Vagalata 6:3 - Ibibiliya mu Shimakonde Imbodi Yaambi na dimbande dya Imbodi Yakala

³ Munu akalyona kuva munu shii kanji akavé, ankulishang'apila jo mwene.

Vagalata 6:3 ပူးပေါင်းရင်းမြစ်များ

Lukashi 18:11

Mpalishayo aju andíimila kutwala kushwali shintimatima doni, ‘Nnungu, ninkukulambwalela mwaa hanguvele kenga vanji; vakwiva, vakushonda, vaungave-ishaliya, vakulavalava na ata hanguvele kenga munu aju nkúkatisha-ukodi aju.

Vitendo 5:36

Muvyaka vyapanyuma padyoko, andyúmilila Teudashi munu áshilivika kuva wakwishimika; vandílyunganianga namu nae vanu vakuwikila shikonda kenga shadimiya nsheshe doni. Kanji pavamwovidye shingumi, avalá uti váshinkulupila vandímwadilikananga kutwala ing'ano ayo kumalilikila popo.

Valoma 12:16

Kumbukilanila mumo momo. Hamunalyone kanji ava tayali kulyunganianga namu avalá vailudyangíka. Hamunalyone mwemwe mmene kuva mmalimanyilo.

Valoma 12:3

Mwenu, kwaumonyo wangupatile ninkumwaulila kula munu pakati penu hanalikumbukile jo mwene kupunda amulá muvaikidíle alikumbukilile kanji nae alikumbukile kwabila kupundanianga kulinganananavo shipimo shalikulupililo shanjavidile Nnungu kula munu.

I Vakolintu 13:2

Ndikavanavo kulava na kumanya vipii uti na umanyimanyi uti, ndikavanavo likulupililo uti pakulota ngushe mashinga kanji ndikanavanavo linagwaledyo, hangunava shinu.

I Vakolintu 3:18

Hamunaliduwange, munu woewoe pakati penu akalyona kuva walimanyilo lyawakati au, inimmaikila alitende kuva njinga pakulota ave walimanyilo.

I Vakolintu 8:2

Aijá ákumbukila doni ankumanya shinu, mpaka ambi hanava kumanya mwashi muvaikidíle amanye.

II Vakolintu 12:11

Ndilitenda kuva ninjinga kanji mwenu ni múnguungidile. Mwaa mwenu ni múkangutumbyenge nangu pakuva hangunava shinu nindikidiki kwavamyombe vakumene avalá ata ikava kenga nangu hangunava shinu.

II Vakolintu 3:5

I do, tunkuvanavo lyululilo wewe tuvene lyakukumbukila shinu shoeshoe kenga shinkwalakela kwetu kanji lyululilo lyetu linkwalakela kwa Nnungu.

Vagalata 2:6

Napanelo avalá váshaaneka kuva vakuvaikila, shavavéle sho, kwangu nangu hashinava shinu mwaa Nnungu hanatanana kuvailanga kwamunu na vovo vo, hashipali shavangujanjadidye.

Vagalata 2:9

Nadoni vamanya umonyo wangupatile, Tiyagu, Kepashi namu Nshuwau, vo váshaaneka kuva mabodo, vandítuwanidya makono akulodya upamo namu wetu, yani nangu namu Balinaba. Vanavo vandíkubali wetu tuve kwavamidi, vanavo kwavayuda

II Timoti 3:13

Napane vanu vakalau na vakushang'apa vandauka mushu vamamodya kuvaashadyanga vanu na vo vene vaashalangigwa.

Tiyagu 1:22

Ava mmanu mmakutandedya alilá lilove, hamunave mmakwigwa vila muliduwanga mwemwe mmene.

Tiyagu 1:26

Ikava kenga munu ankulyona kuva munu waidini kanji hanatawala shinu lulimi lwake, ankuliduwanga jo mwene muntima mwake, idini yake yo, yabule.

I Nshuwau 1:8

Ikava kenga tunkushidoni hatuve lidambi, tunkuliduwanga wewe tuvene na nkati mwetu haupali umwiu.