Valoma 1:28 - Ibibiliya mu Shimakonde Imbodi Yaambi na dimbande dya Imbodi Yakala

²⁸ Naivedoni pakuva vanavo havagwene mana yakummanya Nnungu, jo mwene Nnungu andivakamudya mumakumbukililo ave akunyata pakulota vatandedye ashilá shíkavaikidile kutenda.

Valoma 1:28 ပူးပေါင်းရင်းမြစ်များ

Vitendo 17:23

mwaa pangupitile ngudingukanga nkaja amu ngulalyanga vyakulipudidya vyenu ndikodya namomo alutali yavaandike doni, ‘Kwannungu Ákamanyika.’ Napane aijá wamulipudya kwabila kummanya ni jojo wanimmalanganga.

Vitendo 17:32

Napanelo vanavo pavamwigwite Paulu atangola ing'ano yakudyuka kwavakupela, vanji vandímwiludyanga kutwala vanji kushidoni, “Ing'ano ai tundakwigwilila kavili muwakati unji.”

Valoma 1:18

Mwaa doni apa, shitundi shake Nnungu shinkulilodya kutunduvangila kuwa shiidila ungave-Nnungu na ungave-shaliya wavanu vatitikidyánga umwiu kwaindila yakuvova ishaliya.

Valoma 1:21

Mwaa vàmmanyite avi Nnungu, havampele lishangelo kenga Nnungu na ata havannambwaladile kanji vanavo mmakumbukililo ave vandinyambikanga na mitima vyave vyaujinga vindyumbala shii.

Valoma 1:24

Napavedoni Nnungu andivakamudya muditamaa dyammitima vyave vatandedye ushapu wakutadyania dyoni mumili mwave

Valoma 1:26

Kwamwaa au, Nnungu avakamudidyé muditamaa dyave dyadyoni, ata mpaka vo vakongwe vave vo, vandibadilisha kutenda wendi muvaikidíle kwakutandela munji múkavaikidile.

I Vakolintu 15:34

Ujila kuding'anong'ano dyenu, nama kwaishaliya na leka kutega mwaa vanji havammanyite Nnungu ata padyoko vela. Ninkutangola avi kwadyoni dyenu.

II Vakolintu 10:5

Tunkubamalanga makumbukililo na kulyona uti kulyumilídya apinga limanyilo lyake Nnungu na tunkuteka makumbukililo uti pakulota amwigwilile Klistu

Vaepeshu 5:4

ata malove akunyata, aujinga na antau ákavaikidile kanji paikave davo po, kupagwe kulambwalela.

II Vateshalonika 1:8

mulilamba lyamoto avapa shaushanga avalá vákammanya Nnungu na vákaigwilila ntenga wambone umwe Umu wetu Yesu.

II Timoti 3:8

Kulingana kenga momo Yaneshi namu Yambaleshi vanímpinga Musha, namomo vanavo vankupinga umwiu; ni vanu vatimbikénge ding'ano dyave, vanu vákave mana kwalikulupililo.

Titu 1:16

Vanavo vankulivalanganga kummanya Nnungu kanji muvitendo vyave, vankumwita. Vovo vo ni vanu vakunyatilika, vákaigwilila na vákapai kwakula shimadengo shambone.

Pilemoni 1:8

Napavedoni, ata ikava kenga nangu ninkuvanavo ntima wakutosha nkati mumwe Klistu kulota kukulamulila wako utende ashilá shikuvaikidíle,

II Patulu 3:5

Kanji vanu avo vankulivaliva shinamadi kenga kuwa kundipagwa tangu kala na kwaindila yalilove lyake Nnungu shilambo shindikandyangigwa kwamedi na kwaindila yamedi.