Valoma 14:2 - Ibibiliya mu Shimakonde Imbodi Yaambi na dimbande dya Imbodi Yakala

² Junji ankukulupila kenga vinu uti vinkuululika kulyeka kanji junji wakudabadabanga, hanamamena inyama.

Valoma 14:2 ပူးပေါင်းရင်းမြစ်များ

Valoma 14:1

Mwenu, aijá wakudabadabanga mulikulupililo mpwashalele kanji i kwakulota kutaukananganavo kwamwaa wamaoni.

Valoma 14:14

Nangu ndimanya na ninkuvanavo wakika nkati mumwe Umu Yesu doni, hashipali shakulya shiliténda sho shene kuva shishapu paikavele aijá ávalangila kuva shishapu kwake nae ko, shishapu.

Valoma 14:20

Haunabamole shimadengo shake Nnungu kwamwaa washakulya. Kwaupande unji kula shakulya hashive ushapu kanji kwaupande unji inkunyata munu akantadya junji kulikuvala kwa ashilá shálya.

Valoma 15:1

Napanelo wetu tuvakunanopa po indituvaikila tulipililile kudabadabanga kwa avalá vákananopa na i pakulota itunagwele wewe tuvene.

I Vakolintu 10:25

Alya uti avilá vyavashumidya pashakoni bila kuudyangidya kwamwaa wamakumbukililo amuntima

I Vakolintu 8:9

Kanji napane lilaledye pakulota aki yenu hainauke ndava lijanga lyakulikuvala kwa avalá vakudabadabanga.

I Vakolintu 9:22

Kwavakudabadabanga nangu nguukilé ndava nkúdabadabanga kwambangidya ndivapate vakudabadabanga. Nguukilé ndava uti kwavanu uti kwambangidya kwadindila dyoedyoe ndivaambole vanji.

Vagalata 2:12

Mwaa vanu vanji vakwalakela kumwe Tiyagu vakanava kuwika, nae ashindalya na vamidi. Napane pavawikile vanavo, Kepashi andílyapula kutwala kulyumadyanga avajopa avalá váshishililidya likumbi.

I Timoti 4:4

Mwaa kula shinu shakandyenge Nnungu shàmbone na hashipali shivaikidíle shiitigwe shikava kenga shindapwashalalegwa kwalilambwalalelo

Titu 1:15

Kwa avalá vákave udagwa, uti havive udagwa kanji kwa avalá vadagwa na vákakulupila, hashipali shíkave udagwa; ata ding'anong'ano dyave kwali makumbukililo ave amuntima, uti andyambukishigwa.

Vabalaniya 13:9

Hamunaleke mutwaligwa mumapundisho oeoe ashijeni mwaa shambone mitima vyetu kunonowangika muumonyo i kwavyakulya víkavaalalidye avalá vaalíle.

Vabalaniya 9:10

vyovyo vyo, vishamba vyakulya, vyakukumbila na mwakunavangila medi; malailililo ala mwakushungila mili andipagwa mpaka muwakati waupangaji waambi.