Valoma 15:16 - Ibibiliya mu Shimakonde Imbodi Yaambi na dimbande dya Imbodi Yakala

¹⁶ wakuva nintumika umwe Yesu Klistu kwavamidi mukutumika ntenga wambone wa Nnungu muunashilangola wakupalakedya shadaka kwambangidya vamidi vatandegwe kuva shadaka shinnagwéla Nnungu, shadaka shitandégwe kuva shakwilimyanga kwa Imumu Wanashwe.

Valoma 15:16 ပူးပေါင်းရင်းမြစ်များ

Vitendo 13:2

Muliduva limo vakwoda uti valipudya kumwe Umu na vàvele mukunga, Imumu Wanashwe andívaulila kushidoni, “Mwapule Balinaba namu Saulu vauke vakakole madengo anivashamadile.”

Vitendo 20:24

Kanji navalangilila shinu shingumi shangu kuva shinu shamana kwangu nene nimwene pakulota ngudududile shitamba shangu na utumika wangukamudidye Umu Yesu yakutaa ushuda ntenga wambone waumonyo wake Nnungu.

Vitendo 20:32

“Napanelo nangu ninkunkamudya kwa Nnungu na kwalilove lyaumonyo wake lyulúla kunkulumuwa na kumupa maleko pakati pa avalá vailimyangígwa.

Vitendo 22:21

Kanji Umu kushidoni, ‘Wako uma mwaa nangu ngulota kukutumidya kushu namene kwavamidi.’ ”

Vitendo 9:15

Umu kutwala kushidoni, “Wena! Mwaa munu ajo ni shombo shangu shakutandalegwa pakulota aumaniange lina lyangu kwavamidi, kwavaumu, kwavanaishilaeli na

Valoma 1:1

Paulu, ntumwa umwe Klistu Yesu áshamagwidye ave myombe na áapuligwidye kwantenga wambone wake Nnungu,

Valoma 11:13

Napane ngutangola namu mwenu mmamidi. Doni, pakuva nangu ni myombe wavamidi ninkutumbudya utumika wangu ngwing'a lishangelo

Valoma 15:18

Mwenu, hangunalyalaveka shinu kutangola shoeshoe pashikava ashilá shatandile Klistu Yesu kwaindila yangu yakuvaidanavo vamidi mukwigwilila; kwalilove na kwashimadengo,

Valoma 15:19

kwadimongo dyavimanyikilo na vyakutikinikanga, kwadimongo dya Imumu wa Nnungu. Nadoni kwangu nangu apa, kutunduvangila pa Yelusalemu na indila uti mpaka ku Ililiku ndivalanganga ngala ntenga wambone umwe Klistu.

Valoma 15:20

Doni, shabaa yangu ni kuvalanganga ntenga wambone apalá pavakanava kwigwa lina limwe Klistu kwambangidya dashi, hangunadenge pashanya shitunduvangilo shamunu junji

Valoma 15:29

Ninkumanya kenga pangulota kwida kwenu ndaida nguumbaligwidye kwalaligwa kumwe Klistu.

Valoma 5:5

Mwenu, lilindilililo halinatutaa dyoni pakuva linagwaledyo lyake Nnungu lindimiminiligwa mmitima vyetu kwaindila ya Imumu Wanashwe wavatupele.

I Vakolintu 3:5

Da Apolu ni nyani? Paulu ni nyani? Vanavo ni vatumika tu; kwaindila yavanavo mwenu mundikulupila kwakwodananavo shimadengo shampele Umu kula munu.

I Vakolintu 4:1

Nadoni amu ni muvaikidíle munu atuvalangilile: atuvalangilile kenga tuvatumika vamwe Klistu na wavatukamudidye vipii vyake Nnungu.

I Vakolintu 6:19

Kwali, da hamunamanya shinu kenga mili vyenu mwenu ni ing'ande yake Imumu Wanashwe ánama nkati mwenu wamumpatile mwenu kumwe Nnungu? Mwenu hamunava shinu mwemwe mmene

II Vakolintu 11:23

Da vanavo vo, vatumika vamwe Klistu? Nangu po ndimamodya, ngutangola kenga nimunu wakudulumbuka, mushimadengo shoe, mukungwa myanda vyoe, mukushapigwa viboko myanda vyoe, muvijoidyo vyakulota kupela myanda vyoe.

II Vakolintu 5:20

Napavedoni wetu ni mabaloshi vamwe Klistu; Nnungu alaililila kwaindila yetu wetu. Tunkunjugwangila kwamwaa umwe Klistu, mwigwane namu Nnungu.

II Vakolintu 8:5

Namomo havatandile gweka vyatushilindila wetu kanji shitandi vandilyumya vo vene kumwe Umu kutwala kulyumya kwetu wetu kwamalotelo ake Nnungu.

Vagalata 3:5

Nnungu pampele Imumu na kutandedya vyadimongo pakati penu, da ni kwakwodedya lilamulo kwali kwalikulupililo kwa avilá vyamwigwite?

Vaepeshu 2:18

doni, kwaindila yake nae wetu tuvavili tunkuulula kumuukila Atata nkati mu Imumu jumo.

Vaepeshu 2:22

Namwenu momo nkati mwake munkudangegwa pamo pakulota muve lyutu lya Nnungu kwaindila ya Imumu wake.

Vaepeshu 5:2

na nama mulinagwaledyo kenga Klistu anditunagwaledya kutwala kulyumya jo mwene yetu wetu kuva inudyo na shadaka shinung'angíla kwa Nnungu.

Vapilipo 2:17

Ata ikava kenga vankungumimina pashanya shadaka na mukutumika muukulangalalela-shadaka kwalikulupililo lyenu, ninkupuwanga na ninkupuwanga pamo namu mwenu.

Vapilipo 4:18

Nangu ndivanavo uti na ndyumbala. Ndilinganana pangupatile kumwe Epapoloditu avilá vyaléke kwenu; avyo ni kunung'angila kwambone, shadaka shakukubalika shinnagwéla Nnungu.

I Vateshalonika 2:2

Ata ikava kenga tundyúvauvanga na kutananigwa kunyata akulá ku Pilipo mo mwamumanyilile shana, tundívanavo ntima shii nkati mumwe Nnungu wetu wakummalangangila ntenga wambone wa Nnungu nkati mukupingigwa kwoe.

I Vateshalonika 2:9

Takumbukila shana mmanung'unumunu shimadengo shetu shakupwateka na kulikanyalidya kwetu shilo na mui pakulota hatunave ligogo kwamunu woewoe patushimmalangangila ntenga wambone wa Nnungu.

I Vateshalonika 5:23

Napanelo jo mwene Nnungu waamani anjaluwangidye uti mukwilimyanga na imumu yenu, ungumi wenu na mili vyenu uti vikondyegwe pavikavanavo makosha mukwida kumwe Umu wetu Yesu Klistu.

I Timoti 1:11

mapundisho lo aodánanavo ntenga wambone walishangelo lyake Nnungu wakutumbyangilika, ntenga wowo wangukulupilike nangu.

I Timoti 2:7

Kwamwaa au ndyuka ndapangigwa nguve nkúvalanganga-lilove na myombe, ngutangola mwiu hangunashang'apa shinu, mwalimu wavamidi nkati mulikulupililo na muumwiu.

II Timoti 1:11

ntenga wowo wangutandalagwidye nangu kuva nkúvalanganga, myombe na mwalimu.

Vabalaniya 13:16

Hamunalivalive kutandedya wambone na yakumajananga na vanji avilá vyamuvenavo mwaa kwavyadaka kenga avi, Nnungu inkunnagwela.

I Patulu 1:12

Kwavanavo, indyunukuligwa kenga vashindatumika i kwapaida yavo vo vene ila yenu mwenu kwamwaa wavinu vyamulipundishidye kwa avalá vavalangénge ntenga wambone kwaindila ya Imumu Wanashwe átumigwe kwalakela kuwa. Mwe, ata mpaka vo vanjelo vankuvanavo mweshe namene wakupandalela vinu avyo.

I Patulu 2:5

namwenu momo kenga majanga mangumi, munkudangegwa ing'ande yaimumu pakulota muve unashilangola wakwilimyanga wakupalakedya shadaka kwambangidya mumye shadaka shaimumu shikubalíka namu Nnungu kwaindila imwe Yesu Klistu.