Valoma 10:19 - Ibibiliya mu Shimakonde Imbodi Yaambi na dimbande dya Imbodi Yakala

¹⁹ Kanji kavili ninkudya, da vanaishilaeli havaigwite shana? Shitandi Musha atédoni, “Nantadya muvavikile liloko avalá vákave venentete, venentete vákave limanyilo, nantadya muvavikile shitundi.”

Valoma 10:19 ပူးပေါင်းရင်းမြစ်များ

Valoma 10:18

Kanji nangu ninkudya, da vanavo havaigwite? Elo, vandigwa. “Lidi lyave lindiigwinika mushilambo uti na malove ave mpaka kumwisho shilambo.”

Valoma 11:11

Napavedoni ninkudya, da vandilikuvala pakulota vajale? Ata padyoko vela! Leka apo, kwaindila yakupujungula kwave kwambolegwa kundivawikila vamidi kwambangidya ivatadye vanaishilaeli vavenavo liloko.

Valoma 11:14

pakulota dashi, kwadinamuna dyoedyoe nguvatadye liloko vakwetu kwambangidya ndivaambole vanji pakati pave.

Valoma 3:26

pakulota alodye ishaliya yake muwakati au na ave waishaliya namomo wakummalangilila ishaliya aijá ánkulupila Yesu.

I Vakolintu 1:12

Ninkutangola doni mwaa kula munu pakati penu ankushidoni, “Nangu umwe Paulu,” kwali “Nangu napane umwe Apolu,” kwali “Nangu napane umwe Kepashi,” kwali “Nangu napane umwe Klistu.”

I Vakolintu 10:19

Da ngulota kutangola nyamani? Da shadaka shavavaumididye vakushang'apa shinkuvanavo mana? Kwali nnungu wakushang'apa ankuvanavo mana?

I Vakolintu 11:22

Da hamuve ding'ande divaikidíle mulye na mukumbile? Kwali munkwiludyanga liganisha lya Nnungu na kuvataa dyoni avalá vákave pashinu? Da nimwaulile nyamani? Nangu nintumbyange? Mene, kwaing'ano ai ninantumbyanga shinu!

I Vakolintu 12:2

Mundimanya shana kenga pamukashimmanya Nnungu vandimwashadyanga kwavakushang'apa vabubu, mwavantwalidile mo hangumanyite.

I Vakolintu 15:50

Napanelo ninkushidoni mmanung'unumunu, mili na myadi havyulula kupata kenga maleko utawala wa Nnungu na ashilá shilambaléka hashuulula kupata ungalambaleka.

I Vakolintu 7:29

Shangulota kutangola mmanung'unumunu ni ashi; wakati undidadakanga. Nadoni kutunduvangila ambi apa, avalá valombíle, vaname kenga havalombile;

Titu 3:3

Mwaa ata nawetu kala po, tuvele tuvanu túkave ding'ano na túkaigwilila vatwashadyenge tuva tuvatumwa kwavinu vyakula inamuna na ditamaa, shingumi shetu tunama mushishimwashimwa na mwing'ou, tuvangadika na tuvangadyania.

I Patulu 2:10

Mwenu kala po, ata padyoko vela hamuvéle mmenentete kanji ambi apa mmenentete vake Nnungu; kala po hamushanaangiligwa shididi kanji napane mundyanangiligwa.