Vakoloshu 2:2 - Ibibiliya mu Shimakonde Imbodi Yaambi na dimbande dya Imbodi Yakala

² pakulota doni, mitima vyave vinanawangike vàungene mulinagwaledyo kwambangidya vapate mali uti auwakika uti aalakéla mulimanyilo kwambangidya dashi, vamanye shipii shimwe Nnungu, jo Klistu aju.

Vakoloshu 2:2 ပူးပေါင်းရင်းမြစ်များ

Mateu 11:25

Napanelo muwakati awo Yesu andítangola kushidoni, “Ninkukulambwalela Atata, Umu wakuwa na pai, pakuvapiyanga vinu avi vanu valimanyilo na valipundishídye kuvalodya vanu vila.

Mateu 11:27

Vinu uti aningukamudya Atata. Hapali junji ámmanyite Mwana ila Atata na hapali ámmanyite Atata ila Mwana pamo namu aijá walota kunnodya mwene Mwana.

Mateu 13:11

Yesu akavajang'ula kushidoni, “Mwaa mwenu vanintadya mumanye vipii vyautawala wakuwa kanji vanavo mene.

Lukashi 1:1

Nang'olo Teopilo, vanu voe vandívanavo ntima wakwimyanga shana namene vinu vitandéke pakati petu

Nshuwau 10:30

Nangu namu Atata tunkuva shinu shimo.”

Nshuwau 10:38

kanji ikava ninkutandedya, ata mukanangukulupila nangu, bai kulupila kwavinu vyangutenda vyo pakulota mumanye na muke mushu mumanya kenga Atata ankupagwa nkati mwangu na nangu nkati mumwe Atata.”

Nshuwau 16:15

Uti vyavenavo Atata, vyàngu. Ni ashi shitadídye nguushidoni, vyangu nangu nae andapata kutwala kummalangangila mwenu.

Nshuwau 17:3

Shingumi shíkamalilika sho ni ashi, vakumanye wako kuva Nnungu wiu úvele jumo jojo na vammanye aijá wauntumididye, Yesu Klistu.

Nshuwau 5:17

Napane Yesu kuvaulila doni, “Atata ankukola madengo mpaka ambi, nadoni nanangu momo ninkukola.”

Nshuwau 5:23

kwambangidya vanu uti vamwishimu Mwana kenga mwavamwishimila Tatamunu. Ákamwishimu Mwana hanamwishimu shinu Tatamunu, aijá ántumididye.

Nshuwau 6:69

Wetu tundikulupila na tundimanya kenga wako ni Wakwilimyanga wake Nnungu.”

Vitendo 4:32

Napanelo imbumba ya avalá váshikulupila, ntima wavo uvele umo wowo; hapali munu ashona kenga ashilá shavenavo shàke mwene gweka kanji kula shinu shishiva shaupamo.

Valoma 15:13

Napane Nnungu walilindilililo amuumbadye lipuwilo uti pamo na amani nkati mukukulupila pakulota kwaindila yadimongo dya Imumu Wanashwe, muumbaligwe na lilindilililo.

Valoma 16:25

Napane kwa aijá áulula kunnonowanga mwenu kwodananavo ntenga wambone wangu na kummalanganga kumwe Yesu Klistu kulingananavo kulilodya kwashipii she shilipiídye muwakati úkamalilika

Valoma 2:4

Kwali wona dashi, mali akutanana kwake, akulipililila na aupole, wako unkwiludyanga kwabila kumanya do, kutanana kwake Nnungu ni kukuukanavo mukulijugulanga?

I Vakolintu 14:31

Mwaa uti mwenu munkuulula kulava jumo jumo kwambangidya uti mulipundishe na munonowangike.

I Vakolintu 2:12

Kanji napane wetu hatupatile imumu yamushilambo ashi kanji Imumu áalakadile kwake Nnungu pakulota tumanye vinu vyatupele Nnungu monyo.

Vagalata 3:28

Hapali muyuda na ata ngalegu, ntumwa na ata wamuunaiti, nnume kwali nkongwe mwaa uti mwenu ni munu jumo mumwe Klistu Yesu.

Vaepeshu 1:7

Nkati mwake tundivanavo kwambola kwaindila yamyadi vyake kùvele kulivalivigwa kwakupujungula kwodana na kuumbaligwa kwaumonyo wake Nnungu.

Vaepeshu 3:16

pakulota kwautajili walishangelo lyake, antadye munanawangike na dimongo kwaindila yaimumu yake nkati muumunu wenu,

Vaepeshu 3:3

mwaimanyikidile kwangu nangu sho shipii ashilá kwaindila yamaono kulingana na mwanimwandikidile kwaungwipi.

Vaepeshu 6:22

Nintumididyé kwenu kwaing'ano ai kwambangidya mwenu mumanye vinu vitwámba wetu na amupe ntima shii.

Vapilipo 2:1

Napavedoni, ikava kenga kunkupagwa kwing'a ntima shii kwoekwoe nkati mumwe Klistu, ikava kenga kunkupagwa kupambadyanga kwoekwoe kwalinagwaledyo, ikava kenga unkupagwa upamo woewoe mu Imumu na ikava kenga linkupagwa lilotelo lyoelyoe na shididi,

Vapilipo 3:8

Ata kwakupunda apo, ninkwona vinu uti kuva vyakujaika kwamwaa waukumene wakumamodya walimanyilo limwe Klistu Yesu Umu wangu, aijá waninjaikangila vinu uti. Avyo uti ninkwona kuva dinywashwa kwambangidya nimpate Klistu

Vakoloshu 1:26

shipii ashilá shavapiidye tangu kala dimbula kwadimbula kanji ambi apa shitadídye shimanyike kwavakwilimyanga.

Vakoloshu 1:27

Kwavanavo, Nnungu andyamuwa avatadye vamanye ukumene shani wamali alishangelo lyashipii ashi pakati pavamidi; shipii asho ni Klistu nkati mwenu, lilindilililo lyalishangelo.

Vakoloshu 1:9

Napavedoni, kutunduvangila muliduva lyatwigwite hatunaleka shinu kushwali yenu mwenu tunjugwa Nnungu pakulota dashi, muumbaligwe na limanyilo lyalilotelo lyake nkati mulimanyilo na umanyimanyi uti waimumu

Vakoloshu 2:19

Munu kenga aju hanalinamatila shinu mmuti, muti wowo utádya mili uti paupwashalalegwa na paungananga mumalundu na mumipa, ukulumuke kwalikulumukililo lya Nnungu.

Vakoloshu 3:14

Pashanya pavinu avi uti, gwala linagwaledyo, lyanavo ni lyunganilo liu.

Vakoloshu 4:3

mutushwalidya wetu momo pakulota Nnungu atuungulile nnango kwalilove tuvalangange shipii shimwe Klistu ashilá shitadídye nangu nguungwe.

Vakoloshu 4:8

Kwamwaa wowo au ninkuntumidya kwenu mwenu pakulota mumanye uti vipíta kwetu wetu na kwambangidya ananawange mitima vyenu.

I Vateshalonika 1:5

pakuva ntenga wambone wetu umwikidilé mwenu i gweka kwalilove kanji namomo kwadimongo, kwa Imumu Wanashwe na nkati mukwakikishidya uti kenga mo mwamumanyilile mwashi mwatunamidile pakati penu kwamwaa wenu mwenu.

I Vateshalonika 3:2

kutwala kuntumidya Timoti aijá nung'unugwetu, mmádengomwagwe Nnungu nkati muntenga wambone umwe Klistu pakulota annonowange na amupe ntima shii kwaupande walikulupililo lyenu

I Vateshalonika 5:14

Momo tunkunnaililila mmanung'unumunu, avalá vawondo vadume, vivadidíma mitima vapambadyange, vakudabadabanga vapwashele na ava mmapole kwavanu uti.

I Timoti 3:16

Mwiu shikumene tunkuvalanganga ni shipii shakuvanavo Nnungu: Aijá átandegwe kumanyika mushimunu, áakikishigwe kwa Imumu, áanakene na vanjelo, wavammalangenge pakati pavenentete, wavankulupidile mushilambo, átanduligwidye mulishangelo.

Vabalaniya 10:22

Naivedoni, tuke tummandike Nnungu na ntima waumwiu mukwakikisha kwiu kwalikulupililo mùvenavo mitima vyukíle ndanyunyangiligwa pakulota kutadya atakate makumbukililo akunyata amuntima na mili vyukíle ndaingigwa kwamedi ákave ushapu.

Vabalaniya 6:11

Shitunagwéla wetu, kula munu pakati penu alodye dukuduku yoyo mpaka kumwisho pakulota apate wakikisho wiu walilindilililo lyetu

II Patulu 1:10

Napavedoni mmanung'unumunu, kavili likanyalidye namene pakulota kushamegwa na kutandalegwa kwenu kunanope mwaa mukatenda avyo, mwiko hamulikuvala.

II Patulu 1:3

Kwadimongo dyaunnungu wake anditupa uti avilá vyatulota mushingumi na mukunjopa nae kwaindila yakummanya aijá átushamile kwalishangelo lyake jo mwene na kwaushalowa wake uti

II Patulu 3:18

kanji kulumuka nkati muumonyo na mukummanya Umu wetu, Mwamboli Yesu Klistu. Kwake nae lipagwe lishangelo ambi apa na mpaka mumaduva ákamalilika! Ame.

I Nshuwau 3:19

Davo tundamanya kenga wetu ni tuvaumwiu, tundatudya mitima vyetu pamevo pake

I Nshuwau 5:7

Vapali vatatu vaumya ushuda: