetu kwashimunu.

I Vakolintu 1:30

Ni kwamwaa wake nae shitádya mwenu mupagwe nkati mumwe Klistu aijá áukile ndava kwetu wetu limanyilo lyalakéla kumwe Nnungu, ishaliya, kwilimyanga na kwambolegwa

II Vakolintu 11:23

Da vanavo vo, vatumika vamwe Klistu? Nangu po ndimamodya, ngutangola kenga nimunu wakudulumbuka, mushimadengo shoe, mukungwa myanda vyoe, mukushapigwa viboko myanda vyoe, muvijoidyo vyakulota kupela myanda vyoe.

II Vakolintu 12:2

Nimmanya munu nkati mumwe Klistu, vyaka kumi na nsheshe vipitíle kunyuma, andítanduligwa mpaka kuwa kwantatu, kwali aukile na mili kwali haukile na mili hangumanyite, ámanya ni Nnungu.

II Vakolintu 5:17

Napavedoni, ikava kenga munu ankupagwa nkati mumwe Klistu, ajo ni shiumbi shaambi. Vyakala vindipita. Mwenu, viidilé vyaambi.

II Vakolintu 5:21

Aijá ákamanyite lidambi anintadya kuva lidambi kwamwaa wetu wetu kwambangidya tuvalangiligwe kuva ishaliya yake Nnungu nkati mwake.

Vagalata 1:22

Nangu muwakati awo hangushimanyika mumaganisha a ku Yudeya avéle nkati mumwe Klistu.

Vagalata 2:2

Kwanavo nguukile kwamwaa wamaono kutwala kuvaigwiniya ntenga wambone wanguvalanganga kwavamidi, ndíikanavo kanji kwagweka avalá váshaaneka kuva vakuvaikila ngwambambidya nakapanji ninkutumbama kwali nditumbama yamonyo.

Vagalata 2:6

Napanelo avalá váshaaneka kuva vakuvaikila, shavavéle sho, kwangu nangu hashinava shinu mwaa Nnungu hanatanana kuvailanga kwamunu na vovo vo, hashipali shavangujanjadidye.

Vagalata 5:6

Mwaa nkati mumwe Klistu Yesu, kukumuligwa likumbi kwali mene, hakuve mana ila livé na mana ni likulupililo lililódya mulinagwaledyo.

Vagalata 6:15

Kukumuligwa likumbi kwali mene hakunapagwa mana. Shamana ni kuva shiumbi shaambi.

Vaepeshu 2:10

Mwaa wetu ni viumbi vyake Nnungu túkandyangigwe nkati mumwe Klistu Yesu kwavitendo vyambone vyapanganienge tangu kala wetu tuname muvyanavo.

Vakoloshu 4:10

Alishitaliku nkúngwamwangu nae ankuntumidya mwenu nandele; namomo Malukushi binamu wake Balinaba. Ing'ano imwe Malukushi, mwenu mundipata malailililo; paida po, mpwashalele.

Pilemoni 1:23

Epapalashi nkúngwamwangu nkati mumwe Klistu Yesu ankuntumidya nandele.

I Nshuwau 4:13

Amu ni mwatumanyila kenga tunkupagwa nkati mwake na nae nkati mwetu mwaa anditupa Imumu wake.

I Nshuwau 5:20

Namomo tundimanya kenga Mwana wa Nnungu andida na anditwing'a limanyilo kwambangidya tummanye aijá Waumwiu. Na wetu tunkupagwa nkati mumwe aijá Waumwiu kwaindila ya Mwanamunu, Yesu Klistu. Aju ni Nnungu Waumwiu na shingumi shíkamalilika.

Maono 1:9

Nangu Nshuwau ninung'unumunu na ninjenu ngúpagwa pamo namu mwenu mumauvilo, muutawala na mukunanopa nkati mumwe Yesu. Ndípagwa pashitingi shavashema Patimu kwamwaa walilove lya Nnungu na ushuda umwe Yesu.