Valoma 15:3 - Ibibiliya mu Shimakonde Imbodi Yaambi na dimbande dya Imbodi Yakala

³ Mwaa ata Klistu halinnagwaladidye jo mwene kanji kenga indyandikigwa, “Kutukana kwa avalá vantukána mwenu, kuningugwilila nangu.”

Valoma 15:3 ပူးပေါင်းရင်းမြစ်များ

Mateu 10:25

Nkwóda akava kenga mwalimu wake panditosha na ntumika akava kenga nang'olo wake panditosha. Napanelo ikava kenga tatamunu wapaing'ande vaninshema kuva Beelishebuli, kushi avalá valikola vapaing'ande pake i nimpomo?

Mateu 26:39

Nae akauka mushu padyoko kugwa ing'ope kutindya pai kutwala kushwali aashidoni, “Atata, ikaululika nyemya pamili pangu luwene alu ila haunatende mwangulatela nangu, tenda mwaulatela wako umwene.”

Mateu 26:42

Nae akauka kavili mwanda wambili kutwala kushwali aashidoni, “Atata, ikava kenga hayululika luwene alu kunyema bila kukumbila nangu, bai ive mo mwaulatela wako umwene.”

Mateu 27:44

Nimumo momo vakwiva avalá vavakamadíle pamo namu nae navanavo vashinanniulanga.

Nshuwau 15:10

Mwenu mukaigwilila malamulo angu mundapagwa mulinagwaledyo lyangu kenga nangu malamulo amwe Atata ndiigwililila na ninkupagwa mulinagwaledyo lyake.

Nshuwau 15:24

Leka ndikatandile vinu vyakanava kutenda munu woewoe pakati pave, vakanavenavo madambi. Kanji napane vanavo vandyona kutwala kunguvangedya nangu namomo kummangedya Atata.

Nshuwau 4:34

Yesu kuvaulila doni, “Shakulya shangu ni kutandedya malotelo ake aijá ángutumididye na kulinganianga shimadengo shake.

Nshuwau 5:30

“Nangu hangunaulula kutenda shinu shoeshoe shakubuni nene nimwene. Mwangwigwidya nangu ni mwanguukumila na kuukumu kwangu kunkuvanavo shaliya mwaa hangunatenda shinu mwangulatela nimwene ila ninkutenda mwalatela aijá ángutumididye.

Nshuwau 6:38

Nidoni, ngwaleké kuwa i kwida ndatandedya malotelo angu ila ngwidilé ndatandedya malotelo ake aijá ángutumididye.

Nshuwau 8:29

Aijá ángutumididye ankupagwa pamo namu nangu. Nae hananguleka shinu gweka mwaa avilá vinnagwéla, ngwengwe ninkutandedya.”

II Vakolintu 8:9

Mwaa mwenu mundimanya umonyo umwe Umu wetu Yesu Klistu doni, àvele avi ntajili kwakunnagwaledya mwenu nae andilitenda kuva ákave pashinu kwambangidya kwaindila yaungave-pashinu wake, antadye mwenu muke mukave mmatajili.

Vapilipo 2:5

Pakati penu, avanavo ding'anong'ano adi, dyo dipagwíte momo nkati mumwe Klistu Yesu,

Vapilipo 2:8

andílishapeya ava wakwigwilila mpaka kupela, ata kupela panshalaba.