Valoma 14:18 - Ibibiliya mu Shimakonde Imbodi Yaambi na dimbande dya Imbodi Yakala

¹⁸ Aijá ántumika doni Klistu, anánagwaleka namu Nnungu na kukubaligwa kwavanu.

Valoma 14:18 ပူးပေါင်းရင်းမြစ်များ

Malukushi 13:34

Inkulinganana na munu ávenavo mwanda. Panauma pang'ande pake avapele madalaka vatumika vake kula munu na madengo ake anánnamulila nkúshunga-nnango ave mevo.

Nshuwau 12:26

Aijá ángutumika, inimmaikila angwode. Pangulota kupagwa nangu, ntumika wangu momo andapagwa popo. Munu akangutumika, Atata andamupa ishima.

Vitendo 10:35

kanji muvenentete uti woewoe ánjopa Nnungu na kutandedya ishaliya, ajo ankukubaligwa namu nae.

Valoma 12:11

Mwidukuduku, hamunadidimange. Mu Imumu, jaulila. Umu, ntumike.

Valoma 14:4

Da wako unyani wakumuukumu ntumika wamunu junji? Avi amanya jo mwene nang'olo wake ikava kenga andaimila kwali andagwa. Nae andaimila mwaa Umu ankuulula kuntadya aimile.

Valoma 16:18

Mwaa vanu kenga ava havanantumika shinu Klistu Umu wetu kanji vatumika vitumbo vyave. Kwamalove ave akuutila na lutumbyango, vankuduwanga mitima vyavanu vákajavanianga.

Valoma 6:22

Kanji napane mwenu múukile ndaombolegwa mulidambi na kutandegwa mmatumwa vake Nnungu, vyepo vyamupata vyo vinkumuukanavo kukwilimyanga na kumwisho kwake ko, shingumi shíkamalilika.

I Vakolintu 7:22

Doni, aijá áshamegwa namu Umu àvele ntumwa, nae wamuunaiti umwe Umu. Nimumo momo aijá áshamagwidye àvele muunaiti, nae ntumwa umwe Klistu.

II Vakolintu 4:2

Leka apo, tundita uti vyashipii na vyadyoni patukanama muvyaushwang'a kwali patukaashadyanga lilove lyake Nnungu kanji kwaindila yakuvalanganga ngala umwiu, tunkulitumbyanga mmakumbukililo amuntima vyavanu uti pamevo pake Nnungu.

II Vakolintu 5:11

Napavedoni pakuva tundimanya kunjopa Umu, tunkuvashomba vanu. Shatuvele sho, shinkumanyika na Nnungu; ninkulindila kenga shinkumanyika momo mmakumbukililo enu amuntima.

II Vakolintu 5:9

Nadoni ata ikava kenga tuvelé nng'ande kwali panda, shabaa yetu ni kulota innagwele Umu.

II Vakolintu 6:4

Leka apo, nkati muvinu uti tunkulilodya kenga tuvatumika vake Nnungu, nkati mukulipililila kwoe, mumauvilo, muwou, muvyakujowa,

II Vakolintu 8:21

Mwaa tunkwangaikangila ashilá shashalowa i gweka pamevo pamwe Umu kanji namomo pamevo pavanu.

Vapilipo 4:18

Nangu ndivanavo uti na ndyumbala. Ndilinganana pangupatile kumwe Epapoloditu avilá vyaléke kwenu; avyo ni kunung'angila kwambone, shadaka shakukubalika shinnagwéla Nnungu.

Vapilipo 4:8

Kumwisho akune mmanung'unumunu, vyoevyoe uti vyaumwiu, vyoevyoe vyaishima, vyoevyoe vyaishaliya, vyoevyoe víkave ushapu, vyoevyoe vyakwalala, vyoevyoe vyashimbili na ikava kenga vipali vivaikidíle kutumbyanga, vinu avyo vikila kuntima.

Vakoloshu 3:24

mumanya doni, mundapata alalá maleko kumwe Umu kenga dinudyo dyenu. Ni Umu Klistu wamuntumika;

I Timoti 2:3

Ashi ni shinu shambone na shakunagwaleka pamevo pake Nnungu Mwamboli wetu

I Timoti 5:4

Kanji ikava kenga namwili ankuvanavo vana kwali udukulu, vanavo shitandi valipundishe kulodya kunjopa Nnungu kwavapaing'ande pave vo vene vavaujidya inudyo kwavatatamunu, amu ni munnagwéla Nnungu.

I Patulu 2:12

Shinamidyo shenu shive shashalowa pakati pavamidi; nadoni ata vakantambudyanga kutenda vyakunyata, pavalota kwona vitendo vyenu vyashalowa, vanavo vandamupa lishangelo Nnungu muliduva lyalota kulilodya.

I Patulu 2:20

Da inkupagwa paida shani pamutega kutwala kulipililila kukanyalegwa? Kanji ikava kenga mwenu munkulipililila muvauvanga mukutandedya wambone, shitendo ashi ni shakutumbyangilika pamevo pake Nnungu.

I Patulu 2:5

namwenu momo kenga majanga mangumi, munkudangegwa ing'ande yaimumu pakulota muve unashilangola wakwilimyanga wakupalakedya shadaka kwambangidya mumye shadaka shaimumu shikubalíka namu Nnungu kwaindila imwe Yesu Klistu.

I Patulu 3:16

Kanji tenda vinu avi kwaupole na kwaishima mushunga makumbukililo ambone amuntima kwambangidya dashi, avalá vantangóla mwenu kunyata kwamwaa washinamidyo shenu shambone shamupagwa nkati mumwe Klistu, vanavo vavenavo dyoni kwakuliula kwave.