Valoma 1:11 - Ibibiliya mu Shimakonde Imbodi Yaambi na dimbande dya Imbodi Yakala

¹¹ Ninkuvanavo mweshe wakwida nannola kwambangidya dashi nimwing'e shajo shoeshoe shaimumu pakulota shinnonowange.

Valoma 1:11 ပူးပေါင်းရင်းမြစ်များ

Vitendo 16:5

Nadoni maganisha ashindaliimiliyanga nkati mulikulupililo na vanu vashindauka mushu vaanjadyeka.

Vitendo 19:21

Ling'oto lyavinu avyo, Paulu alangalalegwa na Imumu Wanashwe andyámuwa kuka ku Yelusalemu apitila ku Makedoniya na ku Akaya aashidoni, “Panguwika ku Yelusalemu nikaikalanga, ininguvaikila momo nguke ndikawike ku Loma.”

Vitendo 19:6

Paulu akavavikile makono, andívashulukila Imumu Wanashwe na muwakati wowo vandítunduvanga kutangola dinangodi dyakutikinikanga na kulava.

Valoma 1:12

Doni ni pakulota tupambadyangigwe kwaindila yalikulupililo lyakula munu, lyenu mwenu pamo na lyangu nangu.

Valoma 15:23

Kanji pakuva hanguvenavo lyutu kavili mudisemu adi lyakukola madengo na kwoda myaka vyoe nguvanavo lilotelo lyakwida nannola,

Valoma 15:29

Ninkumanya kenga pangulota kwida kwenu ndaida nguumbaligwidye kwalaligwa kumwe Klistu.

Valoma 15:32

kwambangidya Nnungu akalota, ngwide ninnole na lipuwilo ngutwale ngupagwe namu mwenu ngupumula.

Valoma 16:25

Napane kwa aijá áulula kunnonowanga mwenu kwodananavo ntenga wambone wangu na kummalanganga kumwe Yesu Klistu kulingananavo kulilodya kwashipii she shilipiídye muwakati úkamalilika

II Vakolintu 1:15

Ngùvenavo wakika au, ngushindapanga shitandi ngwide ninnole pakulota mwenu mupate paida myanda mivili.

II Vakolintu 1:21

Mwenu, Nnungu ni átadya wetu pamo namu mwenu tunanope nkati mumwe Klistu. Nae ni átupakile,

II Vakolintu 11:4

Mwaa ikava kenga andaaloka munu junji nammalangangila mwenu Yesu junji watukammalangénge wetu, kwali ikava kenga mundapwashalela imumu inji yamukapwashaladíle, kwali ntenga wambone unji wamukapwashaladíle, mwenu uti avi munkulipililila shana!

II Vakolintu 9:14

Mukushwali kwave yenu mwenu vanavo vankuvanavo mweshe woe kwenu kwamwaa waumonyo wakupunda apo wampele mwenu Nnungu.

Vapilipo 1:8

Nnungu ni nshuda wangu wa amulá mwaninnatela mwenu uti kwalilotelo lyake Klistu Yesu.

Vapilipo 2:26

mwaa nae ankuvanavo mweshe kwenu mwenu na unindimba ntima pakuva mundigwa kenga nae nnwele.

Vapilipo 4:1

Napavedoni mmanung'unuvangu mwenu mmaninnagwaledya mwemwe wanguvenavo mweshe, mùvele lipuwilo lyangu na lidaka lyangu, imila dadoni mukunanopa nkati mumwe Umu, mwenu mmakunagwaleka vangu.

I Vateshalonika 3:13

kwambangidya dashi, mitima vyenu vinonowangike mukwilimyanga pakulota vive víkave makosha pamevo pake Nnungu, jo Tatagwetu mukwida kwake Umu wetu Yesu pamo na vakwilimyanga vake uti.

I Vateshalonika 3:2

kutwala kuntumidya Timoti aijá nung'unugwetu, mmádengomwagwe Nnungu nkati muntenga wambone umwe Klistu pakulota annonowange na amupe ntima shii kwaupande walikulupililo lyenu

II Vateshalonika 2:17

apambadyange mitima vyenu na annonowange mushimadengo uti na mulilove uti lyambone.

II Vateshalonika 3:3

Kanji napane Umu ni wakukulupilika, nae anannonowanga na ananshunga kumwe aijá nkalau.

Vabalaniya 13:9

Hamunaleke mutwaligwa mumapundisho oeoe ashijeni mwaa shambone mitima vyetu kunonowangika muumonyo i kwavyakulya víkavaalalidye avalá vaalíle.

I Patulu 5:10

Nnungu waumonyo uti ánshamile mwenu kwalishangelo lyake líkamalilika nkati mumwe Klistu Yesu, jojo jo ling'oto lyakuvauvanga mwenu padyoko, anandyuwangidya, andamwakikisha, andamupa dimongo na anammika pashanya shitunduvangilo.

I Patulu 5:12

Kwalipwashalelo limwe Shilivanu aijá wanimwamini kuva nung'unumunu wakukulupilika, nangu ndimwandikila mwenu kwaungwipi ninjugwangila na ngumyaa ushuda kenga: au ni umonyo wiu wake Nnungu. Pagwa mukunanopa nkati muumonyo wake Nnungu.

II Patulu 1:12

Nadoni ngwengwe ndauka mushu ninkumbuwanga vinu avi ata ikava kenga mwenu mundimanya na munkunanopa nkati muumwiu aulá wamupatile.