Valoma 11:20 - Ibibiliya mu Shimakonde Imbodi Yaambi na dimbande dya Imbodi Yakala

²⁰ Mwiu. Dyanavo vandipanyulanga kwamwaa waungakulupila wave, napane wako unkupagwa kwaindila yalikulupililo. Nadoni haunalitumbyange kanji jopa.

Valoma 11:20 ပူးပေါင်းရင်းမြစ်များ

Lukashi 18:14

Ninkumwaulila doni, nkúkatisha-ukodi jo andyúja kuka kukaja Nnungu àmpele ishaliya kanji mpalishayo jo, ng'odo. Mwenu, munu álitumbudya, Nnungu anantaa dyoni kanji álijandya, Nnngu anantumbudya.”

Vitendo 18:6

Kanji vanavo vakampinge na vakamwabalange, Paulu andípumunanga dinguvo dyake kutwala kushidoni, “Myadi vyenu vipagwe pamuti penu! Nangu hanguve likosha kwenu mwenu. Kutunduvangila ambi apa, mwanda kwavamidi.”

Valoma 11:18

haunalyone kwadinavi adyo na ata ikapagwa yakulyona, manya doni, i mwenu mwángangalanga dinyija kanji ni dinyija dímwangangalanga mwenu.

Valoma 11:21

Mwaa ikava kenga Nnungu havikidile shitete dinavi dyene-dyene nawako momo hakuvikila shitete.

Valoma 12:16

Kumbukilanila mumo momo. Hamunalyone kanji ava tayali kulyunganianga namu avalá vailudyangíka. Hamunalyone mwemwe mmene kuva mmalimanyilo.

Valoma 12:3

Mwenu, kwaumonyo wangupatile ninkumwaulila kula munu pakati penu hanalikumbukile jo mwene kupunda amulá muvaikidíle alikumbukilile kanji nae alikumbukile kwabila kupundanianga kulinganananavo shipimo shalikulupililo shanjavidile Nnungu kula munu.

Valoma 3:3

Napanelo ilota kuva dashi ikava kenga vanji havakulupidíle? Da ungakulupila wave undatadya kuputanga kukulupilika kwake Nnungu?

I Vakolintu 10:12

Nadoni aijá áona kenga andinanopa, alilaledye kwambangidya hanagwe.

I Vakolintu 15:1

Napane ninkulota ninkumbuwange mmanung'unumunu ntenga wambone aulá wanimmalangangidile, wamupwashaladile, wo wamupagwa mwenu

I Vakolintu 16:13

Ava mevo, nanopa mulikulupililo, ava mmakulishiya na mmadimongo.

II Vakolintu 1:24

I do, tunkutawala likulupililo lyenu kanji tuvamadengomwenu kwalipuwilo lyenu mwaa kwalikulupililo, mundinanopa.

II Vakolintu 10:5

Tunkubamalanga makumbukililo na kulyona uti kulyumilídya apinga limanyilo lyake Nnungu na tunkuteka makumbukililo uti pakulota amwigwilile Klistu

Vapilipo 2:12

Nadoni mmakunagwaleka, kenga mo mwamungwigwilidile ngwengwe, ambi apa i do ngupagwité ako kanji kupunda namene pandikapagwite, tandedya kwambwalegwa kwenu mujopa na mutatamela

Vakoloshu 2:7

muvanavo dinyija na mùdangegwe nkati mwake, munanawangika mulikulupililo kenga mo mwavampundishididye na mùumbaligwidye kulambwalela.

II Vateshalonika 2:4

jo ápinga na álikwedya pashanya pavinu uti avilá vishamégwa kuva Nnungu kwali vinu vyakulipudidya kutadya mpaka kwikala mwing'ande ya Nnungu alivalanganga kuva Nnungu.

I Timoti 6:17

Kwavatajili vawakati au, valaililile havanalyone, havanavike lilindilililo lyave mumali ákakulupilika kanji vavike lilindilililo lyave kumwe Nnungu átupa uti kwabila kulakalela kwalipuwilo lyetu.

Vabalaniya 3:12

Lilaledye mmanung'unumunu, hanapagwe munu pakati penu wantima waukalau na waungakulupila untadya aapukananganavo Nnungu mumi.

Vabalaniya 3:19

Bai tunkwona ngala doni, havaulwile kwinjila kwamwaa waungakulupila.

Vabalaniya 4:11

Napavedoni, tulikanyalidye kwinjila mukupumula ako kwambangidya hanapagwe wakugwa aodedya mpano wowo waungaigwilila.

Vabalaniya 4:6

Napanelo pakuva lipali litala lyakwinjila vanji mukupumula kwake na pakuva avalá vavalangilígwe ntenga wambone kaladavo havainjidile kwamwaa waungaigwilila,

Tiyagu 2:19

Wako unkukulupila kenga ankupagwa Nnungu jumo? Unkutenda shana! Ata vo vandamoni vo, vankukulupila shinu asho na vankutatamela.

Tiyagu 4:6

Ila nae ankutuumbadya umonyo namene kenga mwatangalela Maandiko, “Nnungu ankuvapinga vakulyona kanji ankuvapa umonyo avalá valishapéya.”

I Patulu 1:17

Pakuva mwenu mundashwali muntambula Atata aijá áukumu kwabila kupambula kwakwodananavo vitendo vyakula munu, avanavo shinamidyo uti shakunjopa nae muwakati au wamuvele kenga mmakwaloka.

I Patulu 5:12

Kwalipwashalelo limwe Shilivanu aijá wanimwamini kuva nung'unumunu wakukulupilika, nangu ndimwandikila mwenu kwaungwipi ninjugwangila na ngumyaa ushuda kenga: au ni umonyo wiu wake Nnungu. Pagwa mukunanopa nkati muumonyo wake Nnungu.

I Patulu 5:9

Mpinge, nanopa nkati mulikulupililo lyenu mumanya doni, vanung'unumunumwenu mushilambo amu uti vankupata inamuna yamauvilo lolo.

Maono 18:7

Kwashipimo shosho shakuling'a lishangelo na kunama mushinamidyo shaditamaa, kwashipimo shosho mupe mauvilo na shipalodi. Muntima mwake nae aashidoni, ‘Ndiikala kenga umu nkongwe, hangunava shinu ninamwili, mwiko hangupata shinu shipalodi!’

Maono 3:17

Wako uushidoni, ‘Nangu nintajili, nditajilika doni na hashipali shingwova.’ Kumbe haunalimanya shinu kenga wako wakuvauvanga, útaa shididi, úkave pashinu, wakuputala na úve matakudavo.