Vakoloshu 4:5 - Ibibiliya mu Shimakonde Imbodi Yaambi na dimbande dya Imbodi Yakala

⁵ Nama kwalimanyilo kwavanu vapanda, mutumila shana litala lyenu.

Vakoloshu 4:5 ပူးပေါင်းရင်းမြစ်များ

Mateu 10:16

“Mwenu, nangu ninkuntumidya kenga mmangandolo shing'ati mavinji. Napavedoni ava mmajanja kenga dinyoka na múkavele makukulu kenga ding'unda.

Malukushi 4:11

Nae kushidoni, “Mwenu apa vanintadya mumanye vipii vyautawala wa Nnungu, vanu vanji vákapagwite nkati, vanavo kula lilove linkuvaidila kwamikong'o

Valoma 16:19

Doni, ing'ano yakwigwilila kwenu indiwika kwavanu uti, nadoni nangu ninkupuwanga kwamwaa wenu kanji napane shangulota nangu mwenu muve mmalimanyilo kwa ashilá shambone na muve múkave makosha kwa ashilá shakunyata.

Vakoloshu 3:16

Lilove limwe Klistu liname namene nkati mwenu, mupundishania na mudumana kwalimanyilo uti, mwimba dimu, dimu dyalutumbyango na vilanga vyaimumu, muvanavo lilambwalalelo mmitima vyenu kwa Nnungu.

I Vateshalonika 4:12

kwambangidya muname shalowa kwa avalá vapanda na hashinapagwe shakumwova.

I Timoti 3:7

Namomo inimmaikila ave munu waushuda wambone pakati pavanu vapanda pakulota hanalapigwe kutwala kujola mulutambo lumwe Ndamoni.

Tiyagu 1:5

Ikava kenga munu pakati penu linkumwova limanyilo, anjugwe Nnungu ávapa vanu uti kwabila shinyadinyadi na ákashulanga; namomo nae andamupa.

Tiyagu 3:13

Wakwashi pakati penu walimanyilo na avénavo ding'ano? Bai alodye vitendo vyake kwaindila yamavalelo ake ambone atandeka kwabila makukulu nkati mulimanyilo.

Tiyagu 3:17

Kanji napane limanyilo lyalakéla kuwa, lyanavo shitandi halive ushapu; ling'oto kuva lyamani, kulimaladya, kwigwilila, kuumbaligwanavo shididi na vyepo vyambone, líkamwapula munu na líkave shinankulaba.

I Patulu 3:1

Nimumo momo mwenu mmadyamunu livike mwina mwavatavenu kwambangidya ata ikava kenga vanji havanakulupila shinu lilove lyake Nnungu, vapatikanange kwabila malove kwamwaa washinamidyo shenu mwenu mmadyavave;