Valoma 15:5 - Ibibiliya mu Shimakonde Imbodi Yaambi na dimbande dya Imbodi Yakala

⁵ Napane Nnungu jo áing'a kulipililila na kupambadyanga, antadye mukumbukile shinu shosho pakati penu kwodananavo amulá mumwe Klistu Yesu

Valoma 15:5 ပူးပေါင်းရင်းမြစ်များ

Vitendo 4:32

Napanelo imbumba ya avalá váshikulupila, ntima wavo uvele umo wowo; hapali munu ashona kenga ashilá shavenavo shàke mwene gweka kanji kula shinu shishiva shaupamo.

Valoma 12:16

Kumbukilanila mumo momo. Hamunalyone kanji ava tayali kulyunganianga namu avalá vailudyangíka. Hamunalyone mwemwe mmene kuva mmalimanyilo.

Valoma 15:13

Napane Nnungu walilindilililo amuumbadye lipuwilo uti pamo na amani nkati mukukulupila pakulota kwaindila yadimongo dya Imumu Wanashwe, muumbaligwe na lilindilililo.

Valoma 15:3

Mwaa ata Klistu halinnagwaladidye jo mwene kanji kenga indyandikigwa, “Kutukana kwa avalá vantukána mwenu, kuningugwilila nangu.”

I Vakolintu 1:10

Mmanung'unumunu, palina limwe Umu Yesu Klistu ninkunnaililila mwenu uti mwigwane na hakunapagwe kwapukananga pakati penu kanji ava mmakuungana nkati muding'anong'ano dimo dyodyo na mumakumbukililo amo lolo.

II Vakolintu 13:11

Kumwisho akuno mmanung'unumunu puwanga, dyuwangika, avanavo ntima shii, kumbukilila momo, nama kwaamani na Nnungu walinagwaledyo na waamani andapagwa namu mwenu.

II Vakolintu 7:6

Kanji napane Nnungu ávapambadyanga vakwanalegwa, anditupambadyanga wetu kwaindila yakuwika Titu,

Vaepeshu 5:2

na nama mulinagwaledyo kenga Klistu anditunagwaledya kutwala kulyumya jo mwene yetu wetu kuva inudyo na shadaka shinung'angíla kwa Nnungu.

Vapilipo 1:27

Shikumene nama muvaikidíle ntenga wambone umwe Klistu pakulota ndikaida nannola kwali ndikanaida, ngwigwe kwenu mwenu kenga munkunanopa mu Imumu jumo, kwaunapamo mulikanyalidya kwamakumbukililo amo lolo kwamwaa walikulupililo lyantenga wambone

Vapilipo 2:2

bai tadya lipuwilo lyangu liwikile popo, mupagwa mumakumbukililo lolo, muvanavo linagwaledyo lyolyo, muvanavo upamo, mukumbukila shinu shimo tu.

Vapilipo 3:16

Napane ashilá shatuulwile, shosho sho twode.

Vapilipo 4:2

Napanelo shandivajugwangila Evodiya namu Shintike ni shinu shimo shosho, vaigwanie nkati mumwe Umu.

I Patulu 3:20

dyo díkashiigwilila muwakati wakala Nnungu pashilindila kwaupole mumaduva amwe Noe paishikandyangigwa ingalava. Mwanavo ni vanu padyoko tu vapukíle mmedi, vanu avo vavele nane.

I Patulu 3:8

Kumwisho akuno ninkushidoni, avanavo makumbukililo amulolo, ava mmashididi, nagwaladyania shinung'unumunu, ava mmanu mmakutanana na mmakulishapeya.

II Patulu 3:15

Mmakumbukililo enu muvalangilila doni, upole umwe Umu wetu unkwidanavo kwambola. Namomo nung'unumunu wakunagwaleka Paulu animwandikila mwenu vyovyo kwodanavo limanyilo lyapatile,

II Patulu 3:9

Umu hanatimatimanga shinu kutandedya kulivikila kwake kenga mwavaanela vanji kutima. Leka apo, nae mpole kwenu mwenu pakalota ata munu jumo kujaika kanji uti vakawikile mukulijugulanga madambi ave.