Valoma 10:12 - Ibibiliya mu Shimakonde Imbodi Yaambi na dimbande dya Imbodi Yakala

¹² Mwaa hakupali kuvilingananga pakati pavayuda na vamidi pakuva Umu jojo ni Umu wavanu uti avaalaliya uti avalá vantambulánga nae

Valoma 10:12 ပူးပေါင်းရင်းမြစ်များ

Vitendo 7:59

Shiteva akuno vamwamanga majanga, nae ashindakugwa aashidoni, “Umu Yesu pwashalela imumu yangu!”

Vitendo 9:14

Nae vanang'olo vavakulangalalela-shadaka vandimupa madalaka akwidila apa ndavakamula uti vatambulánga lina lyako.”

Valoma 14:9

Kwaing'ano ai, Klistu andipela na andidyuka kwambangidya dashi, nae ave Umu ata ikava kwavakupela kwali kwavangumi.

Valoma 15:12

Kutwala Ishaiya nanae ankushidoni, “Lundapandukanga lushija kumwe Yeshe, lwanavo lundatakatuka kuvatawala vamidi, kwalwanavo, vamidi vandavika lilindilililo lyave.”

Valoma 2:4

Kwali wona dashi, mali akutanana kwake, akulipililila na aupole, wako unkwiludyanga kwabila kumanya do, kutanana kwake Nnungu ni kukuukanavo mukulijugulanga?

Valoma 3:22

doni, ishaliya yake Nnungu kwaindila yakunkulupila Yesu Klistu kwa avalá uti vankulupíla nae. Hakupali kuvilingananga

I Vakolintu 1:2

Kwaliganisha lyake Nnungu lipágwa ako ku Kolintu, kwa avalá vatandagwídye kuva vakwilimyanga nkati mumwe Klistu Yesu na vashamagwídye vave vakwilimyanga pamo namu avalá mudisemu uti vatambulánga lina limwe Umu wetu Yesu Klistu, Umu wave na wetu.

I Vakolintu 15:47

Munu ntandi aalakadilé pai àvele ulongo; munu wambili nae aalakadilé kuwa.

II Vakolintu 8:9

Mwaa mwenu mundimanya umonyo umwe Umu wetu Yesu Klistu doni, àvele avi ntajili kwakunnagwaledya mwenu nae andilitenda kuva ákave pashinu kwambangidya kwaindila yaungave-pashinu wake, antadye mwenu muke mukave mmatajili.

Vagalata 3:28

Hapali muyuda na ata ngalegu, ntumwa na ata wamuunaiti, nnume kwali nkongwe mwaa uti mwenu ni munu jumo mumwe Klistu Yesu.

Vaepeshu 1:7

Nkati mwake tundivanavo kwambola kwaindila yamyadi vyake kùvele kulivalivigwa kwakupujungula kwodana na kuumbaligwa kwaumonyo wake Nnungu.

Vaepeshu 2:4

Napane Nnungu wakuumbaligwa shididi, kwalinagwaledyo lyake likumene lyatunagwaladidye,

Vaepeshu 2:7

kwambangidya muwakati wída, nae alodye umbala wamali aumonyo wake mulitananilo lyake kwetu wetu nkati mumwe Klistu Yesu.

Vaepeshu 3:16

pakulota kwautajili walishangelo lyake, antadye munanawangike na dimongo kwaindila yaimumu yake nkati muumunu wenu,

Vaepeshu 3:6

Shipii shene ni ashi: kwaindila yantenga wambone, vamidi ni vakupatamwagwe maleko, vaimbande yamumili umo na vanyagwe mukupagwa pamo muvyakulivikila nkati mumwe Klistu Yesu.

Vaepeshu 3:8

Ata ikava kenga nangu nindyoko-uti pakati pavakwilimyanga, vaningupa umonyo au wakuvavalangangila vamidi mali akwinjipika amwe Klistu

Vapilipo 2:11

na kula lulimi luvalangange kenga Yesu Klistu ni Umu kwalishangelo lya Nnungu Atata.

Vapilipo 4:19

Nnungu wangu andalinganianga uti avilá vyamulota kwautajili wavenavo mulishangelo nkati mumwe Klistu Yesu.

Vakoloshu 1:27

Kwavanavo, Nnungu andyamuwa avatadye vamanye ukumene shani wamali alishangelo lyashipii ashi pakati pavamidi; shipii asho ni Klistu nkati mwenu, lilindilililo lyalishangelo.

Vakoloshu 3:11

Apa hapali ngalegu kwali muyuda, wakukumuligwa likumbi kwali ákakumuligwe, mmidi kwali mushikita, ntumwa kwali wamuunaiti kanji Klistu ni uti na nkati muuti.

I Timoti 2:5

Mwaa ankupagwa Nnungu jumo na kupagwa nkúdumangila jumo pakati pamwe Nnungu na vanu: munu jo Klistu Yesu

Maono 17:14

Vandatandana ing'ondo namu Ngandolo kanji Ngandolo pamo namu avalá vavashamile, vavatandwele vàvele vo vakulupilíke, andavatema mwaa nae ni Nang'olo wavanang'olo, Umu wavaumu.”

Maono 19:16

Mwikanju yake na nshija mwake vandyandika lina ali, “Umu wavaumu, Nang'olo wavanang'olo.”